Texts

hutānukṛtir upākarma // (1.1) Par.?

śrāvaṇyāṃ paurṇamāsyāṃ kriyetāpi vā āṣāḍhyām // (2.1) Par.?

samanvārabdheṣv antevāsiṣu // (3.1) Par.?

atha devayajanollekhanaprabhṛty āgnimukhāt kṛtvā catasraḥ pradhānāhutīr juhoti / (4.1) Par.?

yājñikībhyo devatābhyaḥ svāhā / (4.2) Par.?

sāṃhitībhyo devatābhyaḥ svāhā / (4.3) Par.?

vāruṇībhyo devatābhyaḥ svāhā / (4.4) Par.?

sarvābhyo devatābhyaḥ svāhā iti // (4.5) Par.?

atha kāṇḍaṛṣīn juhoti / (5.1) Par.?

prajāpataye kāṇḍaṛṣaye svāhā / (5.2) Par.?

somāya kāṇḍaṛṣaye svāhā / (5.3) Par.?

agnaye kāṇḍaṛṣaye svāhā / (5.4) Par.?

viśvebhyo devebhyaḥ kāṇḍaṛṣibhyaḥ svāhā / (5.5) Par.?

svayambhuve kāṇḍaṛṣaye svāhā iti // (5.6) Par.?

atha sadasaspatiṃ juhoti / (6.1) Par.?

sadasaspatim adbhutaṃ priyam indrasya kāmyam / (6.2) Par.?

saniṃ medhām ayāsiṣaṃ svāhā iti // (6.3) Par.?

atha sāvitrīṃ juhoti tat savitur vareṇyam ity etām // (7.1) Par.?

atha vedāhutīr juhoti / (8.1) Par.?

ṛgvedāya svāhā / (8.2) Par.?

yajurvedāya svāhā / (8.3) Par.?

sāmavedāya svāhā / (8.4) Par.?

atharvavedāya svāhā / (8.5) Par.?

atharvāṅgirobhyaḥ svāhā / (8.6) Par.?

itihāsapurāṇebhyaḥ svāhā / (8.7) Par.?

sarpadevajanebhyaḥ svāhā / (8.8) Par.?

sarvabhūtebhyaḥ svāhā iti // (8.9) Par.?

trīn ādito 'nuvākān adhīyīran vā sarvān // (9.1) Par.?

jayaprabhṛti siddham ā dhenuvarapradānāt // (10.1) Par.?

atha brāhmaṇān tarpayaty apūpair dhānābhiḥ saktubhir odaneneti yady u vaitebhyo bhavati // (11.1) Par.?

ṛṣayaś chandāṃsy ācāryā vedā yajñāś ca prīyantām iti vācayitvā // (12.1) Par.?

tryaham ekāhaṃ vā nādhīyīran // (13.1) Par.?

māsaṃ pradoṣe nādhīyīran // (14.1) Par.?

nityaṃ caiva bhuktvordhvam // (15.1) Par.?

madhyarātrāt stanite sapradoṣam ahar anadhyāyaḥ / (16.1) Par.?

astamite codayād vidyuti ca svapnāntam // (16.2) Par.?

evam eva kāṇḍopākaraṇakāṇḍasamāpanābhyām // (17.1) Par.?

sa ekaḥ kāṇḍaṛṣiḥ // (18.1) Par.?

tasya caivaikasya kāṇḍasyādyo 'nuvākaḥ // (19.1) Par.?

tasya caivaikasya kāṇḍasyaitad ahar anadhyāyaḥ // (20.1) Par.?

evaṃ kāṇḍavisarge / (21.1) Par.?

etāvad eva nānā nātrānuvākaḥ / (21.2) Par.?

pauroḍāśikaṃ yājamānaṃ hotāro hautraṃ paitṛmedha iti sabrāhmaṇāni sānubrāhmaṇāni prājāpatyāni // (21.3) Par.?

ādhvaryavaṃ grahā dākṣiṇāni samiṣṭayajūṃṣy avabhṛthayajūṃṣi vājapeyaḥ śukriyāṇi savā iti sabrāhmaṇāni sānubrāhmaṇāni saumyāni // (22.1) Par.?

agnyādheyam agnihotram agnyupasthānam agnicayanaṃ sāvitraṃ nāciketaṃ cāturhotrīyaṃ vaiśvasṛjāruṇā iti sabrāhmaṇāni sānubrāhmaṇāny āgneyāni // (23.1) Par.?

rājasūyaḥ paśubandhaḥ iṣṭayo nakṣatreṣṭayo divaśyenayo 'pāghāḥ sātrāyaṇam upahomāḥ kaukilīsūktāny aupānuvākyaṃ yājyāśvamedhaḥ puruṣamedhaḥ sautrāmaṇy acchidrāṇi paśuhautram upaniṣada iti sabrāhmaṇāni sānubrāhmaṇāni vaiśvadevāni // (24.1) Par.?

svāyambhuvaṃ kāṇḍaṃ kāṭhake paṭhito vidhiḥ svayambhūś cātra daivataṃ sarvabhūtapatiḥ śucir iti // (25.1) Par.?

atha kārīrīvrataṃ catūrātram akṣāralavaṇaṃ bhūmau bhuñjīta paśuvat // (26.1) Par.?

evam eva kārāvratam // (27.1) Par.?

sāvitrībhyaḥ prabhṛtyūrdhvam oṣadhyanuvākān adhīyīran nātra bhūmau bhuñjīta na paśuvaditi // (28.1) Par.?