Texts

bhavati gadagaṇānāṃ nāśanaṃ yena sadyo vividharasavidhānaṃ kathyate 'traiva samyak / (1.1) Par.?

rasanigamasudhābdhau mathyamāne mayaiva gaṇitarasaśatānāṃ saṃgrahaḥ procyate vai // (1.2) Par.?

sukhaṇḍitaṃ hāriṇajaṃ viṣāṇaṃ rasena pācyaṃ jalajaṃbukasya / (2.1) Par.?

ruddhvātha bhāṇḍe vipacecca cullyāṃ yāmadvayaṃ śītagataṃ samuddharet // (2.2) Par.?

tato'ṣṭabhāgaṃ trikaṭuṃ niyojya niṣkapramāṇaṃ ca bhajetprabhāte / (3.1) Par.?

taṃ nāgavallīdalajena sārdhaṃ nihanti vātodbhavakaṃ jvaraṃ ca // (3.2) Par.?

sūtagaṃdhaviṣakāravīkaṇādantibījamiti vardhitaiḥ kramāt / (4.1) Par.?

marditaiśca daśaniṃbukadravai raktikārdhatulitā vaṭī kṛtā / (4.2) Par.?

bhakṣitā jvaragaṇān nihantyayaṃ recano jvaraharo'yam aṅkuśaḥ // (4.3) Par.?

eka eva kathitastu so'malaḥ svedito'pi saha cūrṇajalena / (5.1) Par.?

yāmapūrvamapi raktikāmito bhakṣitaḥ sakalaśītajūrtihṛt // (5.2) Par.?

pāradaṃ rasakagaṃdhatālakaṃ tutthaṭaṃkaṇayutaṃ suśodhitam / (6.1) Par.?

mardayecca samamātramekataḥ kāravellajarasairdinaṃ tathā // (6.2) Par.?

lepayecca ravibhājanodare cāṃgulārdhamapi mānameva hi / (7.1) Par.?

tāmrabhājanamukhaṃ nirudhya vai taṃ pacetsikatayaṃtramadhyataḥ // (7.2) Par.?

dhānyakānyupari muñcitāni cet saṃsphuṭanti yadi śuddhamucyate / (8.1) Par.?

jāyate'tiruciro jvarārikaḥ sevito jvaragaṇāpahārakaḥ // (8.2) Par.?

māṣamātramuṣaṇaiḥ samaiḥ sadā parṇakhaṇḍasahitaiśca bhakṣitaḥ / (9.1) Par.?

nāśayeddhi viṣamodbhavān jvarānandhakāramiva bhāskarodayaḥ // (9.2) Par.?

tālatāmrarasagaṃdhatutthakān śāṇamātratulitān samastakān / (10.1) Par.?

niṣkamātrarucirāṃ manaḥśilāṃ mardayet triphalakāmbubhirdṛḍham // (10.2) Par.?

golamasya ca vidhāya saṃpuṭe pācayecca puṭapākayogataḥ / (11.1) Par.?

arkavajripayasā subhāvayet saptavāramatha dantikāśṛtaiḥ // (11.2) Par.?

māṣamātrarasa eṣa bhakṣitaḥ śāṇamānamaricairyuto yadā / (12.1) Par.?

sārdhaniṣkakaguḍena yojitaḥ saurasairdvidaśapatrakairyutaḥ // (12.2) Par.?

śītapūrvamatha dāhapūrvakaṃ dvyāhikaṃ ca sakalān jvarānapi / (13.1) Par.?

nāśayeddhi taruṇajvarārikaḥ sarvadoṣaśamanaḥ sukhāvahaḥ // (13.2) Par.?

bhāgaikaḥ syātpāradaḥ śodhitaśca elīyaḥ syātpippalī śreyasī ca / (14.1) Par.?

ākallo vai gaṃdhakaḥ sārṣapeṇa tailenātho śodhito buddhimadbhiḥ // (14.2) Par.?

turyānbhāgānindravallīphalānāṃ kṛtvā cūrṇaṃ śoṣayetsūryatāpe / (15.1) Par.?

cūrṇaṃ caitad bhāvayettadrasena māṣaistulyāṃ kārayettadvaṭīṃ ca // (15.2) Par.?

dattvā caikāṃ jātasadyojvarāya chinnāṅgāyāḥ kvāthapānaṃ vidheyam / (16.1) Par.?

doṣodbhūtaṃ sannipātodbhavāṃ ca jūrtiṃ samyaṅ nāśayatyāśu tīvrām // (16.2) Par.?

