Texts

sūto vajraṃ suvarṇaṃ ca kāntalohaṃ tathābhrakam / (1.1) Par.?

pañcaitānyamṛtāni syuḥ kalpitāni nṛṇāṃ mayā // (1.2) Par.?

mattakāśini yo vetti so'pi sākṣānmaheśvaraḥ / (2.1) Par.?

ahaṃ raso rasaścāhamāvayorantaraṃ na hi // (2.2) Par.?

tena yuktāstu vajrādyāḥ siddhidāḥ syurna saṃśayaḥ / (3.1) Par.?

puruṣaṃ rasasevārhaṃ vadāmi śṛṇu pārvati // (3.2) Par.?

strīklībabālakānāṃ ca na hi yojyaṃ rasāyanam / (4.1) Par.?

bālāḥ pañcadaśābdā ye kumārāṃstriṃśadabdakāḥ // (4.2) Par.?

pañcāśadvarṣadeśīyā yuvānaḥ parikīrtitāḥ / (5.1) Par.?

ataḥ paraṃ ca sthavirāḥ bhaveyuste rasāyane // (5.2) Par.?

yathoktakāle siddhiḥ syātkumārasya rasāyanāt / (6.1) Par.?

tasmāddviguṇakālena yūnaḥ siddhirbhaveddhruvam // (6.2) Par.?

tasmāttriguṇakālena vṛddhaḥ siddhimavāpnuyāt / (7.1) Par.?

jñātavyāḥ kramaśo devi hyuttamo madhyamo'dhamaḥ // (7.2) Par.?

pūrvam abhrakamaśnīyāttataḥ kāntarasāyanam / (8.1) Par.?

atha kāntābhrakaṃ devi paścāddhemarasāyanam // (8.2) Par.?

athābhrakaṃ svarṇayogaṃ kāntahemarasāyanam / (9.1) Par.?

ghanakāntasvarṇayogaṃ tato vajrarasāyanam // (9.2) Par.?

athābhravajrasevāṃ ca kāntavajramataḥ param / (10.1) Par.?

ghanāyaskāntahīraṃ ca hemavajraṃ tato bhavet // (10.2) Par.?

paścādabhrasvarṇavajraṃ kāntāṣṭāpadavajrakam / (11.1) Par.?

ghanakāntaṃ hemavajramataḥ pāradabhakṣaṇam // (11.2) Par.?

tathābhrarasayogaṃ syāttataḥ kāntarasaṃ bhavet / (12.1) Par.?

ghanakāntarasaṃ devi paścāddhemarasaṃ bhavet // (12.2) Par.?

ghanahemarasaṃ paścātkāntahemarasaṃ tataḥ / (13.1) Par.?

ghanakāntaṃ hemasūtamato vajrarasaṃ bhavet // (13.2) Par.?

ghanavajrarasaṃ devi kāntavajrarasaṃ tataḥ / (14.1) Par.?

ghanakāntaṃ vajrasūtaṃ hemavajrarasaṃ tataḥ // (14.2) Par.?

ghanahemapavīsūtaṃ kāntahemapavīrasam / (15.1) Par.?

ghanakāntasvarṇavajrarasam asmātparaṃ na hi // (15.2) Par.?

uttarottarataḥ sarve caite sarvaguṇottarāḥ / (16.1) Par.?

rasāyanāni pañca syurekaikāni varānane // (16.2) Par.?

rasā dvidvyauṣadhabhavāstritryauṣadhabhavā daśa / (17.1) Par.?

catuścaturbhavāḥ pañca tvekaḥ pañcauṣadhodbhavaḥ // (17.2) Par.?

ekatriṃśadvarārohe rasāyanamiti priye / (18.1) Par.?

ghanaṃ kāntaṃ hema vajraṃ pāradaścetaram // (18.2) Par.?

pūrvottarottaraguṇā bhavanti prāṇavallabhe / (19.1) Par.?

rasasya krāmaṇaṃ vajraṃ hemakāntaghanaṃ bhavet // (19.2) Par.?

vajrasaṃkrāmaṇaṃ hema kāntaṃ vyoma bhavetpriye / (20.1) Par.?

hemnaḥ kāntabhavaṃ yojyaṃ kāntasya krāmaṇaṃ ghanam // (20.2) Par.?

abhrasya krāmaṇaṃ cābhrasattvaṃ siddhipradaṃ yataḥ / (21.1) Par.?

ekaikauṣadhasevāyāṃ yathoktaṃ krāmaṇaṃ bhavet // (21.2) Par.?

yukto dvitricatuḥpañcabhaiṣajyaiḥ krāmaṇaṃ na hi / (22.1) Par.?

triphalāmadhusarpīṃṣi sāmānyakrāmaṇaṃ bhavet // (22.2) Par.?