Texts

grīvā vai yajñasyopasadaḥ śiraḥ pravargyaḥ / (1.1) Par.?

tasmād yadi pravargyavān bhavati pravargyeṇa pracaryāthopasadbhiḥ pracaranti / (1.2) Par.?

tad grīvāḥ pratidadhāti // (1.3) Par.?

tad yāḥ pūrvāhṇe 'nuvākyā bhavanti tā aparāhṇe yājyā yā yājyās tā anuvākyāḥ / (2.1) Par.?

tad vyatiṣajati / (2.2) Par.?

tasmād imāni grīvāṇām parvāṇi vyatiṣaktānīmāny asthīni // (2.3) Par.?

devāś ca vā asurāś cobhaye prājāpatyāḥ paspṛdhire / (3.1) Par.?

tato 'surā eṣu lokeṣu puraś cakrire 'yasmayīm evāsmiṃl loke rajatām antarikṣe hariṇīṃ divi // (3.2) Par.?

tad vai devā aspṛṇvata / (4.1) Par.?

ta etābhir upasadbhir upāsīdan / (4.2) Par.?

tad yad upāsīdaṃs tasmād upasado nāma / (4.3) Par.?

te puraḥ prābhindan / (4.4) Par.?

imāṃl lokān prājayan / (4.5) Par.?

tasmād āhur upasadā puraṃ jayantīti / (4.6) Par.?

yad ahopāsate tenemām mānuṣīm puraṃ jayanti // (4.7) Par.?

etābhir vai devā upasadbhiḥ puraḥ prābhindann imāṃl lokān prājayan / (5.1) Par.?

tatho evaiṣa etat / (5.2) Par.?

nāhaivāsmā asmiṃl loke kaścana puraḥ kurute / (5.3) Par.?

imān evaital lokān prabhinatti / (5.4) Par.?

imāṃl lokān prajayati / (5.5) Par.?

tasmād upasadbhir yajate // (5.6) Par.?

tā vā ājyahaviṣo bhavanti / (6.1) Par.?

vajro vā ājyam / (6.2) Par.?

etena vai devā vajreṇājyena puraḥ prābhindann imāṃl lokān prājayan / (6.3) Par.?

tatho evaiṣa etena vajreṇājyenemāṃl lokān prabhinattīmāṃl lokān prajayati / (6.4) Par.?

tasmād ājyahaviṣo bhavanti // (6.5) Par.?

sa vā aṣṭau kṛtvo juhvāṃ gṛhṇāti catur upabhṛti / (7.1) Par.?

atho itarathāhuś catur eva kṛtvo juhvāṃ gṛhṇīyād aṣṭau kṛtva upabhṛtīti // (7.2) Par.?

sa vā aṣṭāv eva kṛtvo juhvāṃ gṛhṇāti catur upabhṛti / (8.1) Par.?

tad vajram abhibhāraṃ karoti / (8.2) Par.?

tena vajreṇābhibhāreṇemāṃl lokān prabhinattīmāṃl lokān prajayati // (8.3) Par.?

agnīṣomau vai devānāṃ sayujau / (9.1) Par.?

tābhyāṃ sārdhaṃ gṛhṇāti viṣṇava ekākine / (9.2) Par.?

anyataram evāghāram āghārayati yaṃ sruveṇa / (9.3) Par.?

pratikrāmati vā uttaram āghāram āghāryābhijityā abhijayānīti / (9.4) Par.?

tasmād anyataram evāghāram āghārayati yaṃ sruveṇa // (9.5) Par.?

athāśrāvya na hotāram pravṛṇīte / (10.1) Par.?

sīda hotar ityevāha / (10.2) Par.?

upaviśati hotā hotṛṣadane / (10.3) Par.?

upaviśya prasauti / (10.4) Par.?

prasūto 'dhvaryuḥ srucāv ādatte // (10.5) Par.?

sa āhātikrāmann agnaye 'nubrūhīti / (11.1) Par.?

āśrāvyāhāgniṃ yajeti / (11.2) Par.?

vaṣaṭkṛte juhoti // (11.3) Par.?

athāha somāyānubrūhīti / (12.1) Par.?

āśrāvyāha somaṃ yajeti / (12.2) Par.?

vaṣaṭkṛte juhoti // (12.3) Par.?

atha yad upabhṛty ājyam bhavati tat samānayamāna āha viṣṇave 'nubrūhīti / (13.1) Par.?

āśrāvyāha viṣṇuṃ yajeti / (13.2) Par.?

vaṣaṭkṛte juhoti // (13.3) Par.?

sa yat samānatra tiṣṭhan juhoti na yathedam pracarant saṃcaraty abhijityā abhijayānīti / (14.1) Par.?

atha yad etā devatā yajati vajram evaitat saṃskaroty agnim anīkaṃ somaṃ śalyaṃ viṣṇuṃ kulmalam // (14.2) Par.?

saṃvatsaro hi vajraḥ / (15.1) Par.?

agnir vā ahaḥ / (15.2) Par.?

somo rātriḥ / (15.3) Par.?

atha yad antareṇa tad viṣṇuḥ / (15.4) Par.?

etad vai pariplavamānaṃ saṃvatsaraṃ karoti // (15.5) Par.?

