Texts

prācīnavaṃśaṃ kurvanti // (1) Par.?

prācī vai devānāṃ dik // (2) Par.?

devalokam evopāvartate // (3) Par.?

pura ādityo 'sau // (4) Par.?

amum evādityam upotkrāmati // (5) Par.?

pariśrite yājayanti // (6) Par.?

devalokam eva parigṛhya tasminn enaṃ dīkṣayanti // (7) Par.?

eti vā eṣo 'smāl lokād yo 'muṃ lokaṃ gacchati // (8) Par.?

antarhita iva vā ito 'sau lokaḥ // (9) Par.?

sraktiṣv atīrokān kuryāt // (10) Par.?

tenāsmāl lokān naiti // (11) Par.?

āgnāvaiṣṇavam ekādaśakapālaṃ nirvapati // (12) Par.?

agnir vai sarvā devatāḥ // (13) Par.?

viṣṇur yajñaḥ // (14) Par.?

devatāś caiva yajñaṃ cālabhya dīkṣām upaiti // (15) Par.?

pavitraṃ vā agniḥ // (16) Par.?

yajño viṣṇuḥ // (17) Par.?

pavitrapūta eva yajñam ālabhate // (18) Par.?

yad aṣṭākapālas tenāgneyaḥ // (19) Par.?

yat trikapālas tena vaiṣṇavaḥ // (20) Par.?

tenobhayasmān naiti // (21) Par.?

āgnāvaiṣṇavam ekādaśakapālaṃ nirvapati // (22) Par.?

agnir vai devānām avamaḥ // (23) Par.?

viṣṇuḥ paramaḥ // (24) Par.?

yathā tejanyā antau saṃgṛhṇāty evam evaitad ubhayatas saṃgṛhya madhyato devatā āvapate // (25) Par.?

puroḍāśas syād brahmavarcasakāmasya // (26) Par.?

śiro vā etad yajñasya yat puroḍāśaḥ // (27) Par.?

brahmavarcasaṃ puroḍāśaḥ // (28) Par.?

brahmavarcasī bhavati // (29) Par.?

carur ghṛte syāt prajākāmasya vā paśukāmasya vā // (30) Par.?

mithunaṃ vā etad yad ghṛtaṃ ca taṇḍulāś ca // (31) Par.?

dhenvā ghṛtaṃ payo 'naḍuhas taṇḍulāḥ // (32) Par.?

mithunam eva yajñamukhe dadhāti prajananāya // (33) Par.?

yato vā etad rūpaṃ yac caruḥ // (34) Par.?

ejateva hy eti dīkṣito 'muṃ lokam // (35) Par.?

amuṃ hy eṣa lokam abhidīkṣate // (36) Par.?

yac carur bhavati samṛddhyai // (37) Par.?

āṅkte // (38) Par.?

abhyaṅkte // (39) Par.?

snāti // (40) Par.?

vāsaḥ paridhatte // (41) Par.?

etā vai puruṣasya tanvaḥ // (42) Par.?

sarvatanūr eva bhūtvā dīkṣām upaiti // (43) Par.?

chidro vai puruṣo 'ntarād amedhyaḥ // (44) Par.?

yad aśnāti medhyatvāyaivācchidratvāya // (45) Par.?

evam iva vā amuṣmiṃl loke yathā dīkṣamāṇaḥ // (46) Par.?

yathā manyetetthaṃ me nopatapsyatīti tathā vratayet // (47) Par.?

atho yataḥ kanīyo dīkṣitas san vratayiṣyan syāt tathā prāśnīyāt // (48) Par.?

keśaśmaśru vapate // (49) Par.?

nakhān nikṛntate // (50) Par.?

dato dhāvate // (51) Par.?

mṛtaṃ vā etat puruṣasyāmedhyam // (52) Par.?

amedhyam evāpahatya medham upaiti // (53) Par.?

snāti // (54) Par.?

aṅgiraso vā apsu dīkṣāṃ nidhāya svargaṃ lokam āyan // (55) Par.?

yat snāti tām eva dīkṣām ālabhate // (56) Par.?

grīvādaghne sneyam // (57) Par.?

grīvādaghne hi te tāṃ nidhāyāyan // (58) Par.?

yāvaty eva kiyati cādbhiś cet snāti tenaiva tāṃ dīkṣām ālabhate // (59) Par.?

na vahantībhis snāyāt // (60) Par.?

yad vahantībhis snāyāt kṣatraṃ yaśa ṛcchet // (61) Par.?

na kūpyābhis snāyāt // (62) Par.?

yat kūpyābhis snāyād viśaṃ yaśa ṛcchet // (63) Par.?

sthāvarābhis sneyam // (64) Par.?

etā vā apāṃ dīkṣitāḥ paśumatīr yās sthāvarāḥ // (65) Par.?

lomaśās saṃtatāḥ // (66) Par.?

lomaśāḥ paśavaḥ // (67) Par.?

yajamānam eva yaśasārpayati // (68) Par.?

tīrthe sneyam // (69) Par.?

tīrtham eva samānānāṃ bhavati // (70) Par.?