Texts

athādhvaryur apararātra ādrutya saṃśāsty ekastanavrataṃ dohayateti // (1) Par.?

prātarudita āditye visṛṣṭāyāṃ vācy uttamābhyāṃ pravargyopasadbhyāṃ pracarati // (2) Par.?

harāśayām atra juhoti // (3) Par.?

athopaniṣkramya saṃpraiṣam āha subrahmaṇya subrahmaṇyām āhvayārdhastanavrataṃ prayacchateti // (4) Par.?

āhvayati subrahmaṇyaḥ subrahmaṇyām // (5) Par.?

ardhastanavrataṃ prayacchati // (6) Par.?

atha tadānīm evāparāhṇikī pravargyopasadau samasyopaniṣkramya saṃpraiṣam āha subrahmaṇya subrahmaṇyām āhvaya pratiprasthātaḥ pravargyasyāvṛtā pravargyaṃ saṃsādayodvāsanāyeti // (7) Par.?

tredhaitat padaṃ kurvanti // (8) Par.?

gārhapatye tṛtīyam upayamanīṣu tṛtīyaṃ ni tṛtīyaṃ dadhati // (9) Par.?

atha pravargyasyāvṛtā pravargyam udvāsayati // (10) Par.?

agner āvṛtāgniṃ praṇayati // (11) Par.?

agnivaty uttaraṃ parigrāhaṃ parigṛhya yoyupitvā tiryañcaṃ sphyaṃ stabdhvā saṃpraiṣam āha prokṣaṇīr āsādayedhmābarhir upasādayety etāvān saṃpraiṣaḥ // (12) Par.?

atraivaitad barhir anuspandyaṃ stṛṇāti sakṛd eva // (13) Par.?

etad evedhmābarhir agnīṣomīyāya paśave pariśayītety eka āhuḥ // (14) Par.?

athāsyaite anasī prakṣālite prapanne yogyakṛte abhitaḥ śālāṃ tiṣṭhataḥ // (15) Par.?

tayor dakṣiṇaṃ varṣīya uttaraṃ hrasīyaḥ // (16) Par.?

uddhṛtaphalakaṃ dakṣiṇam anuddhṛtaphalakam uttaram // (17) Par.?

tayor yad akṣe baddhaṃ tad avasyati // (18) Par.?

athaine antarvedy abhyāvartayanti // (19) Par.?

athāgreṇa śālām aratnimātram abhita spandyāṃ sthāpayitvāthaine prokṣati vaiṣṇavī viṣṇave śundhethām iti // (20) Par.?

athāhaihi yajamāneti // (21) Par.?

pūrvayā dvārā śālāṃ prapādya gārhapatya ājyaṃ vilāpyotpūya sruci caturgṛhītaṃ gṛhītvā śālāmukhīye sāvitraṃ juhoty anvārabdhe yajamāne yuñjate mana uta yuñjate dhiyo viprā viprasya bṛhato vipaścitaḥ / (22.1) Par.?

vi hotrā dadhe vayunāvid eka id mahī devasya savituḥ pariṣṭutiḥ svāheti // (22.2) Par.?

aparaṃ caturgṛhītaṃ gṛhītvātha yācaty ājyasthālīṃ sasruvāṃ sphyam udapātraṃ barhir hiraṇyam iti // (23) Par.?

etat samādāyāhaihi yajamāneti // (24) Par.?

anvag yajamāno 'nūcī patnī padatṛtīyam ādāya pūrvayā dvāropaniṣkramya dakṣiṇasya havirdhānasya paścād akṣam upasṛpya dakṣiṇasyāṃ vartanyāṃ sphyenoddhatyāvokṣya hiraṇyaṃ nidhāya saṃparistīryābhijuhotīdaṃ viṣṇur vicakrame tredhā nidadhe padam / (25.1) Par.?

samūḍham asya pāṃsure svāheti // (25.2) Par.?

athaiteṣāṃ padapāṃsūnām ardhān patny añjalāv āvapati // (26) Par.?

athainān saṃsrāveṇābhighārayati // (27) Par.?

sā prācottānena pāṇinā dakṣiṇam akṣadhuram upānakty ā no vīro jāyatāṃ karmaṇyo yaṃ sarve 'nujīvāma yo bahūnām asad vaśīti // (28) Par.?

aparaṃ caturgṛhītaṃ gṛhītvottarasya havirdhānasya paścād akṣam upasṛpyottarasyāṃ vartanyāṃ sphyenoddhatyāvokṣya hiraṇyaṃ nidhāya saṃparistīryābhijuhotīrāvatī dhenumatī hi bhūtam sūyavasinī manave yaśasye / (29.1) Par.?

vyaskabhnād rodasī viṣṇur ete dādhāra pṛthivīm abhito mayūkhaiḥ svāheti // (29.2) Par.?

atraitān padapāṃsūn sarvaśa eva patny añjalāv āvapati // (30) Par.?

athainān saṃsrāveṇābhighārayati // (31) Par.?

sā prācottānenaiva pāṇinottaram akṣadhuram upānakti // (32) Par.?

samāna upāñjanaḥ // (33) Par.?

athaitāni śastrāṇi pratiprasthātra utprayacchati // (34) Par.?

nayanti patnīṃ hvayanti hotāram // (35) Par.?

athaine samparigṛhya saṃpraiṣam āha // (36) Par.?