UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2417
- Click on a sentence to show its analysis
- Keep the mouse pointer over a lemma to show its meanings.
guḍadhenuvidhānaṃ me samācakṣva jagatpate / (1.2)
Par.?
kiṃrūpaṃ kena mantreṇa dātavyaṃ tadihocyatām // (1.3)
Par.?
matsya uvāca / (2.1)
Par.?
guḍadhenuvidhānasya yadrūpamiha yatphalam / (2.2)
Par.?
tadidānīṃ pravakṣyāmi sarvapāpavināśanam // (2.3)
Par.?
kṛṣṇājinaṃ caturhastaṃ prāggrīvaṃ vinyasedbhuvi / (3.1)
Par.?
gomayenānuliptāyāṃ darbhānāstīrya sarvataḥ // (3.2)
Par.?
laghveṇakājinaṃ tadvadvatsaṃ ca parikalpayet / (4.1)
Par.?
prāṅmukhīṃ kalpayeddhenumudakpādāṃ savatsakām // (4.2)
Par.?
uttamā guḍadhenuḥ syātsadā bhāracatuṣṭayam / (5.1)
Par.?
vatsaṃ bhāreṇa kurvīta dvābhyāṃ vai madhyamā smṛtā // (5.2)
Par.?
ardhabhāreṇa vatsaḥ syātkaniṣṭhā bhārakeṇa tu / (6.1)
Par.?
caturthāṃśena vatsaḥ syādgṛhavittānusārataḥ // (6.2)
Par.?
dhenuvatsau ghṛtāsyau ca sitasūkṣmāmbarāvṛtau / (7.1)
Par.?
śuktikarṇāvikṣupādau śucimuktāphalekṣaṇau // (7.2)
Par.?
sitasūtraśirālau tau sitakambalakambalau / (8.1)
Par.?
tāmragaṇḍakapṛṣṭhau tau sitacāmararomakau // (8.2)
Par.?
vidrumabhrūyugopetau navanītastanāvubhau / (9.1)
Par.?
kṣaumapucchau kāṃsyadohāvindranīlakatārakau // (9.2)
Par.?
suvarṇaśṛṅgābharaṇau rājataiḥ khurasaṃyutau / (10.1)
Par.?
nānāphalasamāyuktau ghrāṇagandhakaraṇḍakau / (10.2)
Par.?
ityevaṃ racayitvā tau dhūpadīpairathārcayet // (10.3)
Par.?
yā lakṣmīḥ sarvabhūtānāṃ yā ca deveṣvavasthitā / (11.1)
Par.?
dhenurūpeṇa sā devī mama śāntiṃ prayacchatu // (11.2)
Par.?
dehasthā yā ca rudrāṇī śaṃkarasya sadā priyā / (12.1)
Par.?
dhenurūpeṇa sā devī mama pāpaṃ vyapohatu // (12.2)
Par.?
viṣṇorvakṣasi yā lakṣmīḥ svāhā yā ca vibhāvasoḥ / (13.1)
Par.?
candrārkaśakraśaktiryā dhenurūpāstu sā śriye // (13.2)
Par.?
caturmukhasya yā lakṣmīryā lakṣmīrdhanadasya ca / (14.1)
Par.?
lakṣmīryā lokapālānāṃ sā dhenurvaradāstu me // (14.2)
Par.?
svadhā yā pitṛmukhyāṇāṃ svāhā yajñabhujāṃ ca yā / (15.1)
Par.?
sarvapāpaharā dhenustasmācchāntiṃ prayaccha me // (15.2)
Par.?
evamāmantrya tāṃ dhenuṃ brāhmaṇāya nivedayet / (16.1)
Par.?
vidhānametaddhenūnāṃ sarvāsām abhipaṭhyate // (16.2)
Par.?
yāstāḥ pāpavināśinyaḥ paṭhyante daśa dhenavaḥ / (17.1)
Par.?
tāsāṃ svarūpaṃ vakṣyāmi nāmāni ca narādhipa // (17.2)
Par.?
prathamā guḍadhenuḥ syād ghṛtadhenus tathāparā / (18.1)
Par.?
tiladhenustṛtīyā tu caturthī jalasaṃjñitā // (18.2)
Par.?
kṣīradhenuśca vikhyātā madhudhenustathā parā / (19.1)
Par.?
saptamī śarkarādhenurdadhidhenustathāṣṭamī / (19.2)
Par.?
rasadhenuśca navamī daśamī syāt svarūpataḥ // (19.3)
Par.?
kumbhāḥ syurdravadhenūnāmitarāsāṃ tu rāśayaḥ / (20.1)
Par.?
suvarṇadhenumapyatra kecidicchanti bhānavaḥ // (20.2)
Par.?
navanītena ratnaiśca tathānye tu maharṣayaḥ / (21.1)
Par.?
etadevaṃvidhānaṃ syāt ta evopaskarāḥ smṛtāḥ // (21.2)
Par.?
mantrāvāhanasaṃyuktāḥ sadā parvaṇi parvaṇi / (22.1)
Par.?
yathāśraddhaṃ pradātavyā bhuktimuktiphalapradāḥ // (22.2)
Par.?
guḍadhenuprasaṅgena sarvāstāvanmayoditāḥ / (23.1)
Par.?
aśeṣayajñaphaladāḥ sarvāḥ pāpaharāḥ śubhāḥ // (23.2)
Par.?
vratānāmuttamaṃ yasmād viśokadvādaśīvratam / (24.1)
Par.?
tadaṅgatvena caivātra guḍadhenuḥ praśasyate // (24.2) Par.?
ayane viṣuve puṇye vyatīpāte'thavā punaḥ / (25.1)
Par.?
guḍadhenvādayo deyās tūparāgādiparvasu // (25.2)
Par.?
viśokadvādaśī caiṣā puṇyā pāpaharā śubhā / (26.1)
Par.?
yāmupoṣya naro yāti tadviṣṇoḥ paramaṃ padam // (26.2)
Par.?
iha loke ca saubhāgyamāyurārogyameva ca / (27.1)
Par.?
vaiṣṇavaṃ puramāpnoti maraṇe ca smaranharim // (27.2)
Par.?
navārbudasahasrāṇi daśa cāṣṭau ca dharmavit / (28.1)
Par.?
na śokaduḥkhadaurgatyaṃ tasya saṃjāyate nṛpa // (28.2)
Par.?
nārī vā kurute yā tu viśokadvādaśīvratam / (29.1)
Par.?
nṛtyagītaparā nityaṃ sāpi tatphalamāpnuyāt // (29.2)
Par.?
tasmādagre harernityamanantaṃ gītavādanam / (30.1)
Par.?
kartavyaṃ bhūtikāmena bhaktyā tu parayā nṛpa // (30.2)
Par.?
iti paṭhati ya itthaṃ yaḥ śṛṇotīha samyaṅmadhumuranarakārer arcanaṃ yaśca paśyet / (31.1)
Par.?
matimāpa ca janānāṃ yo dadātīndraloke vasati sa vibudhaughaiḥ pūjyate kalpamekam // (31.2)
Par.?
Duration=0.12965989112854 secs.