Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3706
  • Click on a sentence to show its analysis
  • Keep the mouse pointer over a lemma to show its meanings.
athātaḥ pakṣmakopapratiṣedhaṃ vyākhyāsyāmaḥ // (1) Par.?
yathovāca bhagavān dhanvantariḥ // (2) Par.?
yāpyastu yo vartmabhavo vikāraḥ pakṣmaprakopo 'bhihitaḥ purastāt / (3.1) Par.?
tatropaviṣṭasya narasya carma vartmopariṣṭādanutiryageva // (3.2) Par.?
bhruvoradhastāt parimucya bhāgau pakṣmāśritaṃ caikamato 'vakṛntet / (4.1) Par.?
kanīnakāpāṅgasamaṃ samantādyavākṛti snigdhatanor narasya // (4.2) Par.?
utkṛtya śastreṇa yavapramāṇaṃ vālena sīvyed bhiṣag apramattaḥ / (5.1) Par.?
dattvā ca sarpirmadhunāvaśeṣaṃ kuryādvidhānaṃ vihitaṃ vraṇe yat // (5.2) Par.?
lalāṭadeśe ca nibaddhapaṭṭaṃ prāksyūtamatrāpyaparaṃ ca baddhvā / (6.1) Par.?
sthairyaṃ gate cāpyatha śastramārge vālān vimuñcet kuśalo 'bhivīkṣya // (6.2) Par.?
evaṃ na cecchāmyati tasya vartma nirbhujya doṣopahatāṃ valiṃ ca / (7.1) Par.?
tato 'gninā vā pratisārayettāṃ kṣāreṇa vā samyagavekṣya dhīraḥ // (7.2) Par.?
chittvā samaṃ vāpyupapakṣmamālāṃ samyaggṛhītvā baḍiśaistribhistu / (8.1) Par.?
pathyāphalena pratisārayettu ghṛṣṭena vā tauvarakeṇa samyak // (8.2) Par.?
catvāra ete vidhayo vihantuṃ pakṣmoparodhaṃ pṛthageva śastāḥ / (9.1) Par.?
virecanāścyotanadhūmanasyalepāñjanasneharasakriyāśca // (9.2) Par.?
Duration=0.059885025024414 secs.