Texts

janamejaya uvāca / (1.1) Par.?

bhūya eva tu viprarṣe baladevasya dhīmataḥ / (1.2) Par.?

māhātmyaṃ śrotum icchāmi śeṣasya dharaṇībhṛtaḥ // (1.3) Par.?

atīva balavantaṃ hi tejorāśim anirjitam / (2.1) Par.?

kathayanti mahātmānaṃ ye purāṇavido janāḥ // (2.2) Par.?

tasya karmāṇy ahaṃ vipra śrotum icchāmi tattvataḥ / (3.1) Par.?

anantaṃ yaṃ vidur nāgam ādidevaṃ mahaujasam // (3.2) Par.?

vaiśaṃpāyana uvāca / (4.1) Par.?

purāṇe nāgarājo 'sau paṭhyate dharaṇīdharaḥ / (4.2) Par.?

śeṣas tejonidhiḥ śrīmān akampyaḥ puruṣottamaḥ // (4.3) Par.?

yogācāryo mahāvīryaḥ subalo balavān balī / (5.1) Par.?

jarāsaṃdhaṃ gadāyuddhe jitavān yo na cāvadhīt // (5.2) Par.?

bahavaś caiva rājānaḥ pārthivāḥ pṛthivīpate / (6.1) Par.?

anvayur māgadhaṃ saṃkhye te cāpi vijitā raṇe // (6.2) Par.?

nāgāyutasamaprāṇo bhīmo bhīmaparākramaḥ / (7.1) Par.?

asakṛd baladevena bāhuyuddhe parājitaḥ // (7.2) Par.?

duryodhanasya kanyāṃ tu haramāṇo nyagṛhyata / (8.1) Par.?

sāmbo jāmbavatīputro nagare nāgasāhvaye // (8.2) Par.?

tam upaśrutya saṃkruddha ājagāma halāyudhaḥ / (9.1) Par.?

rāmas tasya vimokṣārtham āgato nālabhac ca tam / (9.2) Par.?

tataś cukrodha balavān adbhutaṃ cākaron mahat // (9.3) Par.?

anivāryam abhedyaṃ ca divyam apratimaṃ balī / (10.1) Par.?

lāṅgalāstraṃ samudyamya brahmadaṇḍānumantritam // (10.2) Par.?

prākāravapre vinyasya purasya sa mahābalaḥ / (11.1) Par.?

prakṣeptum aicchad gaṅgāyāṃ nagaraṃ kauravasya tat // (11.2) Par.?

tad āghūrṇitam ālakṣya puraṃ duryodhano nṛpaḥ / (12.1) Par.?

sāmbaṃ niryātayāmāsa sabhāryaṃ tasya dhīmataḥ // (12.2) Par.?

dadau śiṣyaṃ tadātmānaṃ rāmasya sumahātmanaḥ / (13.1) Par.?

gadāyuddhe kurupatiḥ pratijagrāha taṃ ca saḥ // (13.2) Par.?

tataḥprabhṛti rājendra puram etad vighūrṇitaṃ / (14.1) Par.?

āvarjitam ivābhāti gaṅgām abhimukhaṃ nṛpa // (14.2) Par.?

idam atyadbhutaṃ karma rāmasya prathitaṃ bhuvi / (15.1) Par.?

bhāṇḍīre kathyate rājan yat kṛtaṃ śauriṇā purā // (15.2) Par.?

pralambaṃ muṣṭinaikena yaj jaghāna halāyudhaḥ / (16.1) Par.?

dhenukaṃ ca mahākāyaṃ cikṣepa nagamūrdhani // (16.2) Par.?

lavaṇajalagamā mahānadī drutajalavegataraṃgamālinī / (17.1) Par.?

nagaram abhimukhā yad āhṛtā halavidhṛtā yamunā yamasvasā // (17.2) Par.?

baladevasya māhātmyam etat te kathitaṃ mayā / (18.1) Par.?

anantasyāprameyasya śeṣasya sumahātmanaḥ // (18.2) Par.?

iti puruṣavarasya lāṅgaler bahuvidham uttamam anyad eva ca / (19.1) Par.?

yad akathitam ihādya karma te tad upalabhasva purāṇavistarāt // (19.2) Par.?