Texts

arjuna uvāca / (1.1) Par.?

bhīma jyeṣṭho gurur me tvaṃ nāto 'nyad vaktum utsahe / (1.2) Par.?

dhṛtarāṣṭro hi rājarṣiḥ sarvathā mānam arhati // (1.3) Par.?

na smarantyaparāddhāni smaranti sukṛtāni ca / (2.1) Par.?

asaṃbhinnārthamaryādāḥ sādhavaḥ puruṣottamāḥ // (2.2) Par.?

idaṃ madvacanāt kṣattaḥ kauravaṃ brūhi pārthivam / (3.1) Par.?

yāvad icchati putrāṇāṃ dātuṃ tāvad dadāmyaham // (3.2) Par.?

bhīṣmādīnāṃ ca sarveṣāṃ suhṛdām upakāriṇām / (4.1) Par.?

mama kośād iti vibho mā bhūd bhīmaḥ sudurmanāḥ // (4.2) Par.?

vaiśaṃpāyana uvāca / (5.1) Par.?

ityukte dharmarājastam arjunaṃ pratyapūjayat / (5.2) Par.?

bhīmasenaḥ kaṭākṣeṇa vīkṣāṃcakre dhanaṃjayam // (5.3) Par.?

tataḥ sa viduraṃ dhīmān vākyam āha yudhiṣṭhiraḥ / (6.1) Par.?

na bhīmasene kopaṃ sa nṛpatiḥ kartum arhati // (6.2) Par.?

parikliṣṭo hi bhīmo 'yaṃ himavṛṣṭyātapādibhiḥ / (7.1) Par.?

duḥkhair bahuvidhair dhīmān araṇye viditaṃ tava // (7.2) Par.?

kiṃ tu madvacanād brūhi rājānaṃ bharatarṣabham / (8.1) Par.?

yad yad icchasi yāvacca gṛhyatāṃ madgṛhād iti // (8.2) Par.?

yanmātsaryam ayaṃ bhīmaḥ karoti bhṛśaduḥkhitaḥ / (9.1) Par.?

na tanmanasi kartavyam iti vācyaḥ sa pārthivaḥ // (9.2) Par.?

yanmamāsti dhanaṃ kiṃcid arjunasya ca veśmani / (10.1) Par.?

tasya svāmī mahārāja iti vācyaḥ sa pārthivaḥ // (10.2) Par.?

dadātu rājā viprebhyo yatheṣṭaṃ kriyatāṃ vyayaḥ / (11.1) Par.?

putrāṇāṃ suhṛdāṃ caiva gacchatvānṛṇyam adya saḥ // (11.2) Par.?

idaṃ cāpi śarīraṃ me tavāyattaṃ janādhipa / (12.1) Par.?

dhanāni ceti viddhi tvaṃ kṣattar nāstyatra saṃśayaḥ // (12.2) Par.?