Texts

ātithyena vai devā iṣṭvā tānt samad avindat / (1.1) Par.?

te caturdhā vyadravann anyo'nyasya śriyā atiṣṭhamānāḥ / (1.2) Par.?

agnir vasubhiḥ somo rudrair varuṇa ādityair indro marudbhir bṛhaspatir viśvair devair ity u haika āhuḥ / (1.3) Par.?

ete ha tv eva te viśve devā ye te caturdhā vyadravan / (1.4) Par.?

tān vidrutān asurarakṣasāny anuvyaveyuḥ // (1.5) Par.?

te 'viduḥ pāpīyāṃso vai bhavāmaḥ / (2.1) Par.?

asurarakṣasāni vai no 'nuvyavāguḥ / (2.2) Par.?

dviṣadbhyo vai radhyāmaḥ / (2.3) Par.?

hanta saṃjānāmahai / (2.4) Par.?

ekasya śriyai tiṣṭhāmahā iti / (2.5) Par.?

ta indrasya śriyā atiṣṭhanta / (2.6) Par.?

tasmād āhur indraḥ sarvā devatāḥ / (2.7) Par.?

indraśreṣṭhā devā iti // (2.8) Par.?

tasmād u ha na svā ṛtīyeran / (3.1) Par.?

ya eṣām parastarām iva bhavati sa enān anuvyavaiti / (3.2) Par.?

te priyaṃ dviṣatāṃ kurvanti / (3.3) Par.?

dviṣadbhyo radhyanti / (3.4) Par.?

tasmān nartīyeran / (3.5) Par.?

sa yo haivaṃ vidvān nartīyate 'priyaṃ dviṣatāṃ karoti / (3.6) Par.?

na dviṣadbhyo radhyati / (3.7) Par.?

tasmān nartīyeta // (3.8) Par.?

te hocur hantedaṃ tathā karavāmahai yathā na idam āpradivam evājaryam asad iti // (4.1) Par.?

te devā juṣṭās tanūḥ priyāṇi dhāmāni sārdhaṃ samavadadire / (5.1) Par.?

te hocur etena naḥ sa nānāsad etena viṣvaṅ yo na etad atikrāmād iti / (5.2) Par.?

kasyopadraṣṭur iti / (5.3) Par.?

tanūnaptur eva śākvarasyeti / (5.4) Par.?

yo vā ayam eṣa tanūnapācchākvaraḥ so 'yam prajānām upadraṣṭā praviṣṭas tāv imau prāṇodānau // (5.5) Par.?

tasmād āhur mano devā manuṣyasyājānantīti / (6.1) Par.?

manasā saṃkalpayati / (6.2) Par.?

tat prāṇam apipadyate prāṇo vātam / (6.3) Par.?

vāto devebhya ācaṣṭe yathā puruṣasya manaḥ // (6.4) Par.?

tasmād etad ṛṣiṇābhyanūktaṃ manasā saṃkalpayati / (7.1) Par.?

tad vātam apigacchati / (7.2) Par.?

vāto devebhya ācaṣṭe yathā puruṣa te mana iti // (7.3) Par.?

te devā juṣṭās tanūḥ priyāṇi dhāmāni sārdhaṃ samavadadire / (8.1) Par.?

te hocur etena naḥ sa nānāsad etena viṣvaṅ yo na etad atikrāmād iti / (8.2) Par.?

tad devā apy etarhi nātikrāmanti / (8.3) Par.?

ke hi syur yad atikrāmeyuḥ / (8.4) Par.?

anṛtaṃ hi vadeyuḥ / (8.5) Par.?

ekaṃ ha vai devā vrataṃ caranti satyam eva / (8.6) Par.?

tasmād eṣāṃ jitam anapajayyam / (8.7) Par.?

tasmād yaśa evaṃ ha vā asya jitam anapajayyam evaṃ yaśo bhavati ya evaṃ vidvānt satyaṃ vadati / (8.8) Par.?

tad etat tānūnaptraṃ nidānena // (8.9) Par.?

te devā juṣṭās tanūḥ priyāṇi dhāmāni sārdhaṃ samavadadire / (9.1) Par.?

