Texts

sūta uvāca / (1.1) Par.?

sa dadarśa nadīṃ puṇyāṃ divyāṃ haimavatīṃ śubhām / (1.2) Par.?

gandharvaiśca samākīrṇāṃ nityaṃ śakreṇa sevitām // (1.3) Par.?

surebhamadasaṃsiktāṃ samantāttu virājitām / (2.1) Par.?

madhyena śakracāpābhāṃ tasminnahani sarvadā // (2.2) Par.?

tapasviśaraṇopetāṃ mahābrāhmaṇasevitām / (3.1) Par.?

dadarśa tapanīyābhāṃ mahārājaḥ purūravāḥ // (3.2) Par.?

sitahaṃsāvalicchannāṃ kāśacāmararājitām / (4.1) Par.?

sābhiṣiktāmiva satāṃ paśyanprītiṃ parāṃ yayau // (4.2) Par.?

puṇyāṃ suśītalāṃ hṛdyāṃ manasaḥ prītivardhinīm / (5.1) Par.?

kṣayavṛddhiyutāṃ ramyāṃ somamūrtimivāparām // (5.2) Par.?

suśītaśīghrapānīyāṃ dvijasaṃghaniṣevitām / (6.1) Par.?

sutāṃ himavataḥ śreṣṭhāṃ cañcadvīcivirājitām // (6.2) Par.?

amṛtasvādusalilāṃ tāpasairupaśobhitām / (7.1) Par.?

svargārohaṇaniḥśreṇīṃ sarvakalmaṣanāśinīm // (7.2) Par.?

agryāṃ samudramahiṣīṃ maharṣigaṇasevitām / (8.1) Par.?

sarvalokasya cautsukyakāriṇīṃ sumanoharām // (8.2) Par.?

hitāṃ sarvasya lokasya nākamārgapradāyikām / (9.1) Par.?

gokulākulatīrāntāṃ ramyāṃ śaivālavarjitām // (9.2) Par.?

haṃsasārasasaṃghuṣṭāṃ jalajairupaśobhitām / (10.1) Par.?

āvartanābhigambhīrāṃ dvīporujaghanasthalīm // (10.2) Par.?

nīlanīrajanetrābhām utphullakamalānanām / (11.1) Par.?

himābhaphenavasanāṃ cakravākādharāṃ śubhām / (11.2) Par.?

balākāpaṅktidaśanāṃ calanmatsyāvalibhruvam // (11.3) Par.?

svajalodbhūtamātaṃgaramyakumbhapayodharām / (12.1) Par.?

haṃsanūpurasaṃghuṣṭāṃ mṛṇālavalayāvalīm // (12.2) Par.?

tasyāṃ rūpamadonmattā gandharvānugatāḥ sadā / (13.1) Par.?

madhyāhnasamaye rājankrīḍantyapsarasāṃ gaṇāḥ // (13.2) Par.?

tām apsarovinirmuktaṃ vahantīṃ kuṅkumaṃ śubham / (14.1) Par.?

svatīradrumasambhūtanānāvarṇasugandhinīm // (14.2) Par.?

taraṃgavrātasaṃkrāntasūryamaṇḍaladurdṛśam / (15.1) Par.?

surebhajanitāghātavikūladvayabhūṣitām // (15.2) Par.?

śakrebhagaṇḍasalilair devastrīkucacandanaiḥ / (16.1) Par.?

saṃyutaṃ salilaṃ tasyāḥ ṣaṭpadair upasevyate // (16.2) Par.?

tasyāstīrabhavā vṛkṣāḥ sugandhakusumāñcitāḥ / (17.1) Par.?

tathāpakṛṣṭasaṃbhrāntabhramarastanitākulāḥ // (17.2) Par.?

yasyāstīre ratiṃ yānti sadā kāmavaśā mṛgāḥ / (18.1) Par.?

tapovanāśca ṛṣayastathā devāḥ sahāpsarāḥ // (18.2) Par.?

labhante yatra pūtāṅgā devebhyaḥ pratimānitāḥ / (19.1) Par.?

striyaśca nākabahulāḥ padmendupratimānanāḥ // (19.2) Par.?

yā bibharti sadā toyaṃ devasaṃghairapīḍitam / (20.1) Par.?

pulindairnṛpasaṃghaiśca vyāghravṛndairapīḍitam // (20.2) Par.?

sa tām arasapānīyāṃ satāragaganāmalām / (21.1) Par.?

sa tāṃ paśyanyayau rājā satāmīpsitakāmadām // (21.2) Par.?

yasyāstīraruhaiḥ kāśaiḥ pūrṇaiścandrāṃśusaṃnibhaiḥ / (22.1) Par.?

rājate vividhākārai ramyatīraṃ mahādrumaiḥ / (22.2) Par.?

yā sadā vividhairviprairdevaiścāpi niṣevyate // (22.3) Par.?

yā ca sadā sakalaughavināśaṃ bhaktajanasya karotyacireṇa / (23.1) Par.?

yānugatā saritāṃ hi kadambairyānugatā satataṃ hi munīndraiḥ // (23.2) Par.?

yā hi sutāniva pāti manuṣyānyā ca yutā satataṃ himasaṃghaiḥ / (24.1) Par.?

yā ca yutā satataṃ suravṛndairyā ca janaiḥ svahitāya śritā vai // (24.2) Par.?

prayuktā ca kesarigaṇaiḥ karivṛndajuṣṭā saṃtānayuktasalilāpi suvarṇayuktā / (25.1) Par.?

sūryāṃśutāpaparivṛddhivivṛddhaśītā śītāṃśutulyayaśasā dadṛśe nṛpeṇa // (25.2) Par.?