Texts

hariruvāca / (1.1) Par.?

pavitrāropaṇaṃ vakṣye śivasyāśivanāśanam / (1.2) Par.?

ācāryaḥ sādhakaḥ kuryātputrakaḥ samayī hara // (1.3) Par.?

saṃvatsarakṛtāṃ pūjāṃ vighneśo harate 'nyathā / (2.1) Par.?

āṣāḍhe śrāvaṇe māghe kuryādbhādrapade 'pi vā // (2.2) Par.?

sauvarṇaraupyatāmraṃ ca sūtraṃ kārpāsikaṃ kramāt / (3.1) Par.?

jñeyaṃ kujādau saṃgrāhyaṃ kanyayā kartitaṃ ca yat // (3.2) Par.?

triguṇaṃ triguṇīkṛtya tataḥ kuryātpavitrakam / (4.1) Par.?

granthayo vāmadevena satyena kṣālayecchiva // (4.2) Par.?

aghoreṇa tu saṃśodhya baddhastatpuruṣādbhavet / (5.1) Par.?

dhūpayedīśamantreṇa tantudevā iti smṛtāḥ // (5.2) Par.?

oṃkāraścandramā vahnir brahmā nāgaḥ śikhidhvajaḥ / (6.1) Par.?

ravirviṣṇuḥ śivaḥ proktaḥ kramāttantuṣu devatāḥ // (6.2) Par.?

aṣṭottaraśataṃ kuryātpañcāśatpañcaviṃśatim / (7.1) Par.?

rudro 'ttamādi vijñeyaṃ mānaṃ ca granthayo daśa // (7.2) Par.?

caturaṅgulāntarāḥ syurgranthināmāni ca kramāt / (8.1) Par.?

prakṛtiḥ pauruṣī vīrā caturthī cāparājitā // (8.2) Par.?

jayā ca vijayā rudrā ajitā ca sadāśivā / (9.1) Par.?

manonmanī sarvamukhī dvyaṅgulāṅgulato 'thavā // (9.2) Par.?

rañjayetkuṅkumādyaistu kuryādrandhaiḥ pavitrakam / (10.1) Par.?

saptamyāṃ vā trayodaśyāṃ śuklapakṣe tathetare // (10.2) Par.?

kṣīrādibhiśca saṃsnāpya liṅgaṃ gandhādibhiryajet / (11.1) Par.?

dadyādrandhapavitraṃ tu ātmane brahmaṇe hara // (11.2) Par.?

puṣpaṃ gandhayutaṃ dadyānmūleneśānagocare / (12.1) Par.?

pūrve ca daṇḍakāṣṭhaṃ tu uttare cāmalakīphalam // (12.2) Par.?

mṛttikāṃ paścime dadyāddakṣiṇe bhasmabhūtayaḥ / (13.1) Par.?

nairṛte hyaguruṃ dadyācchikhāmantreṇa mantravit // (13.2) Par.?

vāyavyāṃ sarṣapaṃ dadyātkavacena vṛṣadhvaja / (14.1) Par.?

gṛhaṃ saṃveṣṭya sūtreṇa dadyādrandhapavitrakam // (14.2) Par.?

homaṃ kṛtvā gneya dattvā dadyādbhūtabaliṃ tathā / (15.1) Par.?

āmantrito 'si deveśa gaṇaiḥ sārdhaṃ maheśvara // (15.2) Par.?

prātastvāṃ pūjayiṣyāmi atra saṃnihito bhava / (16.1) Par.?

nimantryānena tiṣṭhettu kurvan gītādikaṃ niśi // (16.2) Par.?

mantritāni pavitrāṇi sthāpayeddevapārśvataḥ / (17.1) Par.?

snātvādityaṃ caturdaśyāṃ prāgrudraṃ ca prapūjayet // (17.2) Par.?

lalāṭasthaṃ viśvarūpaṃ dhyātvātmānaṃ prapūjayet / (18.1) Par.?

astreṇa prokṣitānyevaṃ hṛdayenārcitānyatha // (18.2) Par.?

saṃhitāmantritānyeva dhūpitāni samarpayet / (19.1) Par.?

śivatattvātmakaṃ cādau vidyātattvātmakaṃ tataḥ // (19.2) Par.?

ātmatattvātmakaṃ paścāddevakākhyaṃ tato 'rcayet / (20.1) Par.?

oṃ hauṃ hauṃ śivatattvāya namaḥ / (20.2) Par.?

oṃ hīṃ vidyātattvāya namaḥ // (20.3) Par.?

oṃ hāṃ ātmatattvāya namaḥ / (21.1) Par.?

oṃ hāṃ hīṃ hūṃ kṣaiṃ sarvatattvāya namaḥ / (21.2) Par.?

kālātmanā tvayā deva yaddṛṣṭaṃ māmake vidhau // (21.3) Par.?

kṛtaṃ kliṣṭaṃ samutsṛṣṭaṃ hutaṃ guptaṃ ca yatkṛtam / (22.1) Par.?

sarvātmanātmanā śambho pavitreṇa tvadicchayā // (22.2) Par.?

pūraya pūraya makhavrataṃ tanniyameśvarāya sarvatattvātmakāya sarvakāraṇapālitāya oṃ hāṃ hīṃ hūṃ haiṃ hauṃ śivāya namaḥ // (23.1) Par.?

pūrvairanena yo dadyātpavitrāṇāṃ catuṣṭayam / (24.1) Par.?

dattvā vahneḥ pavitraṃ ca gurave dakṣiṇāṃ diśet // (24.2) Par.?

baliṃ dattvā dvijān bhojya caṇḍaṃ prācyai visarjayet // (25.1) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śivapavitrāropaṇaṃ nāma dvicatvāriṃśo 'dhyāyaḥ // (26.1) Par.?