Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 17441

vaiśaṃpāyana uvāca / (1.1) Par.?

kasyacit tv atha kālasya rājā rājagṛheśvaraḥ / (1.2) Par.?

śuśrāva nihataṃ kaṃsaṃ jarāsaṃdhaḥ pratāpavān // (1.3) Par.?

ājagāma ṣaḍaṅgena balena mahatā vṛtaḥ / (2.1) Par.?

jighāṃsur hi yadūn kruddhaḥ kaṃsasyāpacitiṃ caran // (2.2) Par.?

astiḥ prāptiś ca nāmnāstāṃ māgadhasya sute nṛpa / (3.1) Par.?

ubhe kaṃsasya te bhārye prādād bārhadratho nṛpaḥ // (3.2) Par.?

sa tābhyāṃ mumude rājā vadhvā pitaram āhukam / (4.1) Par.?

samāśritya jarāsaṃdham anādṛtya ca yādavān / (4.2) Par.?

śūraseneśvaro rājā yathā te bahuśaḥ śrutaḥ // (4.3) Par.?

jñātikāryārthasiddhyartham ugrasenahite sthitaḥ / (5.1) Par.?

vasudevo 'bhavan nityaṃ kaṃso na mamṛṣe ca tam // (5.2) Par.?

rāmakṛṣṇau vyapāśritya hate kaṃse durātmani / (6.1) Par.?

ugraseno 'bhavad rājā bhojavṛṣṇyandhakair vṛtaḥ // (6.2) Par.?

duhitṛbhyāṃ jarāsaṃdhaḥ priyābhyāṃ balavān nṛpaḥ / (7.1) Par.?

priyārthaṃ vīrapatnībhyām upāyān mathurāṃ tataḥ / (7.2) Par.?

kṛtvā sarvasamudyogaṃ krodhād abhiyayau yadūn // (7.3) Par.?

pratāpāvanatā ye hi jarāsaṃdhasya pārthivāḥ / (8.1) Par.?

mitrāṇi jñātayaś caiva saṃyuktāḥ suhṛdas tathā // (8.2) Par.?

ta enam anvayuḥ sarve sainyaiḥ samuditair vṛtāḥ / (9.1) Par.?

maheṣvāsā mahāvīryā jarāsaṃdhapriyaiṣiṇaḥ // (9.2) Par.?

kārūṣo dantavaktraś ca cedirājaś ca vīryavān / (10.1) Par.?

kaliṅgādhipatiś caiva pauṇḍraś ca balināṃ varaḥ / (10.2) Par.?

āhvṛtiḥ kauśikaś caiva bhīṣmakaś ca narādhipaḥ // (10.3) Par.?

putraś ca bhīṣmakasyāpi rukmī mukhyo dhanurbhṛtām / (11.1) Par.?

vāsudevārjunābhyāṃ yaḥ spardhate sma sadā bale // (11.2) Par.?

veṇudāriḥ śrutarvā ca krāthaś caivāṃśumān api / (12.1) Par.?

aṅgarājaś ca balavān vaṅgānām adhipas tathā // (12.2) Par.?

kausalyaḥ kāśirājaś ca daśārṇādhipatis tathā / (13.1) Par.?

suhmeśvaraś ca vikrānto videhādhipatis tathā // (13.2) Par.?

madrarājaś ca balavāṃs trigartānām atheśvaraḥ / (14.1) Par.?

sālvarājaś ca vikrānto daradaś ca mahābalaḥ // (14.2) Par.?

yavanādhipatiś caiva bhagadattaś ca vīryavān / (15.1) Par.?

sauvīrarājaḥ śaibyaś ca pāṇḍyaś ca balināṃ varaḥ / (15.2) Par.?

gāndhārarājaḥ subalo nagnajic ca mahābalaḥ // (15.3) Par.?

ete cānye ca rājāno balavanto mahārathāḥ / (16.1) Par.?

tam anvayur jarāsaṃdhaṃ vidviṣanto janārdanam // (16.2) Par.?

te śūrasenān āviśya prabhūtayavasendhanān / (17.1) Par.?

ūṣuḥ saṃrudhya mathurāṃ parikṣipya balais tadā // (17.2) Par.?

Duration=0.1089231967926 secs.