Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Astrology
Show parallels Show headlines
Use dependency labeler
Chapter id: 8302
- Click on a sentence to show its analysis
- Keep the mouse pointer over a lemma to show its meanings.
hariruvāca / (1.1) Par.?
saptamopacayādyasthaścandraḥ sarvatra śobhanaḥ / (1.2) Par.?
śuklapakṣe dvitīyastu pañcamo navamastathā // (1.3) Par.?
sampūjyamāno lokaistu guruvaddṛśyate śaśī / (2.1) Par.?
candrasya dvādaśāvasthā bhavanti śṛṇu tā api // (2.2) Par.?
triṣu triṣu ca ṛkṣeṣu aśvinyādi vadāmyaham / (3.1) Par.?
pravāsasthaṃ punardṛṣṭaṃ mṛtāvasthaṃ jayāvaham // (3.2) Par.?
hāsyāvasthaṃ natāvasthaṃ pramodāvasthameva ca / (4.1) Par.?
viṣādāvasthabhogasthe jvarāvasthaṃ vyavasthitam // (4.2) Par.?
kampāvasthaṃ sukhāvasthaṃ dvādaśāvasthagaṃ bhavet / (5.1) Par.?
śoko bhogo jvaraḥ kampaḥ sukhaṃ ceti kramātphalam / (6.1) Par.?
janmasthaḥ kurute tuṣṭiṃ dvitīye nāsti nirvṛtiḥ // (6.2) Par.?
tṛtīye rājasaṃmānaṃ caturthe kalahāgamaḥ / (7.1) Par.?
pañcamena mṛgāṅkena strīlābho vai tathā bhavet // (7.2) Par.?
ghanadhānyāgamaḥ ṣaṣṭhe ratiḥ pūjā ca saptame / (8.1) Par.?
aṣṭame prāṇasandeho navame kośasañcayaḥ // (8.2) Par.?
daśame kāryaniṣpattir dhruvamekādaśe jayaḥ / (9.1) Par.?
dvādaśena śaśāṅkena mṛtyureva na saṃśayaḥ // (9.2) Par.?
kṛttikādau ca pūrveṇa saptarkṣāṇi ca vai vrajet / (10.1) Par.?
maghādau dakṣiṇe gacchedanurādhādi paścime // (10.2) Par.?
praśastā cottarayātrā dhaniṣṭhādiṣu saptasu / (11.1) Par.?
aśvinī revatī citrā dhaniṣṭhā samalaṃkṛtau // (11.2) Par.?
mṛgāśvicitrāpuṣyāśca mūlā hastā śubhāḥ sadā / (12.1) Par.?
kanyāpradāne yātrāyāṃ pratiṣṭhādiṣu karmasu // (12.2) Par.?
śukracandrau hi janmasthau śubhadau ca dvitīyake / (13.1) Par.?
śaśijñaśukrajīvāśca rāśau rāśau cātha tṛtīyake // (13.2) Par.?
bhaumamandaśaśāṅkārkā budhaḥ śreṣṭhaścaturthake / (14.1) Par.?
śukrajīvau pañcame ca candraketusamāhitau // (14.2) Par.?
mandākārai ca kujaḥ ṣaṣṭhe gurucandrau ca saptame / (15.1) Par.?
jñaśukrāvaṣṭame śreṣṭhau navamastho guruḥ śubhaḥ // (15.2) Par.?
arkārkicandrā daśame grahā ekādaśe khilāḥ / (16.1) Par.?
budho 'tha dvādaśe caiva bhārgavaḥ sukhado bhavet // (16.2) Par.?
siṃhena makaraḥ śreṣṭhaḥ kanyayā meṣa uttamaḥ / (17.1) Par.?
tulayā saha mīnastu kumbhena sahakarkaṭaḥ // (17.2) Par.?
dhanuṣā vṛṣabhaḥ śreṣṭho mithunena ca vṛścikaḥ / (18.1) Par.?
etatṣaḍaṣṭakaṃ prītyai bhavatyeva na saṃśayaḥ // (18.2) Par.?
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe jyotiḥśāstre grahāṇāṃ śubhāśubhasthānādinirūpaṇaṃ nāmaikaṣaṣṭitamo 'dhyāyaḥ // (19.1) Par.?
Duration=0.11340498924255 secs.