Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7335

Click on a sentence to show its analysis
Keep the mouse pointer over a lemma to show its meanings.

Regulations for the royal residence

vāstukapraśaste deśe saprākāraparikhādvāram anekakakṣyāparigatam antaḥpuraṃ kārayet // (1.1) Par.?

kośagṛhavidhānena madhye vāsagṛham gūḍhabhittisaṃcāraṃ mohanagṛhaṃ tanmadhye vā vāsagṛham bhūmigṛhaṃ vāsannacaityakāṣṭhadevatāpidhānadvāram anekasuruṅgāsaṃcāraṃ tasyopari prāsādaṃ gūḍhabhittisopānaṃ suṣirastambhapraveśāpasāraṃ vā vāsagṛhaṃ yantrabaddhatalāvapātaṃ kārayet āpatpratīkārārtham āpadi vā // (2.1) Par.?

ato 'nyathā vā vikalpayet sahādhyāyibhayāt // (3.1) Par.?

mānuṣeṇāgninā trir apasavyaṃ parigatam antaḥpuram agnir anyo na dahati na cātrānyo 'gnir jvalati vaidyutena bhasmanā mṛtsaṃyuktena karakavāriṇāvaliptaṃ ca // (4.1) Par.?

jīvantīśvetāmuṣkakapuṣpavandākābhir akṣīve jātasyāśvatthasya pratānena guptaṃ sarpā viṣāṇi vā na prabhavanti // (5.1) Par.?

mayūranakulapṛṣatotsargaḥ sarpān bhakṣayati // (6.1) Par.?

śukaḥ sārikā bhṛṅgarājo vā sarpaviṣaśaṅkāyāṃ krośati // (7.1) Par.?

krauñco viṣābhyāśe mādyati glāyati jīvaṃjīvakaḥ mriyate mattakokilaḥ cakorasyākṣiṇī virajyete // (8.1) Par.?

ityevam agniviṣasarpebhyaḥ pratikurvīta // (9.1) Par.?

pṛṣṭhataḥ kakṣyāvibhāge strīniveśo garbhavyādhisaṃsthā vṛkṣodakasthānaṃ ca // (10.1) Par.?

bahiḥ kanyākumārapuram // (11.1) Par.?

purastād alaṅkārabhūmir mantrabhūmir upasthānaṃ kumārādhyakṣasthānaṃ ca // (12.1) Par.?

kakṣyāntareṣvantarvaṃśikasainyaṃ tiṣṭhet // (13.1) Par.?

antargṛhagataḥ sthavirastrīpariśuddhāṃ devīṃ paśyet // (14.1) Par.?

devīgṛhe līno hi bhrātā bhadrasenaṃ jaghāna mātuḥ śayyāntargataśca putraḥ kārūṣam // (15.1) Par.?

lājān madhuneti viṣeṇa paryasya devī kāśirājam viṣadigdhena nūpureṇa vairantyam mekhalāmaṇinā sauvīram jālūtham ādarśena veṇyāṃ gūḍhaṃ śastraṃ kṛtvā devī vidūrathaṃ jaghāna // (16.1) Par.?

tasmād etānyāspadāni pariharet // (17.1) Par.?

muṇḍajaṭilakuhakapratisaṃsargaṃ bāhyābhiśca dāsībhiḥ pratiṣedhayet // (18.1) Par.?

na caināḥ kulyāḥ paśyeyuḥ anyatra garbhavyādhisaṃsthābhyaḥ // (19.1) Par.?

rūpājīvāḥ snānapragharṣaśuddhaśarīrāḥ parivartitavastrālaṃkārāḥ paśyeyuḥ // (20.1) Par.?

aśītikāḥ puruṣāḥ pañcāśatkāḥ striyo vā mātāpitṛvyañjanāḥ sthaviravarṣadharābhyāgārikāścāvarodhānāṃ śaucāśaucaṃ vidyuḥ sthāpayeyuśca svāmihite // (21.1) Par.?

svabhūmau ca vaset sarvaḥ parabhūmau na saṃcaret / (22.1) Par.?

na ca bāhyena saṃsargaṃ kaścid ābhyantaro vrajet // (22.2) Par.?

sarvaṃ cāvekṣitaṃ dravyaṃ nibaddhāgamanirgamam / (23.1) Par.?

nirgacched abhigacched vā mudrāsaṃkrāntabhūmikam // (23.2) Par.?

Duration=0.14466500282288 secs.