Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17130

Click on a sentence to show its analysis
Keep the mouse pointer over a lemma to show its meanings.

aparayā dvārā havirdhāne 'paḥ prapādayati pūrvayā vā / (1.1) Par.?

pūrvayā tu yajamānaḥ prapadyate // (1.2) Par.?

uttarasya havirdhānasyādhastād vasatīvarīr ekadhanā maitrāvaruṇacamasīyā iti sādayati // (2) Par.?

dakṣiṇasya havirdhānasyādhastāt puro 'kṣaṃ hotṛcamasaṃ sādayitvā dadhigrahaṇe carati // (3) Par.?

audumbareṇa pātreṇa catuḥsraktinā dadhi gṛhṇāty upayāmagṛhīto 'si prajāpate tvā jyotiṣmate jyotiṣmantaṃ gṛhṇāmīti // (4) Par.?

haraty upendra dviṣato mana iti // (5) Par.?

juhoti prāṇāya tvety anuvākaśeṣeṇa // (6) Par.?

ājyagrahaṃ gṛhṇīyāt tejaskāmasya / (7.1) Par.?

somagrahaṃ gṛhṇīyād brahmavarcasakāmasya / (7.2) Par.?

dadhigrahaṃ gṛhṇīyāt paśukāmasya // (7.3) Par.?

ājyagrahasyaiṣa eva kalpaḥ // (8) Par.?

somagrahaṃ grahīṣyann adhiṣavaṇacarmaṇi rājānaṃ nivapati yāvantam ekagrahāyāptaṃ manyate // (9) Par.?

pratyupanahyetaraṃ vasatīvarībhir hotṛcamasaṃ pūrayitvā nigrābhyāsu yajamānaṃ vācayati nigrābhyā stha devaśruta iti pratipadya gaṇā me mā vi tṛṣann ity antena // (10) Par.?

vasatīvarībhir upasṛjyābhiṣoṣyann abhimantrayate 'vīvṛdhaṃ vo manasā sujātā iti // (11) Par.?

yatra kva cābhiṣuṇuyād evam evābhimantrayate // (12) Par.?

athainam upare grāvṇābhiṣunoti // (13) Par.?

Duration=0.051583051681519 secs.