Texts

Help

Select a text:
Bibliography
Select a chapter:
 (no revisions)
Associated topic(s): meteor, ulkā, omina, presigns, nimittas, adbhuta, omen

Show parallels  Show headlines
Use dependency labeler
Chapter id: 17584
  • Click on a sentence to show its analysis
  • Keep the mouse pointer over a lemma to show its meanings.
om ulkādayo hi nirdiṣṭā nirghātās tu purātra ye / (1.1) Par.?
teṣām idānīṃ vakṣyāmi viśeṣāṃs tu pṛthakpṛthak // (1.2) Par.?
aṅgānām āntarikṣāṇāṃ yad aṅgam abhipūjitam / (2.1) Par.?
tad ulkālakṣaṇaṃ śrīmad aṅgaṃ kārtsnyena vakṣyate // (2.2) Par.?
apradhṛṣyāṇi yāni syuḥ śarīrāṇīndriyair dṛḍhaiḥ / (3.1) Par.?
kṣamāvanti viśuddhāni satyavrataratāni ca // (3.2) Par.?
tāny etāni prakāśante bhābhir vitimiraṃ nabhaḥ / (4.1) Par.?
samantāj jvalayantīha yasmād asukaraṃ nabhaḥ // (4.2) Par.?
tāni bhāvakṣayād bhūyaḥ pracyutāni nabhastalāt / (5.1) Par.?
kṣitau salakṣaṇāny eva nipatantīha bhārgava // (5.2) Par.?
teṣāṃ nipatatāṃ tatra yatrayatropalakṣyate / (6.1) Par.?
tatratatraiva vividhaṃ prajānāṃ jāyate bhayam // (6.2) Par.?
rūpavarṇaprabhāsnehapramāṇākṛtisaṃgamaiḥ / (7.1) Par.?
teṣāṃ balābalaṃ jñātvā guṇadoṣaḥ pravakṣyate // (7.2) Par.?
tārā dhiṣṇyās tatholkāś ca vidyuto 'śanayas tathā / (8.1) Par.?
vikalpāḥ pañcadhā caiṣāṃ parasparabalottarāḥ // (8.2) Par.?
tatra śabdena mahatā visvareṇa vikarṣiṇā / (9.1) Par.?
mahācakram ivāgacchad āyatākṣā nabhastalāt // (9.2) Par.?
manuṣyamṛgahastyaśvavṛkṣāśmapathaveśmasu / (10.1) Par.?
patanty aśanayo dīptāḥ sphoṭayantyo dharātalam // (10.2) Par.?
Duration=0.053215026855469 secs.