Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4998
  • Click on a sentence to show its analysis
  • Keep the mouse pointer over a lemma to show its meanings.
tasya tadvacanaṃ śrutvā rāmasyākliṣṭakarmaṇaḥ / (1.1) Par.?
avākśirās tathābhūto vākyam etad uvāca ha // (1.2) Par.?
śūdrayonyāṃ prasūto 'smi tapa ugraṃ samāsthitaḥ / (2.1) Par.?
devatvaṃ prārthaye rāma saśarīro mahāyaśaḥ // (2.2) Par.?
na mithyāhaṃ vade rājan devalokajigīṣayā / (3.1) Par.?
śūdraṃ māṃ viddhi kākutstha śambūkaṃ nāma nāmataḥ // (3.2) Par.?
bhāṣatastasya śūdrasya khaḍgaṃ suruciraprabham / (4.1) Par.?
niṣkṛṣya kośād vimalaṃ śiraścicheda rāghavaḥ // (4.2) Par.?
tasminmuhūrte bālo 'sau jīvena samayujyata // (5.1) Par.?
tato 'gastyāśramapadaṃ rāmaḥ kamalalocanaḥ / (6.1) Par.?
sa gatvā vinayenaiva taṃ natvā mumude sukhī // (6.2) Par.?
so 'bhivādya mahātmānaṃ jvalantam iva tejasā / (7.1) Par.?
ātithyaṃ paramaṃ prāpya niṣasāda narādhipaḥ // (7.2) Par.?
tam uvāca mahātejāḥ kumbhayonir mahātapāḥ / (8.1) Par.?
svāgataṃ te naraśreṣṭha diṣṭyā prāpto 'si rāghava // (8.2) Par.?
tvaṃ me bahumato rāma guṇair bahubhir uttamaiḥ / (9.1) Par.?
atithiḥ pūjanīyaśca mama rājan hṛdi sthitaḥ // (9.2) Par.?
surā hi kathayanti tvām āgataṃ śūdraghātinam / (10.1) Par.?
brāhmaṇasya tu dharmeṇa tvayā jīvāpitaḥ sutaḥ // (10.2) Par.?
uṣyatāṃ ceha rajanīṃ sakāśe mama rāghava / (11.1) Par.?
prabhāte puṣpakeṇa tvaṃ gantā svapuram eva hi // (11.2) Par.?
idaṃ cābharaṇaṃ saumya nirmitaṃ viśvakarmaṇā / (12.1) Par.?
divyaṃ divyena vapuṣā dīpyamānaṃ svatejasā / (12.2) Par.?
pratigṛhṇīṣva kākutstha matpriyaṃ kuru rāghava // (12.3) Par.?
dattasya hi punar dānaṃ sumahat phalam ucyate / (13.1) Par.?
tasmāt pradāsye vidhivat tat pratīccha nararṣabha // (13.2) Par.?
tad rāmaḥ pratijagrāha munestasya mahātmanaḥ / (14.1) Par.?
divyam ābharaṇaṃ citraṃ pradīptam iva bhāskaram // (14.2) Par.?
pratigṛhya tato rāmastad ābharaṇam uttamam / (15.1) Par.?
āgamaṃ tasya divyasya praṣṭum evopacakrame // (15.2) Par.?
atyadbhutam idaṃ brahman vapuṣā yuktam uttamam / (16.1) Par.?
kathaṃ bhagavatā prāptaṃ kuto vā kena vāhṛtam // (16.2) Par.?
kutūhalatayā brahman pṛcchāmi tvāṃ mahāyaśaḥ / (17.1) Par.?
āścaryāṇāṃ bahūnāṃ hi nidhiḥ paramako bhavān // (17.2) Par.?
evaṃ bruvati kākutsthe munir vākyam athābravīt / (18.1) Par.?
śṛṇu rāma yathāvṛttaṃ purā tretāyuge gate // (18.2) Par.?
Duration=0.34871602058411 secs.