Texts

nandikeśvara uvāca / (1.1) Par.?

athānyadapi vakṣyāmi saṃkrāntyudyāpane phalam / (1.2) Par.?

yadakṣayaṃ pare loke sarvakāmaphalapradam // (1.3) Par.?

ayane viṣuve vāpi saṃkrāntivratamācaret / (2.1) Par.?

pūrvedyurekabhaktena dantadhāvanapūrvakam / (2.2) Par.?

saṃkrāntivāsare prātastilaiḥ snānaṃ vidhīyate // (2.3) Par.?

ravisaṃkramaṇe bhūmau candanenāṣṭapattrakam / (3.1) Par.?

padmaṃ sakarṇikaṃ kuryāttasminnāvāhayedravim // (3.2) Par.?

karṇikāyāṃ nyasetsūryamādityaṃ pūrvatastataḥ / (4.1) Par.?

nama uṣṇārciṣe yāmye namo ṛṅmaṇḍalāya ca // (4.2) Par.?

namaḥ savitre nairṛtye vāruṇe tapanaṃ punaḥ / (5.1) Par.?

vāyavye tu bhagaṃ nyasya punaḥ punarathārcayet // (5.2) Par.?

mārtaṇḍamuttare viṣṇumīśāne vinyasetsadā / (6.1) Par.?

gandhamālyaphalairbhakṣyaiḥ sthaṇḍile pūjayettataḥ // (6.2) Par.?

dvijāya sodakumbhaṃ ca ghṛtapātraṃ hiraṇmayam / (7.1) Par.?

kamalaṃ ca yathāśaktyā kārayitvā nivedayet // (7.2) Par.?

candanodakapuṣpaiśca devāyārghyaṃ nyasedbhuvi / (8.1) Par.?

viśvāya viśvarūpāya viśvadhāmne svayambhuve / (8.2) Par.?

namo 'nanta namo dhātre ṛksāmayajuṣāṃ pate // (8.3) Par.?

anena vidhinā sarvaṃ māsi māsi samācaret / (9.1) Par.?

vatsarānte'thavā kuryātsarvaṃ dvādaśadhā naraḥ // (9.2) Par.?

saṃvatsarānte ghṛtapāyasena saṃtarpya vahniṃ dvijapuṃgavāṃśca / (10.1) Par.?

kumbhānpunardvādaśa dhenuyuktān saratnahairaṇmayapadmayuktān // (10.2) Par.?

payasvinīḥ śīlavatīśca dadyāddharmaiḥ śṛṅgaiḥ raupyakhuraiśca yuktāḥ / (11.1) Par.?

gāvo'ṣṭa vā sapta sakāṃsyadohā mālyāmbarā vā caturo'pyaśaktaḥ / (11.2) Par.?

daurgatyayuktaḥ kapilāmathaikāṃ nivedayedbrāhmaṇapuṃgavāya // (11.3) Par.?

haimīṃ ca dadyātpṛthivīṃ saśeṣāmākārya rūpyāmatha vā ca tāmrīm / (12.1) Par.?

paiṣṭīmaśaktaḥ pratimāṃ vidhāya sauvarṇasūryeṇa samaṃ pradadyāt / (12.2) Par.?

na vittaśāṭhyaṃ puruṣo'tra kuryātkurvannadho yāti na saṃśayo'tra // (12.3) Par.?

yāvanmahendrapramukhairnagendraiḥ pṛthvā ca saptābdhiyuteha tiṣṭhet / (13.1) Par.?

tāvatsa gandharvagaṇaiḥ [... au2 Zeichenjh] sampūjyate nārada nākapṛṣṭhe // (13.2) Par.?

tatastu karmakṣayamāpya saptadvīpādhipaḥ syātkulaśīlayuktaḥ / (14.1) Par.?

sṛṣṭermukhe'vyaṅgavapuḥ sabhāryaḥ prabhūtaputrānvayavanditāṅghriḥ // (14.2) Par.?

iti paṭhati śṛṇoti vātha bhaktyā vidhimakhilaṃ ravisaṃkramasya puṇyam / (15.1) Par.?

matimapi ca dadāti so'pi devairamarapaterbhavane prapūjyate ca // (15.2) Par.?