Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4860

Click on a sentence to show its analysis
Keep the mouse pointer over a lemma to show its meanings.

atha nābhiyantramāha mallamadhya iti // (1) Par.?

dṛḍhasthūlavistṛtamṛtpātramadhye gartaṃ kuryāt // (2) Par.?

tatra pāradaṃ gandhakaṃ ca nidadhyāt // (3) Par.?

tato gartasya samantato'ṅgulocchrāyaṃ kuḍyākāraṃ bandhaṃ kuryāt // (4) Par.?

tatastaṃ gartaṃ gostanākāramūṣayā nyubjayā pidadhyāt // (5) Par.?

atrocyamānayā toyamṛdākhyayā mṛdā saṃdhiṃ ruddhvā saṃśoṣyoparisthitasarvamallabhāgaṃ kaṇṭhaparyantaṃ jalena pūrayet // (6) Par.?

yantrasyādhastācca cullyāṃ vahniṃ prajvālayedityantimaślokena saṃbandho bodhyaḥ // (7) Par.?

atra jalamṛcchabdabodhārthaṃ jalamṛdaṃ tatprasaṅgācca vahnimṛdaṃ ca madhyasthitagranthenāha lehavaditi // (8) Par.?

ghanena babbūlatvakkaṣāyeṇa purāṇaṃ lohakiṭṭacūrṇaṃ sūkṣmaṃ kaṇaṃ yathā syāttathā saṃmardya tatra guḍacūrṇaṃ samaṃ dattvā punaḥ saṃmardya kṛteyaṃ mṛjjalamṛditi khyātā // (9) Par.?

atha khaṭikāśvetacūrṇadravyaṃ khaḍū cāsa iti vākhyātam // (10) Par.?

paṭu saindhavam // (11) Par.?

lohakiṭṭaṃ ca sarvametanmithaḥ samaṃ gṛhītvā mahiṣīdugdhena saṃmardya vihiteyaṃ mṛdvahnimṛdākhyātā // (12) Par.?

iyaṃ ca tīkṣṇaṃ vahnipātaṃ sahata ityanvarthākhyā // (13) Par.?

etayā ruddho rasastaruṇyā kṛtasnehena baddhaḥ puruṣaḥ ivānyatra gantuṃ na śaknoti // (14) Par.?

asya yantrasya jalayantramiti nāmāntaraṃ kecidvadanti // (15) Par.?

pāṣāṇabhedirasavidhāvasyopayogaṃ vakṣyati // (16) Par.?

rasasāre pāradabandhanārthamapyasya yantrasyopayogamudājahāra // (17) Par.?

Duration=0.067911863327026 secs.