Texts

iyaṃ vai kadrūḥ // (1) Par.?

vāk suparṇī // (2) Par.?

chandāṃsi sauparṇāni gāyatrī triṣṭub jagatī // (3) Par.?

sā vai kadrūḥ suparṇīm ātmānam ajayat // (4) Par.?

sābravīt somam āhara // (5) Par.?

tenātmānaṃ niṣkrīṇīṣveti // (6) Par.?

sā chandāṃsi praiṣyad amutaḥ somam āharata // (7) Par.?

tena mā niṣkrīṇīteti // (8) Par.?

tato jagaty udapatat // (9) Par.?

sā paśubhiś cāgacchad dīkṣayā ca // (10) Par.?

tasmāt paśavā iti jagatīm āhuḥ // (11) Par.?

tasmād yadā paśūn vindate 'tha dīkṣate // (12) Par.?

tatas triṣṭub udapatat // (13) Par.?

sā dakṣiṇayā cāgacchat tapasā ca // (14) Par.?

tasmāt triṣṭubho loke dakṣiṇā dīyante // (15) Par.?

tasmād u madhyaṃdine tapas tapanīyam iti // (16) Par.?

tato gāyatry udapatat // (17) Par.?

sā somam āharat // (18) Par.?

tam āhriyamāṇaṃ sāmi gandharvo viśvāvasur āmuṣṇāt // (19) Par.?

sa tisro rātrīr upahṛto 'vasat // (20) Par.?

tasmāt tisro rātrīḥ krīto vasati // (21) Par.?

te 'bruvan punar yācāmahā iti // (22) Par.?

te devā abruvan strīkāmā vai gandharvāḥ // (23) Par.?

vācam eva saṃbhṛtya yathā yoṣid anapakṣeyatameva tayā niṣkrīṇāmeti // (24) Par.?

taṃ vai nirakrīṇan // (25) Par.?

tasmād āhur vāg vai somakrayaṇī // (26) Par.?

vācaṃ vā etad gavā niṣkrīṇātīti // (27) Par.?

te 'bruvann anv ṛtīyāmahā iti // (28) Par.?

tām anv ārtīyanta // (29) Par.?

tad anṛtasya janma // (30) Par.?

tad ya evaṃ vidvānt satyānṛtāṃ vācaṃ vadati na hainaṃ druṇāti // (31) Par.?

te 'bruvan vihvayāmahā iti // (32) Par.?

tāṃ vyahvayanta // (33) Par.?

gāthāṃ devā agāyan brahma gandharvā avadan // (34) Par.?

sā devān upāvartata // (35) Par.?

tasmād vivāhe gāthā gīyate // (36) Par.?

tasmād gāyant striyāḥ priyaḥ // (37) Par.?

tad ya evaṃ vidvān gāthāṃ gāyan hastaṃ gṛhṇāti // (38) Par.?

saṃ ha jīryataḥ // (39) Par.?

sarvam āyur itaḥ // (40) Par.?

nārtiṃ nītaḥ // (41) Par.?

tad āhur ā vai sā punar agacchat // (42) Par.?

naiva kiṃ cana somakrayaṇīti // (43) Par.?