Texts

oṣadhayaḥ pūtikāḥ kvalās taṇḍulāḥ parṇavalkā ity ātañcanavikalpāḥ // (1) Par.?

uccheṣaṇābhāve taṇḍulair ātañcyāt taṇḍulābhāva oṣadhībhiḥ // (2) Par.?

āpo haviḥṣu jāgṛta yathā deveṣu jāgratha / (3.1) Par.?

evam asmin yajñe yajamānāya jāgṛtety ayaspātre dārupātre vāpa ānīyādastam asi viṣṇave tvā yajñāyāpidadhāmy aham / (3.2) Par.?

adbhir ariktena pātreṇa yāḥ pūtāḥ pariśerata iti tenāpidadhāti / (3.3) Par.?

amṛnmayaṃ devapātraṃ yajñasyāyuṣi prayujyatām / (3.4) Par.?

tiraḥ pavitram atinītā āpo dhāraya mātigur iti yajamāno japati // (3.5) Par.?

yadi mṛnmayenāpidadhyāt tṛṇaṃ kāṣṭhaṃ vāpidhāne 'nupravidhyet // (4) Par.?

viṣṇo havyaṃ rakṣasvety anadho nidadhāti // (5) Par.?

imau parṇaṃ ca darbhaṃ ca devānāṃ havyaśodhanau / (6.1) Par.?

prātarveṣāya gopāya viṣṇo havyaṃ hi rakṣasīti prajñātaṃ śākhāpavitraṃ nidadhāti // (6.2) Par.?

tayaiva śākhayā darbhair vā sāyaṃdohavat prātardohāya vatsān apākaroti // (7) Par.?

upadhāya kapālāni sāyaṃdohavat prātardohaṃ dohayati / (8.1) Par.?

ātañcanāpidhāne nidhānaṃ ca nivartate / (8.2) Par.?

nāsomayājī saṃnayet saṃnayed vā // (8.3) Par.?

nāgataśrīr mahendraṃ yajeta / (9.1) Par.?

trayo vai gataśriya ity uktam // (9.2) Par.?

aurvo gautamo bhāradvājas te 'nantaraṃ somejyāyā mahendraṃ yajeran // (10) Par.?

yo vā kaścit // (11) Par.?

tataḥ saṃpreṣyati paristṛṇīta paridhattāgniṃ parihito 'gnir yajamānaṃ bhunaktu / (12.1) Par.?

apāṃ rasa oṣadhīṇāṃ suvarṇo niṣkā ime yajamānasya santu kāmadughā amutrāmuṣmiṃl loka iti // (12.2) Par.?

paristaraṇīm etām eke samāmananti // (13) Par.?

udagagraiḥ prāgagraiś ca darbhair agnīn paristṛṇāti // (14) Par.?

udagagrāḥ paścāt purastāc ca // (15) Par.?

etat kṛtvopavasati // (16) Par.?

agnyanvādhānaṃ vatsāpākaraṇam idhmābarhir vedo vediḥ / (17.1) Par.?

prāguttarāt parigrāhāt kṛtvā śvo bhūta āpyalepaṃ ninīyottaraṃ parigṛhṇīyāt / (17.2) Par.?

paristaraṇaṃ ca pūrvedyur amāvāsyāyāṃ paurṇamāsyāṃ tv anvādhānaparistaraṇopavāsāḥ // (17.3) Par.?

sadyo vā sadyaskālāyāṃ sarvaṃ kriyate // (18) Par.?