Texts

Help

Select a text:
Bibliography

Select a chapter:
(no revisions)

Associated topic(s): war

Show parallels Show headlines
Use dependency labeler

Chapter id: 7990

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

samprekṣya samare bhīmaṃ rakṣasā grastam antikāt / (1.2) Par.?

vāsudevo 'bravīd vākyaṃ ghaṭotkacam idaṃ tadā // (1.3) Par.?

paśya bhīmaṃ mahābāho rakṣasā grastam antikāt / (2.1) Par.?

paśyatāṃ sarvasainyānāṃ tava caiva mahādyute // (2.2) Par.?

sa karṇaṃ tvaṃ samutsṛjya rākṣasendram alāyudham / (3.1) Par.?

jahi kṣipraṃ mahābāho paścāt karṇaṃ vadhiṣyasi // (3.2) Par.?

sa vārṣṇeyavacaḥ śrutvā karṇam utsṛjya vīryavān / (4.1) Par.?

yuyudhe rākṣasendreṇa bakabhrātrā ghaṭotkacaḥ / (4.2) Par.?

tayoḥ sutumulaṃ yuddhaṃ babhūva niśi rakṣasoḥ // (4.3) Par.?

alāyudhasya yodhāṃstu rākṣasān bhīmadarśanān / (5.1) Par.?

vegenāpatataḥ śūrān pragṛhītaśarāsanān // (5.2) Par.?

āttāyudhaḥ susaṃkruddho yuyudhāno mahārathaḥ / (6.1) Par.?

nakulaḥ sahadevaśca cichidur niśitaiḥ śaraiḥ // (6.2) Par.?

sarvāṃśca samare rājan kirīṭī kṣatriyarṣabhān / (7.1) Par.?

paricikṣepa bībhatsuḥ sarvataḥ prakṣipañ śarān // (7.2) Par.?

karṇaśca samare rājan vyadrāvayata pārthivān / (8.1) Par.?

dhṛṣṭadyumnaśikhaṇḍyādīn pāñcālānāṃ mahārathān // (8.2) Par.?

tān vadhyamānān dṛṣṭvā tu bhīmo bhīmaparākramaḥ / (9.1) Par.?

abhyayāt tvaritaḥ karṇaṃ viśikhān vikiran raṇe // (9.2) Par.?

tataste 'pyāyayur hatvā rākṣasān yatra sūtajaḥ / (10.1) Par.?

nakulaḥ sahadevaśca sātyakiśca mahārathaḥ / (10.2) Par.?

te karṇaṃ yodhayāmāsuḥ pāñcālā droṇam eva ca // (10.3) Par.?

alāyudhastu saṃkruddho ghaṭotkacam ariṃdamam / (11.1) Par.?

parigheṇātikāyena tāḍayāmāsa mūrdhani // (11.2) Par.?

sa tu tena prahāreṇa bhaimasenir mahābalaḥ / (12.1) Par.?

īṣanmūrchānvito ''tmānaṃ saṃstambhayata vīryavān // (12.2) Par.?

tato dīptāgnisaṃkāśāṃ śataghaṇṭām alaṃkṛtām / (13.1) Par.?

cikṣepa samare tasmai gadāṃ kāñcanabhūṣaṇām // (13.2) Par.?

sā hayān sārathiṃ caiva rathaṃ cāsya mahāsvanā / (14.1) Par.?

cūrṇayāmāsa vegena visṛṣṭā bhīmakarmaṇā // (14.2) Par.?

sa bhagnahayacakrākṣo viśīrṇadhvajakūbaraḥ / (15.1) Par.?

utpapāta rathāt tūrṇaṃ māyām āsthāya rākṣasīm // (15.2) Par.?

sa samāsthāya māyāṃ tu vavarṣa rudhiraṃ bahu / (16.1) Par.?

vidyudvibhrājitaṃ cāsīt timirābhrākulaṃ nabhaḥ // (16.2) Par.?

tato vajranipātāśca sāśanistanayitnavaḥ / (17.1) Par.?

mahāṃścaṭacaṭāśabdastatrāsīddhi mahāhave // (17.2) Par.?

tāṃ prekṣya vihitāṃ māyāṃ rākṣaso rākṣasena tu / (18.1) Par.?