śuddhaḥ sūto gaṃdhako vatsanābhaḥ pratyekaṃ vai śāṇamātrā vidheyā / (17.1) Par.?

dhūrtādbījaṃ kārayedvai triśaṇaṃ sarvebhyo vai dvaiguṇā hemadugdhā // (17.2) Par.?

sūkṣmaṃ cūrṇaṃ kārayettatprayatnāddeyaṃ guṃjāyugmamānaṃ ca samyak / (18.1) Par.?

khādedārdraṃ cānupāne jvarārtaḥ sadyo hanyātsarvadoṣotthajūrtim // (18.2) Par.?

sūtaṃ gaṃdhaṃ hiṅgulaṃ daṃtibījaṃ bhāgairvṛddhaṃ kārayecca krameṇa / (19.1) Par.?

cūrṇaṃ kṛtvā marditaṃ daṃtitoyairguṃjāmātro bhakṣitaścejjvarāriḥ // (19.2) Par.?

ekaṃ bhāgaṃ vatsanābhaṃ ca kuryāddvau bhāgau ceṭ ṭaṅkaṇaṃ daṃtibījam / (20.1) Par.?

trīṇyevaite hiṃgulasyāpi turyaḥ sadyo jūrtiṃ nāśayatyeva sūryaḥ // (20.2) Par.?

śuddhaṃ sūtaṃ bhāgamekaṃ tu tālād dvau bhāgau cedvedasaṃkhyāḥ śilāyāḥ / (21.1) Par.?

tāmrasyaivaṃ bhāgayugmaṃ prakuryādbhallātaṃ vā vedabhāgaṃ tathaiva // (21.2) Par.?

arkakṣīrairbhāvayecca trivāraṃ kṛtvā cūrṇaṃ kārayedgolakaṃ tat / (22.1) Par.?

sthālīmadhye sthāpitaṃ tacca golaṃ dattvā mudrāṃ bhasmanā saiṃdhavena // (22.2) Par.?

dhūmrasyaivaṃ rodhanaṃ ca prakuryācchāṇairdadyātsvedanaṃ mandavahnau / (23.1) Par.?

paścāttoyenaiva bhāvyaṃ ca cūrṇaṃ golaṃ kṛtvā maṃdavahnau vipācya // (23.2) Par.?

paścādenaṃ bhakṣayedvai rasendraṃ vallaṃ caikaṃ śarkarācūrṇamiśram // (24) Par.?

tadvatkṛṣṇāmākṣikeṇaiva jūrtiṃ hanyādetatsarvadoṣotthitāṃ vai // (25) Par.?

athātīsāraśamanān rasān saṃkathayāmi vai / (26.1) Par.?

bhakṣitāścaiva ye nityaṃ sadyaḥ pratyayakārakāḥ // (26.2) Par.?

śuddhaṃ sūtaṃ gaṃdhakaṃ vai samāṃśaṃ citronmattair mardayedvāsaraikam / (27.1) Par.?

cūrṇairetaiḥ śaṃkhamāpūritaṃ vai bhāṇḍe sthāpyaṃ mudritavyaṃ prayatnāt // (27.2) Par.?

tasyādhastād aṣṭayāmaṃ prakuryādvahniṃ śīte karṣamātraṃ viṣaṃ hi / (28.1) Par.?

dattvā gharme trīṇi cātho puṭāni dadyāttadvat kanyakāyā rasena // (28.2) Par.?

vallaṃ yojyaṃ jīrakeṇātha bhṛṃgyā kṣaudrairyuktaṃ bhakṣitaṃ saṃgrahaṇyām / (29.1) Par.?

śvāse śūle cānile śleṣmaje vā kāse'rśaḥsu viḍgrahe cātisāre // (29.2) Par.?

saubhāgyaṃ vai hiṃgulaṃ vatsanābhaṃ mārīcaṃ vai hemabījena yuktam / (30.1) Par.?

kṛtvā cūrṇaṃ sarvametatsamāṃśaṃ jambīrais tanmarditaṃ yāmayugmam / (30.2) Par.?

guṃjāmātrā nirmitā bhakṣitā hi guṭyo hanyuḥ sannipātātisārān // (30.3) Par.?

jātīpattrī devapuṣpaṃ ca śuṇṭhī kaṅkollaṃ cec caṃdanaṃ kuṃkumaṃ ca / (31.1) Par.?

kṛṣṇāyuktaṃ śuddhamākallakaṃ syāt sarvāṇyevaṃ cūrṇayedvai samāni // (31.2) Par.?

sūtasyaivaṃ bhasma miśraṃ prakuryād bhāgaṃ caikaṃ miśrayennāgaphenam / (32.1) Par.?

khalve sarvaṃ marditaṃ caikayāmaṃ kāryā golī vallamātrā jalena // (32.2) Par.?

bhakṣedrātrau pāyayettaṃḍulodaṃ hanyāt sarvān sarvadoṣātisārān // (33) Par.?

mārīcaṃ ceṭ ṭaṃkaṇaṃ hiṃgulaṃ ca gaṃdhāśmā vai pippalī vatsanābham / (34.1) Par.?

dhūrtasyaivaṃ bījakānīha śuddhānyevaṃ kṛtvā tacca cūrṇaṃ vidheyam // (34.2) Par.?

prātaḥ sāyaṃ bhakṣitaṃ vallamātraṃ jūrtiṃ raktaṃ nāśayeccātisāram / (35.1) Par.?

dadhyannaṃ vā bhojayettakrayuktaṃ hanyād evaṃ cāgnimāndyaṃ sutīvram // (35.2) Par.?