UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5841
- Click on a sentence to show its analysis
- Keep the mouse pointer over a lemma to show its meanings.
7 dvīpas
etad brahmāṇḍamākhyātaṃ caturdaśavidhaṃ mahat / (1.2)
Par.?
ataḥ paraṃ pravakṣyāmi bhūrlokasyāsya nirṇayam // (1.3)
Par.?
jambudvīpaḥ pradhāno 'yaṃ plakṣaḥ śālmala eva ca / (2.1)
Par.?
kuśaḥ krauñcaśca śākaśca puṣkaraścaiva saptamaḥ // (2.2)
Par.?
ete sapta mahādvīpāḥ samudraiḥ saptabhirvṛtāḥ / (3.1)
Par.?
dvīpād dvīpo mahānuktaḥ sāgarādapi sāgaraḥ // (3.2)
Par.?
kṣārodekṣurasodaśca surodaśca ghṛtodakaḥ / (4.1)
Par.?
dadhyodaḥ kṣīrasalilaḥ svādūdaśceti sāgarāḥ // (4.2)
Par.?
pañcāśatkoṭivistīrṇā sasamudrā dharā smṛtā / (5.1)
Par.?
dvīpaiśca saptabhiryuktā yojanānāṃ samāsataḥ // (5.2)
Par.?
Jambūdvīpa
jambūdvīpaḥ samastānāṃ dvīpānāṃ madhyataḥ śubhaḥ / (6.1)
Par.?
tasya madhye mahāmerurviśrutaḥ kanakaprabhaḥ // (6.2)
Par.?
caturaśītisāhasro yojanaistasya cocchrayaḥ / (7.1)
Par.?
praviṣṭaḥ ṣoḍaśādhastāddvātriṃśanmūrdhni vistṛtaḥ // (7.2)
Par.?
mūle ṣoḍaśasāhasro vistārastasya sarvataḥ / (8.1)
Par.?
bhūpadmasyāsya śailo 'sau karṇikātvena saṃsthitaḥ // (8.2)
Par.?
himavān hemakūṭaśca niṣadhaścāsya dakṣiṇe / (9.1) Par.?
nīlaḥ śvetaśca śṛṅgī ca uttare varṣaparvatāḥ // (9.2)
Par.?
lakṣapramāṇau dvau madhye daśahīnāstathā pare / (10.1)
Par.?
sahasradvitayocchrāyāstāvadvistāriṇaśca te // (10.2)
Par.?
bhārataṃ dakṣiṇaṃ varṣaṃ tataḥ kiṃpuruṣaṃ smṛtam / (11.1)
Par.?
harivarṣaṃ tathaivānyanmerordakṣiṇato dvijāḥ // (11.2)
Par.?
ramyakaṃ cottaraṃ varṣaṃ tasyaivānu hiraṇmayam / (12.1)
Par.?
uttarāḥ kuravaścaiva yathaite bharatāstathā // (12.2)
Par.?
navasāhasramekaikameteṣāṃ dvijasattamāḥ / (13.1)
Par.?
ilāvṛtaṃ ca tanmadhye tanmadhye merurucchritaḥ // (13.2)
Par.?
meroścaturdiśaṃ tatra navasāhasravistṛtam / (14.1)
Par.?
ilāvṛtaṃ mahābhāgāścatvārastatra parvatāḥ / (14.2)
Par.?
viṣkambhā racitā meroryojanāyutamucchritāḥ // (14.3)
Par.?
pūrveṇa mandaro nāma dakṣiṇe gandhamādanaḥ / (15.1)
Par.?
vipulaḥ paścime pārśve supārśvaścottare smṛtaḥ // (15.2)
Par.?
kadambasteṣu jambuśca pippalo vaṭa eva ca / (16.1)
Par.?
jambūdvīpasya sā jambūrnāmaheturmaharṣayaḥ // (16.2)
Par.?
mahāgajapramāṇāni jambvāstasyāḥ phalāni ca / (17.1)
Par.?
patanti bhūbhṛtaḥ pṛṣṭhe śīryamāṇāni sarvataḥ // (17.2)
Par.?
rasena tasyāḥ prakhyātā tatra jambūnadīti vai / (18.1)
Par.?
sarit pravartate cāpi pīyate tatra vāsibhiḥ // (18.2)
Par.?
na svedo na ca daurgandhyaṃ na jarā nendriyakṣayaḥ / (19.1)
Par.?
tatpānāt susthamanasāṃ narāṇāṃ tatra jāyate // (19.2)
Par.?
tīramṛttatra samprāpya vāyunā suviśoṣitā / (20.1)
Par.?
