Texts

aśmann ūrjaṃ parvate śiśriyāṇām ity adbhiḥ pariṣiñcati // (1) Par.?

prajāpater vā eṣa raso yad āpaḥ // (2) Par.?

prajāpater evainaṃ rasena tarpayati // (3) Par.?

sa enaṃ tṛptaḥ prīto 'kṣudhyann upatiṣṭhate // (4) Par.?

aśman te kṣud yaṃ dviṣmas taṃ te śug ṛcchatv iti yam eva dveṣṭi tam asya kṣudhā ca śucā cārpayati // (5) Par.?

triḥ pariṣiñcati // (6) Par.?

traya ime lokāḥ // (7) Par.?

ebhya evainaṃ lokebhyaś śamayati // (8) Par.?

triḥ punar apariṣiñcan paryeti // (9) Par.?

tat ṣaṭ sampadyate // (10) Par.?

ṣaḍ vā ṛtavaḥ // (11) Par.?

ṛtubhya evainaṃ śamayati // (12) Par.?

yady abhicaret triḥ punar apariṣiñcan parītya yā dakṣiṇā śroṇis tasyāṃ prakṣiṇīyāt // (13) Par.?

idam aham amum āmuṣyāyaṇam amuṣya putraṃ prakṣiṇāmīti // (14) Par.?

yaivāgnau śuk tām ādāya tayainam arpayati // (15) Par.?

taṃ bhidyamānam anv ārtim ārchati // (16) Par.?

yan nāma gṛhṇāti mūlam evāsya cchinatti // (17) Par.?

varuṇamenir vā eṣa saṃcitaḥ // (18) Par.?

maṇḍūkena vikarṣati // (19) Par.?

maṇḍūkasyāyuṣā vyeti // (20) Par.?

na grāmyān paśūn hinasti nāraṇyān // (21) Par.?

tasmād etaṃ vasantā ca prāvṛṣi cābhigacchati // (22) Par.?

śucā hy eṣa ṛtaḥ // (23) Par.?

avakayā ca vetasaśākhayā ca vikarṣati // (24) Par.?

apāṃ vā etac charo yad avakāpām etat puṣyaṃ yad vetasaḥ // (25) Par.?

āpaś śāntāḥ // (26) Par.?

śāntābhir evāsya śucaṃ śamayati // (27) Par.?

tisṛbhiḥ // (28) Par.?

trivṛd vā agniḥ // (29) Par.?

yāvān evāgnis tasya śucaṃ śamayati // (30) Par.?

prajāpatiḥ prajā asṛjata // (31) Par.?

tā akṣudhyan // (32) Par.?

tābhyo 'nnaṃ prāyacchat // (33) Par.?

tā abruvan no 'bhūd iti // (34) Par.?

annaṃ pāvakam // (35) Par.?

yat pāvakavatīr bhavanty annādyāya // (36) Par.?

kam asmā agniś cikyānāya bhavati // (37) Par.?

saptabhir vikarṣayati // (38) Par.?

sapta vai chandāṃsi // (39) Par.?

chandobhir evāsya śucaṃ śamayati // (40) Par.?

aṣṭābhir vikarṣati // (41) Par.?

aṣṭākṣarā gāyatrī // (42) Par.?

gāyatro 'gniḥ // (43) Par.?

yāvān evāgnis tasya śucaṃ śamayati // (44) Par.?

saṃlupyotkare 'dhyasyati // (45) Par.?

eṣā vā asyāṃ śuk // (46) Par.?

śucy evāsya śucaṃ dadhāti // (47) Par.?

yaṃ dviṣyāt tam abhyasyet // (48) Par.?

śucaivainam arpayati // (49) Par.?

pañcagṛhīta ājye pañca hiraṇyaśalkān avāsyati // (50) Par.?

tejo vai hiraṇyam // (51) Par.?

āyur ghṛtam // (52) Par.?

tejasaivāsyāyur vyāghārayati // (53) Par.?

atho paṅktyaivāhutyāgnim ālabhate // (54) Par.?

namas te harase śociṣa ity adhikrāmati // (55) Par.?

namaskṛtya hi śreyāṃsam upacaranti // (56) Par.?

akṣṇayā vyāghārayaty ajāmitvāya // (57) Par.?

nṛṣade veḍ iti pratiṣṭhityai // (58) Par.?

hutādo vā anye devā ahutādo 'nye // (59) Par.?

agnicid attvaitān ubhayān avarunddhe // (60) Par.?

yaj juhoti cāva cokṣati tān eva prīṇāti tān avarunddhe // (61) Par.?

te 'syobhaye prītā yajñe bhavanti // (62) Par.?

gurumuṣṭināvokṣati // (63) Par.?

sa hi prājāpatyatamaḥ // (64) Par.?

tenāsya na hutaṃ bhavati nāhutam // (65) Par.?

kṛṣṇājinasyopānahau kurute // (66) Par.?

brahmaṇo vā etad rūpaṃ yat kṛṣṇājinam // (67) Par.?

mṛtyur agniḥ // (68) Par.?

brahmaṇaiva mṛtyor antardhatte // (69) Par.?

antar mṛtyor dhatte // (70) Par.?

antar annādyād anyatarām upānahaṃ kurvīta // (71) Par.?

antar mṛtyor dhatte // (72) Par.?

avānnādyaṃ runddhe // (73) Par.?

prāṇair vā eṣa paśubhir vyṛdhyate yo 'gniṃ cinute // (74) Par.?

taṃ prathamo 'dhikrāmati // (75) Par.?

prāṇadā vyānadā iti prāṇair evainaṃ samardhayati // (76) Par.?

varcodā varivodā iti prajā vai varcaḥ // (77) Par.?

paśavo varivaḥ // (78) Par.?

prajayā caivainaṃ paśubhiś ca samardhayati // (79) Par.?

prāṇadā apānadā ity avarohati // (80) Par.?

rūpeṇaiva // (81) Par.?

dvābhyām // (82) Par.?

dvipād yajamānaḥ pratiṣṭhityai // (83) Par.?