Texts

aurva uvāca / (1.1) Par.?

haviṣyamatsyamāṃsaistu śaśasya śakunasya ca / (1.2) Par.?

saukaracchāgalaiṇeyarauravairgavayena ca // (1.3) Par.?

aurabhragavyaiśca tathā māsavṛddhyā pitāmahāḥ / (2.1) Par.?

prayānti tṛptiṃ māṃsaistu nityaṃ vārdhrīṇasāmiṣaiḥ // (2.2) Par.?

khaḍgamāṃsamatīvātra kālaśākaṃ tathā madhu / (3.1) Par.?

śastāni karmaṇyatyantatṛptidāni nareśvara // (3.2) Par.?

gayāmupetya yaḥ śrāddhaṃ karoti pṛthivīpate / (4.1) Par.?

saphalaṃ tasya tajjanma jāyate pitṛtuṣṭidam // (4.2) Par.?

prasātikāḥ sanīvārāḥ śyāmākā dvividhāstathā / (5.1) Par.?

vanyauṣadhīpradhānāstu śrāddhārhāḥ puruṣarṣabha // (5.2) Par.?

yavāḥ priyaṃgavo mudgā godhūmā vrīhayastilāḥ / (6.1) Par.?

niṣpāvāḥ kovidārāśca sarṣapāścātra śobhanāḥ // (6.2) Par.?

akṛtāgrayaṇaṃ yacca dhānyajātaṃ nareśvara / (7.1) Par.?

rājamāṣān aṇūṃścaiva masūrāṃśca vivarjayet // (7.2) Par.?

alābuṃ gṛñjanaṃ caiva palāṇḍuṃ piṇḍamūlakam / (8.1) Par.?

gandhārakaṃ karambhāṇi lavaṇānyauṣarāṇi ca // (8.2) Par.?

āraktāścaiva niryāsāḥ pratyakṣalavaṇāni ca / (9.1) Par.?

varjyānyetāni vai śrāddhe yacca vācā na śasyate // (9.2) Par.?

naktāhṛtamanutsṛṣṭaṃ tṛpyate na ca yatra gauḥ / (10.1) Par.?

durgandhi phenilaṃ cāmbu śrāddhayogyaṃ na pārthiva // (10.2) Par.?

kṣīramekaśaphānāṃ yadauṣṭramāvikameva ca / (11.1) Par.?

mārgaṃ ca māhiṣaṃ caiva varjayecchrāddhakarmaṇi // (11.2) Par.?

ṣaṇḍāpaviddhacaṇḍālapāṣaṇḍyunmattarogibhiḥ / (12.1) Par.?

kṛkavākuśca nagnaiśca vānaragrāmasūkaraiḥ // (12.2) Par.?

udakyāsūtikāśaucimṛtahāraiśca vīkṣite / (13.1) Par.?

śrāddhe surā na pitaro bhuñjate puruṣarṣabha // (13.2) Par.?

tasmātpariśrite kuryācchrāddhaṃ śraddhāsamanvitaḥ / (14.1) Par.?

urvyāṃ ca tilavikṣepādyātudhānānnivārayet // (14.2) Par.?

na pūti naivopapannaṃ keśakīṭādibhirnṛpa / (15.1) Par.?

na caivābhiṣavairmiśramannaṃ paryuṣitaṃ tathā // (15.2) Par.?

śraddhāsamanvitairdattaṃ pitṛbhyo nāmagotrataḥ / (16.1) Par.?

yadāhārāstu te jātāstadāhāratvameti tat // (16.2) Par.?

śrūyante cāpi pitṛbhirgītā gāthā mahīpate / (17.1) Par.?

ikṣvākormanuputrasya kalāpopavane purā // (17.2) Par.?

api naste bhaviṣyanti kule sanmārgaśīlinaḥ / (18.1) Par.?

gayāmupetya ye piṇḍāndāsyantyasmākamādarāt // (18.2) Par.?

api naḥ sa kule jāyādyo no dadyāttrayodaśīm / (19.1) Par.?

pāyasaṃ madhusarpibhyāṃ varṣāsu ca maghāsu ca // (19.2) Par.?

gaurīṃ vāpyudvahetkanyāṃ nīlaṃ vā vṛṣamutsṛjet / (20.1) Par.?

yajeta vāśvamedhena vidhivaddakṣiṇāvatā // (20.2) Par.?