ūrdhvam utpatya haiḍimbastāṃ māyāṃ māyayāvadhīt // (18.2) Par.?

so 'bhivīkṣya hatāṃ māyāṃ māyāvī māyayaiva hi / (19.1) Par.?

aśmavarṣaṃ sutumulaṃ visasarja ghaṭotkace // (19.2) Par.?

aśmavarṣaṃ sa tad ghoraṃ śaravarṣeṇa vīryavān / (20.1) Par.?

diśo vidhvaṃsayāmāsa tad adbhutam ivābhavat // (20.2) Par.?

tato nānāpraharaṇair anyonyam abhivarṣatām / (21.1) Par.?

āyasaiḥ parighaiḥ śūlair gadāmusalamudgaraiḥ // (21.2) Par.?

pinākaiḥ karavālaiśca tomaraprāsakampanaiḥ / (22.1) Par.?

nārācair niśitair bhallaiḥ śaraiścakraiḥ paraśvadhaiḥ // (22.2) Par.?

ayoguḍair bhiṇḍipālair gośīrṣolūkhalair api / (23.1) Par.?

utpāṭya ca mahāśākhair vividhair jagatīruhaiḥ // (23.2) Par.?

śamīpīlukarīraiśca śamyākaiścaiva bhārata / (24.1) Par.?

iṅgudair badarībhiśca kovidāraiśca puṣpitaiḥ // (24.2) Par.?

palāśair arimedaiśca plakṣanyagrodhapippalaiḥ / (25.1) Par.?

mahadbhiḥ samare tasmin anyonyam abhijaghnatuḥ // (25.2) Par.?

vividhaiḥ parvatāgraiśca nānādhātubhir ācitaiḥ / (26.1) Par.?

teṣāṃ śabdo mahān āsīd vajrāṇāṃ bhidyatām iva // (26.2) Par.?

yuddhaṃ tad abhavad ghoraṃ bhaimyalāyudhayor nṛpa / (27.1) Par.?

harīndrayor yathā rājan vālisugrīvayoḥ purā // (27.2) Par.?

tau yuddhvā vividhair ghorair āyudhair viśikhaistathā / (28.1) Par.?

pragṛhya niśitau khaḍgāvanyonyam abhijaghnatuḥ // (28.2) Par.?

tāvanyonyam abhidrutya keśeṣu sumahābalau / (29.1) Par.?

bhujābhyāṃ paryagṛhṇītāṃ mahākāyau mahābalau // (29.2) Par.?

tau bhinnagātrau prasvedaṃ susruvāte janādhipa / (30.1) Par.?

rudhiraṃ ca mahākāyāvabhivṛṣṭāvivācalau // (30.2) Par.?

athābhipatya vegena samudbhrāmya ca rākṣasam / (31.1) Par.?

balenākṣipya haiḍimbaścakartāsya śiro mahat // (31.2) Par.?

so 'pahṛtya śirastasya kuṇḍalābhyāṃ vibhūṣitam / (32.1) Par.?

tadā sutumulaṃ nādaṃ nanāda sumahābalaḥ // (32.2) Par.?

hataṃ dṛṣṭvā mahākāyaṃ bakajñātim ariṃdamam / (33.1) Par.?

pāñcālāḥ pāṇḍavāścaiva siṃhanādān vinedire // (33.2) Par.?

tato bherīsahasrāṇi śaṅkhānām ayutāni ca / (34.1) Par.?

avādayan pāṇḍaveyāstasmin rakṣasi pātite // (34.2) Par.?

atīva sā niśā teṣāṃ babhūva vijayāvahā / (35.1) Par.?

vidyotamānā vibabhau samantād dīpamālinī // (35.2) Par.?

alāyudhasya tu śiro bhaimasenir mahābalaḥ / (36.1) Par.?

duryodhanasya pramukhe cikṣepa gatacetanam // (36.2) Par.?

atha duryodhano rājā dṛṣṭvā hatam alāyudham / (37.1) Par.?

babhūva paramodvignaḥ saha sainyena bhārata // (37.2) Par.?

tena hyasya pratijñātaṃ bhīmasenam ahaṃ yudhi / (38.1) Par.?

hanteti svayam āgamya smaratā vairam uttamam // (38.2) Par.?

dhruvaṃ sa tena hantavya ityamanyata pārthivaḥ / (39.1) Par.?

jīvitaṃ cirakālāya bhrātṝṇāṃ cāpyamanyata // (39.2) Par.?

sa taṃ dṛṣṭvā vinihataṃ bhīmasenātmajena vai / (40.1) Par.?

pratijñāṃ bhīmasenasya pūrṇām evābhyamanyata // (40.2) Par.?

Duration=0.22989106178284 secs.