Texts

agnīṣomābhyām praṇīyamānābhyām anubrūhīty āhādhvaryuḥ // (1) Par.?

sāvīr hi deva prathamāya pitra iti sāvitrīm anvāha // (2) Par.?

tad āhur yad agnīṣomābhyām praṇīyamānābhyām anu vācāhātha kasmāt sāvitrīm anvāheti / (3.1) Par.?

savitā vai prasavānām īśe / (3.2) Par.?

savitṛprasūtā evainau tat praṇayanti / (3.3) Par.?

tasmāt sāvitrīm anvāha // (3.4) Par.?

praitu brahmaṇaspatir iti brāhmaṇaspatyām anvāha // (4) Par.?

tad āhur yad agnīṣomābhyām praṇīyamānābhyām anu vācāhātha kasmād brāhmaṇaspatyām anvāheti / (5.1) Par.?

brahma vai bṛhaspatiḥ / (5.2) Par.?

brahmaivābhyām etat purogavam akaḥ / (5.3) Par.?

na vai brahmaṇvad riṣyati // (5.4) Par.?

pra devy etu sūnṛteti / (6.1) Par.?

sasūnṛtam eva tad yajñaṃ karoti / (6.2) Par.?

tasmād brāhmaṇaspatyām anvāha // (6.3) Par.?

hotā devo amartya iti tṛcam āgneyaṃ gāyatram anvāha some rājani praṇīyamāne // (7) Par.?

somaṃ vai rājānam praṇīyamānam antareṇaiva sadohavirdhānāny asurā rakṣāṃsy ajighāṃsan / (8.1) Par.?

tam agnir māyayātyanayat // (8.2) Par.?

purastād eti māyayeti / (9.1) Par.?

māyayā hi sa tam atyanayat / (9.2) Par.?

tasmād v asyāgnim purastād dharanti // (9.3) Par.?

upa tvāgne dive diva upa priyam panipnatam iti tisraś caikāṃ cānvāha // (10) Par.?

īśvarau ha vā etau saṃyantau yajamānaṃ hiṃsitor yaś cāsau pūrva uddhṛto bhavati yam u cainam aparam praṇayanti / (11.1) Par.?

tad yat tisraś caikāṃ cānvāha saṃjānānāv evainau tat saṃgamayati / (11.2) Par.?

pratiṣṭhāyām evainau tat pratiṣṭhāpayaty ātmanaś ca yajamānasya cāhiṃsāyai // (11.3) Par.?

agne juṣasva prati harya tad vaca ity āhutyāṃ hūyamānāyām anvāha // (12) Par.?

agnaya eva taj juṣṭim āhutiṃ gamayati // (13) Par.?

somo jigāti gātuvid iti tṛcaṃ saumyaṃ gāyatram anvāha some rājani praṇīyamāne / (14.1) Par.?

svayaivainaṃ taddevatayā svena chandasā samardhayati // (14.2) Par.?

somaḥ sadhastham āsadad iti / (15.1) Par.?

āsatsyan hi sa tarhi bhavati // (15.2) Par.?

tad atikramyaivānubrūyāt pṛṣṭhata ivāgnīdhraṃ kṛtvā // (16) Par.?

tam asya rājā varuṇas tam aśvineti vaiṣṇavīm anvāha // (17) Par.?

kratuṃ sacanta mārutasya vedhasaḥ dādhāra dakṣam uttamam aharvidaṃ vrajaṃ ca viṣṇuḥ sakhivāṁ aporṇuta iti // (18) Par.?

viṣṇur vai devānāṃ dvārapaḥ / (19.1) Par.?

sa evāsmā etad dvāraṃ vivṛṇoti // (19.2) Par.?

antaś ca prāgā aditir bhavāsīti prapādyamāne 'nvāha // (20) Par.?

śyeno na yoniṃ sadanaṃ dhiyākṛtam ity āsanne // (21) Par.?

hiraṇyayam āsadaṃ deva eṣatīti // (22) Par.?

hiraṇmayam iva ha vā eṣa etad devebhyaś chadayati yat kṛṣṇājinam // (23) Par.?

tasmād etām anvāha // (24) Par.?

astabhnād dyām asuro viśvavedā iti vāruṇyā paridadhāti // (25) Par.?

varuṇadevatyo vā eṣa tāvad yāvad upanaddho yāvat pariśritāni prapadyate / (26.1) Par.?

svayaivainaṃ tad devatayā svena chandasā samardhayati // (26.2) Par.?

taṃ yady upa vā dhāveyur abhayaṃ veccherann evā vandasva varuṇam bṛhantam ity etayā paridadhyāt // (27) Par.?

yāvadbhyo hābhayam icchati yāvadbhyo hābhayaṃ dhyāyati tāvadbhyo hābhayam bhavati yatraivaṃ vidvān etayā paridadhāti / (28.1) Par.?

tasmād evaṃ vidvān etayaiva paridadhyāt // (28.2) Par.?

tā etāḥ saptadaśānvāha rūpasamṛddhāḥ / (29.1) Par.?

etadvai yajñasya samṛddhaṃ yad rūpasamṛddhaṃ yat karma kriyamāṇam ṛg abhivadati / (29.2) Par.?

tāsāṃ triḥ prathamām anvāha trir uttamām / (29.3) Par.?

tā ekaviṃśatiḥ sampadyante / (29.4) Par.?

ekaviṃśo vai prajāpatiḥ / (29.5) Par.?

dvādaśa māsāḥ / (29.6) Par.?

pañcartavaḥ / (29.7) Par.?

traya ime lokāḥ / (29.8) Par.?

asāv āditya ekaviṃśa uttamā pratiṣṭhā // (29.9) Par.?

tad daivaṃ kṣatram / (30.1) Par.?

sā śrīḥ / (30.2) Par.?

tad ādhipatyam / (30.3) Par.?

tad bradhnasya viṣṭapam / (30.4) Par.?

tat prajāpater āyatanam / (30.5) Par.?

tat svārājyam // (30.6) Par.?

ṛdhnoty etam evaitābhir ekaviṃśatyaikaviṃśatyā // (31) Par.?