Texts

gandhakābhrakābhyāṃ rasapakṣāpakartanaṃ yathā syāttathāha dattvetyādi // (1) Par.?

ādau prathamaṃ khalve lohārkāśmamaye gandhakaṃ truṭiśo dattvā alpamātraṃ vāraṃ vāraṃ gandharasau dattvā tāvanmardanīyaṃ yāvat sā piṣṭikā ekaśarīratā bhavati kajjaliketi vyaktārthaḥ // (2) Par.?

tadanu tatpaścāt rasagandhakapiṣṭīkaraṇānantaraṃ tatra rasagandhakapiṣṭyā gaganam abhrakaṃ samabhāganiyojitaṃ gandharasābhyāṃ tulyāṃśaṃ militaṃ kāryam ityarthaḥ // (3) Par.?

kayā kṛtvā drutabalivasayā drutā dravībhūtā yā balivasā bhekamatsyakarkaṭaśiśumārāṇāṃ tailarūpā śarīrajātā tayā // (4) Par.?

samabhāgābhrakaniyojanānantaraṃ balivasayā mardanaṃ kāryamiti tātparyārthaḥ // (5) Par.?

balivasā yathā / (6.1) Par.?

bhekamatsyabhavā yā tu karkaṭasya vasāthavā / (6.2) Par.?

bhāvyam ebhiḥ kramād gandhaṃ śiśumāravasāpi vā // (6.3) Par.?

etāsvekā balivasā samyak sūtasya bandhinī / (7.1) Par.?

rañjanaṃ caiva kurute maṇimūṣavidhikramāt // (7.2) Par.?

eṣā balivasā nāma kṣaṇādbadhnāti sūtakam / (8.1) Par.?

iti // (8.2) Par.?

rasagandhābhrapiṣṭiṃ kurvītetyarthaḥ // (9) Par.?

sā pūrvoktā rasagandhābhrapiṣṭir athetyanantaraṃ dīpikāyantre 'dhaḥpātane raso nirmuktamalas tyaktadoṣo bhavati // (10) Par.?

tasminnirmuktamale sati nikṛntapakṣaḥ chinnapakṣo bhavati // (11) Par.?

kābhyām abhragandhābhyām abhraṃ ca gandhaśca abhragandhau tābhyāṃ gandhakāntaḥ saṃyogāt sukhaṃ rasābhrapiṣṭirbhavet yato gandhako dvaṃdvamelanasamarthaḥ kiṃ punarbalivasayeti tṛtīyaślokārthaḥ // (12) Par.?

kulakam iti // (13) Par.?

pūrvasaṃskṛtarasasyākāraṃ kāryāntarasampattiṃ cāha bhasmetyādi // (14) Par.?

ca punaḥ // (15) Par.?

tato'dhaḥpātanād raso bhasmākāro bhasmasadṛśo bhavet // (16) Par.?

sa ca bhasmākāro rasaḥ hemnā svarṇena sārdham ubhayamelane yujyate karmavidā iti śeṣaḥ // (17) Par.?

athavā samuccaye avyayo rekārthasambandhāt pakṣāntare ca // (18) Par.?