Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 17493
  • Click on a sentence to show its analysis
  • Keep the mouse pointer over a lemma to show its meanings.
Sūkta 1
abhi tvendra varimataḥ purā tvāṃhūraṇebhyaḥ / (1.1) Par.?
hvayāmy ugraṃ cettāraṃ puruṇāmānam ekajam // (1.2) Par.?
yo adya senyo vadho jighāṃsan na udīrate / (2.1) Par.?
indrasya tatra bāhū samantaṃ pari dadhmahe // (2.2) Par.?
pari dadhma indrasya bāhū samantaṃ trātus trāyatāṃ naḥ / (3.1) Par.?
deva savitaḥ soma rājan sumanasaṃ mā kṛṇutaṃ svastaye // (3.2) Par.?
Sūkta 2
devā aduḥ sūryo adād dyaur adāt pṛthivy adāt / (4.1) Par.?
sarvāḥ sarasvatīr aduḥ sacittā viṣadūṣaṇam // (4.2) Par.?
yad vo devā upajīkā āsiñcan dhanvany udakam / (5.1) Par.?
tena devaprasūtā idaṃ dūṣayatā viṣam // (5.2) Par.?
asurāṇām asi duhitā devānām asi svasā / (6.1) Par.?
divas pṛthivyā jajñiṣe sā cakarthārasaṃ viṣam // (6.2) Par.?
Sūkta 3
asthisraṃsaṃ parusraṃsam āsthitaṃ hṛdayāmayam / (7.1) Par.?
balāsaṃ sarvaṃ niṣ kṛdhy aṅgeṣṭhā yaś ca parvasu // (7.2) Par.?
nir balāsaṃ balāsinaḥ kṣiṇomi puṣkaraṃ yathā / (8.1) Par.?
chinadmy asya bandhanaṃ mūlam urvārvo yathā // (8.2) Par.?
nir balāsetaḥ pra pata suparṇo vasater iva / (9.1) Par.?
adheṭa iva hāyano 'pa drāhy avīrahā // (9.2) Par.?
Sūkta 4
ā vṛṣāyasva śvasihi vardhasva prathayasva ca / (10.1) Par.?
yathāṅgaṃ vardhatāṃ te śepas tena yoṣitam ij jahi // (10.2) Par.?
yenā kṛśaṃ medayanti yena hinvanty āturam / (11.1) Par.?
tenāsya brahmaṇaspate dhanur ivā tānayā pasaḥ // (11.2) Par.?
āhaṃ tanomi te paso adhi jyām iva dhanvani / (12.1) Par.?
kramasvarśya iva rohitam anavaglāyatā tvam // (12.2) Par.?
Sūkta 5
devāḥ kapota iṣito yad icchan dūto nirṛtyā idam ājagāma / (13.1) Par.?
tasmā arcāma kṛṇavāma niṣkṛtiṃ śaṃ no astu dvipade śaṃ catuṣpade // (13.2) Par.?
śivaḥ kapota iṣito no astv anāgā devāḥ śakuno gṛhe naḥ / (14.1) Par.?
agnir hi vipro juṣatāṃ havir naḥ pari hetiḥ pakṣiṇī no vṛṇaktu // (14.2) Par.?
hetiḥ pakṣiṇī na dabhāty asmān āṣṭrī padaṃ kṛṇute agnidhāne / (15.1) Par.?
śaṃ no gobhya uta puruṣebhyo mā no devā iha hiṃsīt kapotaḥ // (15.2) Par.?
iṣaṃ madantaḥ pari gāṃ nayāmaḥ saṃyopayanto duritā padāni / (16.1) Par.?
ṛcā kapotaṃ nudata praṇodaṃ hitvā na ūrjaṃ pra patāt pathiṣṭhaḥ // (16.2) Par.?
nude tvā pra ṇude tvā kapota rakṣasā saha / (17.1) Par.?
yato na punar āyasi tatra tvā gamayāmasi // (17.2) Par.?
Duration=0.09968090057373 secs.