Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Brideship and marriage, marriage, wedding
Show parallels Show headlines
Use dependency labeler
Chapter id: 7376
- Click on a sentence to show its analysis
- Keep the mouse pointer over a lemma to show its meanings.
samāvṛtta ācāryakulān mātāpitarau bibhṛyāt // (1.1) Par.?
tābhyām anujñāto bhāryām upayacchet sajātāṃ nagnikāṃ brahmacāriṇīm asagotrām // (2.1) Par.?
ahnaḥ pañcasu kāleṣu prātaḥ saṃgave madhyaṃdine 'parāhṇe sāyaṃ vaiteṣu yatkārī syāt puṇyāha eva kurute // (3.1) Par.?
agnim upasamādhāya paridhānāntaṃ kṛtvā vadhūm ānīyamānāṃ samīkṣate / (4.1) Par.?
sumaṅgalīr iyaṃ vadhūr imāṃ sameta paśyata / (4.2) Par.?
saubhāgyam asyai dattvāyāthāstaṃ viparetana / (4.3) Par.?
iti // (4.4) Par.?
dakṣiṇataḥ patiṃ bhāryopaviśati // (5.1) Par.?
ācāntasamanvārabdhāyāṃ pariṣiñcati yathā purastāt // (6.1) Par.?
vyāhṛtiparyantaṃ kṛtvā juhoti / (7.1) Par.?
agnir aitu prathamo devatānāṃ so 'syai prajāṃ muñcatu mṛtyupāśāt / (7.2) Par.?
tad ayaṃ rājā varuṇo 'numanyatāṃ yatheyaṃ strī pautram aghaṃ na rodāt / (7.3) Par.?
svāhā / (7.4) Par.?
imām agnis trāyatāṃ gārhapatyaḥ prajām asyai nayatu dīrgham āyuḥ / (7.5) Par.?
aśūnyopasthā jīvatām astu mātā pautram ānandam abhiprabudhyatām iyam / (7.6) Par.?
svāhā / (7.7) Par.?
mā te gṛhe niśi ghoṣa utthād anyatra tvad rudatyaḥ saṃviśantu / (7.8) Par.?
mā tvaṃ vikeśy ura āvadhiṣṭhā jīvapatnī patiloke virāja prajāṃ paśyantī sumanasyamānām / (7.9) Par.?
svāhā / (7.10) Par.?
dyaus te pṛṣṭhaṃ rakṣatu vāyur ūrū aśvinau ca stanaṃ dhayatas te putrān savitābhirakṣatu / (7.11) Par.?
ā vāsasaḥ paridhānād bṛhaspatir viśve devā abhirakṣantu paścāt / (7.12) Par.?
svāhā / (7.13) Par.?
aprajastāṃ pautramṛtyuṃ pāpmānam uta vāgham / (7.14) Par.?
śīrṣṇaḥ srajam ivonmucya dviṣadbhyaḥ pratimuñcāmi pāpam / (7.15) Par.?
svāhā / (7.16) Par.?
devakṛtaṃ brāhmaṇaṃ kalpamānaṃ tena hanmi yoniṣadaḥ piśācān / (7.17) Par.?
kravyādo mṛtyūn adharān pādayāmi dīrgham āyus tava jīvantu putrāḥ / (7.18) Par.?
svāhā / (7.19) Par.?
iti // (7.20) Par.?
imaṃ me varuṇa / (8.1) Par.?
tat tvā yāmi / (8.2) Par.?
tvaṃ no agne / (8.3) Par.?
sa tvaṃ no agne / (8.4) Par.?
tvam agne ayāsi / (8.5) Par.?
prajāpate / (8.6) Par.?
iti hutvāśmānam āsthāpayati / (8.7) Par.?
ātiṣṭhemam aśmānam aśmeva tvaṃ sthirā bhava / (8.8) Par.?
pramṛṇīhi durasyūn sahasva pṛtanāyataḥ / (8.9) Par.?
iti // (8.10) Par.?
apareṇāgniṃ dvayān darbhān pūrvāparān udagagrān saṃstīrya teṣu pūrvāparāv avatiṣṭhete // (9.1) Par.?
Duration=0.13010907173157 secs.