Texts

atha prāṅ etya śukrapātram ādadāna āhonnetar yademaṃ māhendraṃ grahaṃ gṛhṇāmy athodañcaṃ rājānaṃ pūtabhṛtam abhi saṃpavayatād daśābhir droṇakalaśaṃ mṛṣṭvā nyubjatād iti // (1) Par.?

sa tathā karoti // (2) Par.?

sa śukrapātreṇa māhendraṃ droṇakalaśād gṛhṇāti mahāṁ indro ya ojasety anudrutyopayāmagṛhīto 'si mahendrāya tvā juṣṭaṃ gṛhṇāmīti // (3) Par.?

parimṛjya sādayaty eṣa te yonir mahendrāya tveti // (4) Par.?

athāpa upaspṛśya barhiṣī ādāya vācaṃyamaḥ pratyaṅ drutvā stotram upākaroti // (5) Par.?

stuvate māhendrāya // (6) Par.?

prastute sāmni saṃpraiṣam āhābhiṣotāro 'bhiṣuṇutāgnīd āśiraṃ vinayolūkhalam udvādaya pratiprasthātar vāruṇam ekakapālaṃ nirvapa saumyasya viddhīti // (7) Par.?

yathāsaṃpraiṣaṃ te kurvanti // (8) Par.?

hotra eṣottameti prāhuḥ // (9) Par.?

hotuḥ kālāt parāṅ āvartate 'dhvaryuḥ // (10) Par.?

abhy enam āhvayate hotā // (11) Par.?

pratyāhvayate 'dhvaryuḥ // (12) Par.?

śaṃsati // (13) Par.?

pratigṛṇāti // (14) Par.?

prasiddham ukthaṃ pratigīrya prāṅ etyodyacchata etaṃ māhendraṃ graham // (15) Par.?

anūdyacchante nārāśaṃsān // (16) Par.?

athāśrāvayaty o śrāvayāstu śrauṣaḍ ukthaśā yaja somasyeti // (17) Par.?

vaṣaṭkṛtānuvaṣaṭkṛte dvir juhoti // (18) Par.?

tathaiva dvirdvir nārāśaṃsān anuprakampayanti // (19) Par.?

etat pātraṃ nārāśaṃsā anvāyanti // (20) Par.?

anusavanabhakṣo mahendreṇa pītasyeti // (21) Par.?

hotā caivādhvaryuś caitat pātraṃ saṃbhakṣayato narāśaṃsapītena nārāśaṃsān narāśaṃsapītasya soma deva te mativido mādhyaṃdinasya savanasya triṣṭupchandasaḥ pitṛpītasya madhumata upahūtasyopahūto bhakṣayāmīti // (22) Par.?

hotṛcamasam evaite trayaḥ samupahūya bhakṣayanti // (23) Par.?

yathācamasaṃ camasān // (24) Par.?

hinva ma ity ātmānaṃ pratyabhimṛśante // (25) Par.?

nāpyāyayanti camasān // (26) Par.?

sarvabhakṣā mārjayante // (27) Par.?

athendrāya tvendrāya tvety evaṃ tribhir ukthyaparyāyaiś carati // (28) Par.?

taṃ tathaivottame 'tiśiṣṭa āhācchāvākasya camasam anūnnayadhvam unnetaḥ sarvaśa eva rājānam unnaya mātirīricaḥ pratiprasthātar upaitena graheṇa ramaihi yajamāneti // (29) Par.?

pūrvayā dvārā havirdhānaṃ prapādyāthodubjyādhavanīyaṃ sarvaśa eva vasatīvarīḥ paryasyati // (30) Par.?

sarvaśa evaikadhanān // (31) Par.?

puro'kṣam eva vasatīvarīkalaśaṃ mṛṣṭvā nyubjati // (32) Par.?

paścād akṣam ekadhanān // (33) Par.?

acchāvākacamasam eva prathamam unnayanti // (34) Par.?

yathopapādam itarān // (35) Par.?

sarvaśa eva rājānaṃ samunnīyottaravedyāṃ saṃsādayanti // (36) Par.?

athādatta ukthyasthālyā aupaśayaṃ pātram // (37) Par.?

tasminn etaṃ sarvaśa eva rājānaṃ gṛhṇāti ya ukthyasthālyāṃ bhavati // (38) Par.?

sa u vā aindra eva bhavati // (39) Par.?

athokthaṃ vācīty āha mādhyaṃdinaṃ savanaṃ pratigīrya praśāstaḥ prasuhīti // (40) Par.?

sarpatety āha praśāstā // (41) Par.?

saṃtiṣṭhate mādhyaṃdinaṃ savanam // (42) Par.?