jāmbūnadākhyaṃ bhavati suvarṇaṃ siddhabhūṣaṇam // (20.2)
Par.?
bhadrāśvaḥ pūrvato meroḥ ketumālaśca paścime / (21.1)
Par.?
varṣe dve tu muniśreṣṭhāstayormadhye ilāvṛtam // (21.2)
Par.?
vanaṃ caitrarathaṃ pūrve dakṣiṇe gandhamādanam / (22.1)
Par.?
vaibhrājaṃ paścime vidyāduttare saviturvanam // (22.2)
Par.?
aruṇodaṃ mahābhadramasitodaṃ ca mānasam / (23.1)
Par.?
sarāṃsyetāni catvāri devayogyāni sarvadā // (23.2)
Par.?
sitāntaśca kumudvāṃśca kururī mālyavāṃstathā / (24.1)
Par.?
vaikaṅko maṇiśailaśca ṛkṣavāṃścācalottamāḥ // (24.2)
Par.?
mahānīlo 'tha rucakaḥ sabindurmandarastathā / (25.1)
Par.?
veṇumāṃścaiva meghaśca niṣadho devaparvataḥ / (25.2)
Par.?
ityete devaracitāḥ siddhāvāsāḥ prakīrtitāḥ // (25.3)
Par.?
aruṇodasya sarasaḥ pūrvataḥ kesarācalaḥ / (26.1)
Par.?
trikūṭaśikharaścaiva pataṅgo rucakastathā // (26.2)
Par.?
niṣadho vasudhāraśca kaliṅgastriśikhaḥ śubhaḥ / (27.1)
Par.?
samūlo vasudhāraśca kuravaścaiva sānumān // (27.2)
Par.?
tāmrātaśca viśālaśca kumudo veṇuparvataḥ / (28.1)
Par.?
ekaśṛṅgo mahāśailo gajaśailaḥ piśācakaḥ // (28.2)
Par.?
pañcaśailo 'tha kailāso himavāṃścācalottamaḥ / (29.1)
Par.?
ityete devacaritā utkaṭāḥ parvatottamāḥ // (29.2)
Par.?
mahābhadrasya saraso dakṣiṇe kesarācalaḥ / (30.1)
Par.?
śikhivāsaśca vaiḍūryaḥ kapilo gandhamādanaḥ // (30.2)
Par.?
jārudhiśca sugandhiśca śrīśṛṅgaścācalottamaḥ / (31.1)
Par.?
supārśvaśca supakṣaśca kaṅkaḥ kapila eva ca // (31.2)
Par.?
piñjaro bhadraśailaśca surasaśca mahābalaḥ / (32.1)
Par.?
añjano madhumāṃstadvat kumudo mukuṭastathā // (32.2)
Par.?
sahasraśikharaścaiva pāṇḍuraḥ kṛṣṇa eva ca / (33.1)
Par.?
pārijāto mahāśailastathaiva kapilodakaḥ // (33.2)
Par.?
suṣeṇaḥ puṇḍarīkaśca mahāmeghastathaiva ca / (34.1)
Par.?
ete parvatarājānaḥ siddhagandharvasevitāḥ // (34.2)
Par.?
asitodasya sarasaḥ paścime kesarācalaḥ / (35.1)
Par.?
śaṅkhakūṭo 'tha vṛṣabho haṃso nāgastathā paraḥ // (35.2)
Par.?
kālāñjanaḥ śukraśailo nīlaḥ kamala eva ca / (36.1)
Par.?
puṣpakaśca sumeghaśca vārāho virajāstathā / (36.2)
Par.?
mayūraḥ kapilaścaiva mahākapila eva ca // (36.3)
Par.?
ityete devagandharvasiddhasaṅghaniṣevitāḥ / (37.1)
Par.?
saraso mānasasyeha uttare kesarācalāḥ // (37.2)
Par.?
eteṣāṃ śailamukhyānāmantareṣu yathākramam / (38.1)
Par.?
santi caivāntaradroṇyaḥ sarāṃsi ca vanāni ca // (38.2)
Par.?
vasanti tatra munayaḥ siddhāśca brahmabhāvitāḥ / (39.1)
Par.?
prasannāḥ śāntarajasaḥ sarvaduḥkhavivarjitāḥ // (39.2)
Par.?
iti śrīkūrmapurāṇe ṣaṭsāhasryāṃ saṃhitāyāṃ pūrvavibhāge tricatvāriṃśo 'dhyāyaḥ // (40.1)
Par.?
Duration=0.136883020401 secs.