saṃvatsaro vajraḥ / (16.1) Par.?

etena vai devāḥ saṃvatsareṇa vajreṇa puraḥ prābhindann imāṃl lokān prājayan / (16.2) Par.?

tatho evaiṣa etena saṃvatsareṇa vajreṇemāṃl lokān prabhinattīmāṃl lokān prajayati / (16.3) Par.?

tasmād etā devatā yajati // (16.4) Par.?

sa vai tisra upasada upeyāt / (17.1) Par.?

trayo vā ṛtavaḥ saṃvatsarasya / (17.2) Par.?

saṃvatsarasyaivaitad rūpaṃ kriyate / (17.3) Par.?

saṃvatsaram evaitat saṃskaroti / (17.4) Par.?

dvir ekayā pracarati dvir ekayā // (17.5) Par.?

tāḥ ṣaṭ sampadyante / (18.1) Par.?

ṣaḍ vā ṛtavaḥ saṃvatsarasya / (18.2) Par.?

saṃvatsarasyaivaitad rūpaṃ kriyate / (18.3) Par.?

saṃvatsaram evaitat saṃskaroti // (18.4) Par.?

yady u dvādaśopasada upeyāt / (19.1) Par.?

dvādaśa vai māsāḥ saṃvatsarasya / (19.2) Par.?

saṃvatsarasyaivaitad rūpaṃ kriyate / (19.3) Par.?

saṃvatsaram evaitat saṃskaroti / (19.4) Par.?

dvir ekayā pracarati dvir ekayā // (19.5) Par.?

tāś caturviṃśatiḥ sampadyante / (20.1) Par.?

caturviṃśatir vai saṃvatsarasyārdhamāsāḥ / (20.2) Par.?

saṃvatsarasyaivaitad rūpaṃ kriyate / (20.3) Par.?

saṃvatsaram evaitat saṃskaroti // (20.4) Par.?

sa yat sāyamprātaḥ pracarati tathā hy eva sampat sampadyate / (21.1) Par.?

sa yat pūrvāhṇe pracarati taj jayati / (21.2) Par.?

atha yad aparāhṇe pracarati sujitam asad iti / (21.3) Par.?

atha yaj juhotīdaṃ vai puraṃ yudhyanti / (21.4) Par.?

tāṃ jitvā svāṃ satīṃ prapadyante // (21.5) Par.?

sa yat pracarati tad yudhyati / (22.1) Par.?

atha yat saṃtiṣṭhate taj jayati / (22.2) Par.?

atha yaj juhoti svām evaitat satīm prapadyate // (22.3) Par.?

sa juhoti yayā dvir ekasyāhnaḥ pracariṣyan bhavati yā te agne 'yaḥśayā tanūr varṣiṣṭhā gahvareṣṭhā ugraṃ vaco apāvadhīt tveṣaṃ vaco apāvadhīt svāheti / (23.1) Par.?

evaṃrūpā hi sāsīt / (23.2) Par.?

ayasmayī hi sāsīt // (23.3) Par.?

atha juhoti yayā dvir ekasyāhnaḥ pracariṣyan bhavati yā te agne rajaḥśayā tanūr varṣiṣṭhā gahvareṣṭhā ugraṃ vaco apāvadhīt tveṣaṃ vaco apāvadhīt svāheti / (24.1) Par.?

evaṃrūpā hi sāsīt / (24.2) Par.?

rajatā hi sāsīt // (24.3) Par.?

atha juhoti yayā dvir ekasyāhnaḥ pracariṣyan bhavati yā te agne hariśayā tanūr varṣiṣṭhā ugraṃ vaco apāvadhīt tveṣaṃ vaco apāvadhīt svāheti / (25.1) Par.?

evaṃrūpā hi sāsīt / (25.2) Par.?

hariṇī hi sāsīt / (25.3) Par.?

yady u dvādaśopasada upeyāc caturaham ekayā pracarec caturaham ekayā // (25.4) Par.?

athāto vratopasadām eva / (26.1) Par.?

paraurvīr vā anyā upasadaḥ paro'hvīr anyāḥ / (26.2) Par.?

sa yāsām ekam prathamāhaṃ dogdhy atha dvāv atha trīṃs tāḥ paraurvīḥ / (26.3) Par.?

atha yāsāṃ trīn prathamāhaṃ dogdhy atha dvāv athaikaṃ tāḥ paro'hvīḥ / (26.4) Par.?

yā vai paro'hvīs tāḥ paraurvīḥ / (26.5) Par.?

yāḥ paraurvīs tāḥ paro'hvīḥ // (26.6) Par.?

tapasā vai lokaṃ jayanti / (27.1) Par.?

tad asyaitat paraḥ para eva varīyas tapo bhavati / (27.2) Par.?

paraḥparaḥ śreyāṃsaṃ lokaṃ jayati / (27.3) Par.?

vasīyān u haivāsmiṃl loke bhavati ya evaṃ vidvān paro'hvīr upasada upaiti / (27.4) Par.?

tasmād u paro'hvīr evopasada upeyāt / (27.5) Par.?

yady u dvādaśopasada upeyāt trīṃś caturahaṃ dohayed dvau caturaham ekaṃ caturaham // (27.6) Par.?