Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17570

Sūkta 1

dīrghajihvā bṛhadvāco yābhir ārdrāṇi vāsāṃsi / (1.1) Par.?

gāvo ghṛtasya mātaro divi bheṣajam akrata // (1.2) Par.?

arjunīnām apacitāṃ kṛṣṇā māteti śuśrava / (2.1) Par.?

muner devasya mūlena sarvāś chinadmi tā aham // (2.2) Par.?

chinadmy āsāṃ prathamāṃ chinadmy uta madhyamām / (3.1) Par.?

atho jaghanyām āsām ā cchinadmi stukām iva // (3.2) Par.?

Sūkta 2

apehi manasas pate kim aśastāni śaṃsasi / (4.1) Par.?

parehi na tvā kāmaye vṛkṣān vanāni saṃ cara // (4.2) Par.?

avaśasā niḥśasā yat parāśasopārima yaj jāgrato yat svapantaḥ / (5.1) Par.?

agnir viśvāny apa duṣkṛtāny ajuṣṭāny āre asmad dadhātu // (5.2) Par.?

yad indra brahmaṇaspata uta mṛṣā carāmasi / (6.1) Par.?

pracetā na āṅgiraso dviṣatas pātu tebhyaḥ // (6.2) Par.?

Sūkta 3

ehi mām uttaraṃ kṛdhi sahasva pṛtanāyataḥ / (7.1) Par.?

vy asmat kṛtyā vy asmac chapathāṁ aja // (7.2) Par.?

yo no dudhūrṣān manasā yaś ca pāpena no 'bhyamāt / (8.1) Par.?

ākūtiṃ tasya devā hṛdaś cittāni vi ṣyata // (8.2) Par.?

aśva iva dhuri duryogaḥ pratīhāyavahe daśa / (9.1) Par.?

kṛtvānaṃ brahmaṇaspate daṃṣṭrābhyām abhi saṃ jahi // (9.2) Par.?

yonyā adhi prājāyathā mūrdhno 'dhy ud avardhathāḥ / (10.1) Par.?

tvaṃ sapatnacātano bhrātṛvyāṁ ava dhūnuṣva // (10.2) Par.?

Sūkta 4

bahur ayaṃ saṃgaruṣṭo niyukto bhūmyām adhi / (11.1) Par.?

tenāham asya kartsyāmi yathā sthāma gamiṣyati // (11.2) Par.?

sthāmāgan bṛhad akṣatra sthāman tākṣṇo 'va syati / (12.1) Par.?

antaṣṭhyasya yo rājā sa ut thāma gamiṣyati // (12.2) Par.?

agamad rājā sadanam agamat sūryo divam / (13.1) Par.?

udayan vṛtrahan plīhā aṅgarājo avīrahā // (13.2) Par.?

yathā panthāṃ kavāpatho apyeti mahāpatham / (14.1) Par.?

evā tvaṃ plīhan na plīhi yato 'sy abhyāgataḥ // (14.2) Par.?

Sūkta 5

indreṇa dattaṃ balam āsurābhyāṃ śitaṅgaitac chālvatāyai ca tubhyam / (15.1) Par.?

tau nudethāṃ kaṇvā aśivā ajuṣṭā adhā gṛhāṇāṃ gṛhapā stam eṣām // (15.2) Par.?

tvam agne gṛhapatir gṛhāṇāṃ tvaṃ prajānāṃ janitāsi dātā / (16.1) Par.?

tvaṃ nudasva kaṇvā aśivā ajuṣṭāḥ sadānvā nir itaḥ sedha pāpīḥ // (16.2) Par.?

carmābhyaḥ krūram ānahya hariṇasya bhiyaṃ kṛdhi / (17.1) Par.?

mṛgāṁ anu pra pātaya marīcīr anu nāśaya // (17.2) Par.?

yady asy apsarāvīr yadi tvā rakṣo agrabhīt / (18.1) Par.?

tasmā apaplavaṃ havir manasā juhomi te // (18.2) Par.?

Duration=0.1277551651001 secs.