UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3293
- Click on a sentence to show its analysis
- Keep the mouse pointer over a lemma to show its meanings.
sa ca vāgbhiḥ praśastābhir gamiṣyan pūjitastayā / (1.1)
Par.?
tasmād deśād apakramya cintayāmāsa vānaraḥ // (1.2)
Par.?
alpaśeṣam idaṃ kāryaṃ dṛṣṭeyam asitekṣaṇā / (2.1)
Par.?
trīn upāyān atikramya caturtha iha dṛśyate // (2.2)
Par.?
na sāma rakṣaḥsu guṇāya kalpate na dānam arthopaciteṣu vartate / (3.1)
Par.?
na bhedasādhyā baladarpitā janāḥ parākramastveṣa mameha rocate // (3.2)
Par.?
na cāsya kāryasya parākramād ṛte viniścayaḥ kaścid ihopapadyate / (4.1)
Par.?
hṛtapravīrāstu raṇe hi rākṣasāḥ kathaṃcid īyur yad ihādya mārdavam // (4.2)
Par.?
kārye karmaṇi nirdiṣṭo yo bahūnyapi sādhayet / (5.1)
Par.?
pūrvakāryavirodhena sa kāryaṃ kartum arhati // (5.2)
Par.?
na hyekaḥ sādhako hetuḥ svalpasyāpīha karmaṇaḥ / (6.1)
Par.?
yo hyarthaṃ bahudhā veda sa samartho 'rthasādhane // (6.2)
Par.?
ihaiva tāvat kṛtaniścayo hyahaṃ yadi vrajeyaṃ plavageśvarālayam / (7.1)
Par.?
parātmasammardaviśeṣatattvavit tataḥ kṛtaṃ syānmama bhartṛśāsanam // (7.2)
Par.?
kathaṃ nu khalvadya bhavet sukhāgataṃ prasahya yuddhaṃ mama rākṣasaiḥ / (8.1)
Par.?
tathaiva khalvātmabalaṃ ca sāravat samānayenmāṃ ca raṇe daśānanaḥ // (8.2)
Par.?
idam asya nṛśaṃsasya nandanopamam uttamam / (9.1)
Par.?
vanaṃ netramanaḥkāntaṃ nānādrumalatāyutam // (9.2)
Par.?
idaṃ vidhvaṃsayiṣyāmi śuṣkaṃ vanam ivānalaḥ / (10.1)
Par.?
asmin bhagne tataḥ kopaṃ kariṣyati sa rāvaṇaḥ // (10.2)
Par.?
tato mahat sāśvamahārathadvipaṃ balaṃ samāneṣyati rākṣasādhipaḥ / (11.1)
Par.?
triśūlakālāyasapaṭṭiśāyudhaṃ tato mahad yuddham idaṃ bhaviṣyati // (11.2)
Par.?
ahaṃ tu taiḥ saṃyati caṇḍavikramaiḥ sametya rakṣobhir asaṃgavikramaḥ / (12.1)
Par.?
nihatya tad rāvaṇacoditaṃ balaṃ sukhaṃ gamiṣyāmi kapīśvarālayam // (12.2)
Par.?
tato mārutavat kruddho mārutir bhīmavikramaḥ / (13.1)
Par.?
ūruvegena mahatā drumān kṣeptum athārabhat // (13.2)
Par.?
tatastaddhanumān vīro babhañja pramadāvanam / (14.1)
Par.?
mattadvijasamāghuṣṭaṃ nānādrumalatāyutam // (14.2) Par.?
tad vanaṃ mathitair vṛkṣair bhinnaiśca salilāśayaiḥ / (15.1)
Par.?
cūrṇitaiḥ parvatāgraiśca babhūvāpriyadarśanam // (15.2)
Par.?
latāgṛhaiścitragṛhaiśca nāśitair mahoragair vyālamṛgaiśca nirdhutaiḥ / (16.1)
Par.?
śilāgṛhair unmathitaistathā gṛhaiḥ pranaṣṭarūpaṃ tad abhūnmahad vanam // (16.2)
Par.?
sa tasya kṛtvārthapater mahākapir mahad vyalīkaṃ manaso mahātmanaḥ / (17.1)
Par.?
yuyutsur eko bahubhir mahābalaiḥ śriyā jvalaṃstoraṇam āśritaḥ kapiḥ // (17.2)
Par.?
Duration=0.071457862854004 secs.