Texts

uktopapattyupalabdhyanuśīlanapratyabhijñātaṃ taṃ spandatattvātmakaṃ svabhāvam ātmīyam adhiṣṭhātṛbhāvena vyutthānadaśāyām api vyāpnuvantam avalokayaṃś cinvānaḥ / (1.1) Par.?

na vrajen na viśecchaktir marudrūpā vikāsite / (1.2) Par.?

nirvikalpatayā madhye tayā bhairavarūpadhṛk // (1.3) Par.?

iti tathā / (2.1) Par.?

sarvāḥ śaktīś cetasā darśanādyāḥ sve sve vedye yaugapadyena viṣvak / (2.2) Par.?

kṣiptvā madhye hāṭakastambhabhūtas tiṣṭhan viśvākāra eko 'vabhāsi // (2.3) Par.?

iti śrīvijñānabhairavakakṣyāstotranirdiṣṭasampradāyayuktyā nimīlanonmīlanasamādhinā yugapadvyāpakamadhyabhūmyavaṣṭambhād adhyāsitaitadubhayavisargāraṇivigalitasakalavikalpo 'kramasphāritakaraṇacakraḥ // (3) Par.?

antarlakṣyo bahir dṛṣṭinimeṣonmeṣavarjitaḥ / (4.1) Par.?

iyaṃ sā bhairavī mudrā sarvatantreṣu gopitā // (4.2) Par.?

ity āmnātabhagavadbhairavamudrānupraviṣṭo mukurāntarnimajjadunmajjannānāpratibimbakadambakalpamanalpaṃ bhāvarāśiṃ cidākāśa evoditam api tatraiva vilīyamānaṃ paśyan janmasahasrāpūrvaparamānandaghanalokottarasvasvarūpapratyabhijñānāt jhaṭiti truṭitasakalavṛttiḥ smayamāno vismayamudrāpraviṣṭa iva mahāvikāsāsādanāc ca sahasaiva samuditasamucitatāttvikasvabhāvo yo yogīndra āste tiṣṭhati na tv avaṣṭambhāc chithilībhavati tasyeyamiti sakalajagatkampakāriṇī kutsitā jananamaraṇādiprabandharūpā sṛtiḥ pravṛttiḥ kuto nijāśuddhilakṣaṇasya taddhetor abhāvān naiva bhavatītyarthaḥ // (5) Par.?

yathoktaṃ śrīpūrvaśāstre / (6.1) Par.?

tattve niścalacittas tu bhuñjāno viṣayān api / (6.2) Par.?

naiva saṃspṛśyate doṣaiḥ padmapattram ivāmbhasā // (6.3) Par.?

viṣāpahārimantrādisaṃnaddho bhakṣayannapi / (7.1) Par.?

viṣaṃ na muhyate tena tadvadyogī mahāmatiḥ // (7.2) Par.?

iti // (8.1) Par.?

atha ye śrutyantavidakṣapādamādhyamikādayaḥ kṣobhapralaye viśvocchedarūpam abhāvātmakameva tattvam avaśiṣyata ity upādikṣan tān pratibodhayituṃ tadupagatatattvaprātipakṣyeṇa lokottaratāṃ prakaraṇaśarīrasya spandatattvasya nirūpayati // (9) Par.?