Texts

acchinnapatraḥ prajā upāvarohośann uśatīḥ syonaḥ syonā ity upāvaharati // (1) Par.?

atrāsandyā udgrahaṇam eke samāmananti // (2) Par.?

urv antarikṣam iti gacchati // (3) Par.?

yā te dhāmānīti saumyarcā rājānaṃ pūrveṇa dvāreṇa prāgvaṃśaṃ prapādayati // (4) Par.?

urv antarikṣaṃ vīhīty apareṇāhavanīyaṃ dakṣiṇātiharati // (5) Par.?

varuṇasyartasadanir asīti dakṣiṇenāhavanīyam āsandīṃ pratiṣṭhāpayati // (6) Par.?

adityāḥ sado 'sīti tasyāṃ kṛṣṇājinaṃ prācīnagrīvam uttaralomāstṛṇāti // (7) Par.?

prattaṃ rājānam adityāḥ sada āsīdeti tasminn āsādayati // (8) Par.?

varuṇasyartasadanam āsīdeti vā // (9) Par.?

vaneṣu vy antarikṣaṃ tatāneti vāsasā pariśrayati // (10) Par.?

varuṇo 'sīti rājānam abhimantrayate varuṇāya tveti vā // (11) Par.?

evā vandasva varuṇaṃ bṛhantaṃ namasyā dhīram amṛtasya gopām / (12.1) Par.?

sa naḥ śarma trivaruthaṃ vi yaṃsat pātaṃ no dyāvāpṛthivī upastha iti vāruṇyarcā rājānaṃ paricarati // (12.2) Par.?

yatra kvacāsīded etayaivāsīdet // (13) Par.?

agniṃ rājānaṃ cāntareṇa mā saṃcāriṣṭeti saṃpreṣyati // (14) Par.?

udvapanaprabhṛtīni karmāṇi pratipadyate // (15) Par.?

gārhapatye nava kapālāny upadadhāti // (16) Par.?

caturgṛhītāny ājyāni gṛhṇāti // (17) Par.?

caturhotrātithyam āsādayati // (18) Par.?

saṃbhārayajūṃṣi vyākhyāya nirmanthyasyāvṛtā nirmanthyena pracarati // (19) Par.?

vedaṃ nidhāya sāmidhenībhyaḥ saṃpreṣyati // (20) Par.?

sarvam idhmam ādadhāti sarvam aupabhṛtaṃ samānayate // (21) Par.?

ājyabhāgābhyāṃ pracarya viṣṇuṃ haviṣā yajati // (22) Par.?

dhruvāyāḥ śeṣaṃ karoti // (23) Par.?

iḍāntātithyā saṃtiṣṭhate // (24) Par.?

dhruvāśeṣād āpataye tvā gṛhṇāmīti kaṃse camase vā tānūnaptraṃ samavadyati caturavattaṃ pañcāvattaṃ vā // (25) Par.?

avaśiṣṭo vikalpārtho yadi caturavattam // (26) Par.?

tad anādhṛṣṭam asīti sarvartvijaḥ samavamṛśanti // (27) Par.?

samavamṛṣṭaṃ prajāpatau tvā manasi juhomīti trir avaghrāyāntarvedi ninayati // (28) Par.?

pratiṣiddham ekeṣām // (29) Par.?

asaṃcara utsiñcatīty ekeṣām // (30) Par.?

agnīn madanty āpā3 iti pṛcchati // (31) Par.?

madanti devīr amṛtā ṛtāvṛdha ity agnīdhraḥ pratyāha // (32) Par.?

tābhir ādraveti saṃpreṣyati // (33) Par.?

madantībhiḥ pāṇīn prakṣālayante brahmā rājānaṃ visraṃsayati // (34) Par.?

aṃśuraṃśur iti taṃ sarve sahiraṇyaiḥ pāṇibhir āpyāyayanti // (35) Par.?

pratyupanaddhe 'pa upaspṛśyaiṣṭā rāya iti prastare nihnuvate savyānnīcaḥ pāṇīnkṛtvā dakṣiṇānuttānān // (36) Par.?