athaita ājyāny eva gṛhṇānā juṣṭās tanūḥ priyāṇi dhāmāni sārdhaṃ samavadyante / (9.2) Par.?

tasmād u ha na sarveṇeva samabhyaveyān nen me juṣṭās tanvaḥ priyāṇi dhāmāni sārdhaṃ samabhyavāyān iti / (9.3) Par.?

yeno ha samabhyaveyān nāsmai druhyet / (9.4) Par.?

idaṃ hy āhur na satānunaptriṇe drogdhavyam iti // (9.5) Par.?

athāto gṛhṇāty evāpataye tvā paripataye gṛhṇāmīti / (10.1) Par.?

yo vā ayam pavata eṣa ā ca patati pari ca patati / (10.2) Par.?

etasmā u hi gṛhṇāti / (10.3) Par.?

tasmād āhāpataye tvā paripataye gṛhṇāmīti // (10.4) Par.?

tanūnaptre śākvarāyeti / (11.1) Par.?

yo vā ayam pavata eṣa tanūnaptā śākvaraḥ / (11.2) Par.?

etasmā u hi gṛhṇāti / (11.3) Par.?

tasmād āha tanūnaptre śākvarāyeti // (11.4) Par.?

śakvana ojiṣṭhāyeti / (12.1) Par.?

eṣa vai śakvaujiṣṭhaḥ / (12.2) Par.?

etasmā u hi gṛhṇāti / (12.3) Par.?

tasmād āha śakvana ojiṣṭhāyeti // (12.4) Par.?

athātaḥ samavamṛśanty eva / (13.1) Par.?

etaddha devā bhūyaḥ samāmira itthaṃ naḥ so 'muthāsad yo na etad atikrāmād iti / (13.2) Par.?

tatho evaita etat samamanta itthaṃ naḥ so 'muthāsad yo na etad atikrāmād iti // (13.3) Par.?

te samavamṛśanty anādhṛṣṭam asy anādhṛṣyaṃ devānām oja iti / (14.1) Par.?

anādhṛṣṭā hi devā āsann anādhṛṣyāḥ saha santaḥ samānaṃ vadantaḥ samānaṃ dadhrāṇāḥ / (14.2) Par.?

devānām oja iti / (14.3) Par.?

devānāṃ vai juṣṭās tanvaḥ priyāṇi dhāmāni / (14.4) Par.?

anabhiśasty abhiśastipā anabhiśastenyam iti / (14.5) Par.?

sarvāṃ hi devā abhiśastiṃ tīrṇāḥ / (14.6) Par.?

añjasā satyam upageṣam iti satyaṃ vadāni medam atikramiṣam ity evaitad āha / (14.7) Par.?

svite mā dhā iti / (14.8) Par.?

svite hi tad devā ātmānam adadhata yat satyam avadan yat satyam akurvan / (14.9) Par.?

tasmād āha svite mā dhā iti // (14.10) Par.?

atha yās tad devā juṣṭās tanūḥ priyāṇi dhāmāni sārdhaṃ samavadadire tad indre saṃnyadadhata / (15.1) Par.?

eṣa vā indro ya eṣa tapati / (15.2) Par.?

na ha vā eṣo 'gre tatāpa / (15.3) Par.?

yathā haivedam anyat kṛṣṇam evaṃ haivāsa / (15.4) Par.?

tenaivaitad vīryeṇa tapati / (15.5) Par.?

tasmād yadi bahavo dīkṣeran gṛhapataya eva vratam abhyutsicya prayaccheyuḥ / (15.6) Par.?

sa hi teṣām indrabhājanaṃ bhavati / (15.7) Par.?

yady u dakṣiṇāvatā dīkṣeta yajamānāyaiva vratam abhyutsicya prayaccheyuḥ / (15.8) Par.?

idaṃ hy āhur indro yajamāna iti // (15.9) Par.?

atha yās tad devā juṣṭās tanūḥ priyāṇi dhāmāni sārdhaṃ samavadadire tat sārdhaṃ saṃjaghne tat sāmābhavat / (16.1) Par.?

tasmād āhuḥ satyaṃ sāma devajaṃ sāmeti // (16.2) Par.?