Texts

tānūnaptraṃ gṛhṇāti kāṃsye camase vā // (1.1) Par.?

āpataye tvā gṛhṇāmi paripataye tvā gṛhṇāmi tanūnaptre tvā gṛhṇāmi śakmane śākvarāya śakmanā ojiṣṭhāya tvā gṛhṇāmīty etair dhrauvaṃ catur ānayati // (2.1) Par.?

paścād āhavanīyasya tānūnaptram upayanty ṛtvijo yajamānaś ca // (3.1) Par.?

yugapat samavamṛśyānādhṛṣṭam asīti japanti yo nas tan napād iti ca // (4.1) Par.?

prajāpatau tvā manasi juhomi svāheti yajamānas trir avajighrati // (5.1) Par.?

avāntaradīkṣām upaiti // (6.1) Par.?

agne vratapate yā mama tanūr eṣā sā tvayīti samidham ādadhāty agne vratapate yā tava tanūr iyaṃ sā mayīti japati // (7.1) Par.?

saha nau vratapata iti mekhalāṃ samāyamya sādhīyo 'ṅgulīr nyañcati / (8.1) Par.?

tūṣṇīṃ patnī yoktraṃ samāyamya sādhīyo nyañcati // (8.2) Par.?

gārhapatye madantīr adhiśritya taptasyodakārthān kurvanti // (9.1) Par.?

yatrājyebhyo 'dhi rājānam upacareyuḥ prakṣālayeran pāṇīn rājño vādhyājyāni // (10.1) Par.?

agnīn madanty āpā ity adhvaryur āvedayati / (11.1) Par.?

madanti devīr amṛtā ṛtāvṛdha ity āgnīdhraḥ / (11.2) Par.?

tābhir ādravety adhvaryuḥ // (11.3) Par.?

brahmā rājānaṃ visraṃsya hiraṇyam avadadhāty āpyāyanāyāṃśuraṃśuṣ ṭe deva somety ārabhya japanty ṛtvijo yajamānaś ca // (12.1) Par.?

prastare pāṇīn nidhāya nihnavate nīcaḥ savyān uttānān dakṣiṇān nīco dakṣiṇān uttānān savyān āparāhṇikyām eṣṭā rāyā eṣṭā vāmānīti japanti // (13.1) Par.?

pravargyeṇa pracaryopasadā pracaranti yadi pravṛñjanti // (14.1) Par.?

sakṛtstīrṇaṃ barhir ātithyāyām upasatsu cānyat prastarāt // (15.1) Par.?

daśadārvidhmaṃ saṃnahyati // (16.1) Par.?

pātrāṇi prayunakti sruvatṛtīye srucāv ājyasthālīṃ sphyaṃ vedaṃ ca // (17.1) Par.?

siddham ā saṃsādanāt // (18.1) Par.?

yajurutpūtābhiḥ pātrāṇi prokṣyājyaṃ nirupya paryagniṃ karoti // (19.1) Par.?

stīrṇaṃ barhiḥ śayāḥ paridhayaḥ // (20.1) Par.?

barhiṣo 'dhi stambayajur harati // (21.1) Par.?

prokṣaṇīr āsādayedhmam upasādaya srucau saṃmṛḍḍhy ājyenodehīti saṃśāsti // (22.1) Par.?

dakṣiṇataḥ prokṣaṇīṣv akṛtsnasaṃsthānāṃ praṇītā apavarjayati // (23.1) Par.?

siddham ājyagrahebhyaḥ // (24.1) Par.?

aṣṭau kṛtvo juhvāṃ gṛhṇāti catur upabhṛti // (25.1) Par.?

idhmaṃ prokṣya mūladeśe barhiṣaḥ pradakṣiṇaṃ prokṣaṇīr ninayati // (26.1) Par.?

idhmadārv ādāya vidhṛtyoḥ prastaraṃ sādayati // (27.1) Par.?

ājyāni sādayati sruvatṛtīye srucāv ājyasthālīṃ sphyaṃ vedaṃ ca // (28.1) Par.?

siddham ā samindhanāt // (29.1) Par.?

trir idhmam ādadhāti // (30.1) Par.?

siddham ā saṃpraiṣāt // (31.1) Par.?

agnim agnīt triḥ saṃmṛḍḍhi sīda hotar iti preṣyati // (32.1) Par.?

lupyate sraucaḥ pravaraś ca // (33.1) Par.?

ghṛtavatī adhvarya ity ucyamāne srucāv ādāya dakṣiṇātikramya yathādevatam anuvācayati // (34.1) Par.?

agniṃ pūrvārdhe yajati madhye somam aupabhṛtaṃ juhvāṃ sarvam ānīya viṣṇuṃ paścārdhe // (35.1) Par.?

srucau vimucya bahirvedi nirasyati // (36.1) Par.?

rājānam āpyāyya nihnuvate // (37.1) Par.?

brahmā rājānam upanahyati // (38.1) Par.?

prastaraṃ vidhṛtī ādāya sruveṇopasado juhoti / (39.1) Par.?

yā te agne 'yāśayeti prathame 'hani yā te agne rajāśayeti madhyame yā te agne harāśayety uttame / (39.2) Par.?

tanūr varṣiṣṭheti sarvatrānuṣajati // (39.3) Par.?

samayāhavanīyaṃ prastaram atiharan subrahmaṇya subrahmaṇyām āhvayāgnīd devapatnīr vyācakṣveti preṣyati // (40.1) Par.?

gārhapatyānte devapatnīr āgnīdhro vyācaṣṭe / (41.1) Par.?

vāg vāyoḥ patnī pathyā pūṣṇaḥ patnīti sarvatrānuṣajati // (41.2) Par.?

pūrvāhṇe pravargyopasadbhyāṃ pracaraty aparāhṇe ca // (42.1) Par.?

antaropasadau vratayato yathākālaṃ sāyam // (43.1) Par.?

evaṃ tryaham upasadbhiś caranti // (44.1) Par.?

tānūnaptraṃ vrate prayacchati // (45.1) Par.?

yā te agne rudriyā tanūr iti vratayati // (46.1) Par.?

taptavratau bhavataḥ // (47.1) Par.?

vratya vācaṃ yaccha patni vācaṃ yaccheti yathākālaṃ vrataprado vācaṃ yamayati // (48.1) Par.?

catuḥstane prathame 'hani tristanadvistane madhyama ekastana uttame // (49.1) Par.?

upasadvṛddhau stanavyūhau vivardhayetaupasadāṃś ca homān // (50.1) Par.?

madhyamāyām upasadi pūrvāhṇikīṃ kṛtvā yūpam acchaiti // (51.1) Par.?

agreṇa prāgvaṃśaṃ triṣu prakrameṣv aparimite vāvakāśe pṛṣṭhyāśaṅkuṃ nihatya vedādānaprabhṛti vediṃ vidadhāti / (52.1) Par.?

ṣaṭtriṃśatprakramā prācītyāmnātaṃ pramāṇam // (52.2) Par.?

uparavadeśāt stambayajur harati // (53.1) Par.?

daśapadām uttaravediṃ niḥsāraṇāntāṃ kurvīta // (54.1) Par.?

uttamāyām upasadi pūrvāhṇikīṃ kṛtvā śākhām acchaiti // (55.1) Par.?