Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, apsudīkṣā

Show parallels  Show headlines
Use dependency labeler
Chapter id: 17569
  • Click on a sentence to show its analysis
  • Keep the mouse pointer over a lemma to show its meanings.
Caland, Henry ﾧ14 ctd.
havir vai dīkṣitaḥ // (1) Par.?
na havir anabhighṛtaṃ medham aśnute // (2) Par.?
yad abhyanakty abhy evainaṃ ghārayati medhyatvāya // (3) Par.?
ghṛtaṃ devānām // (4) Par.?
niṣpakvaṃ manuṣyāṇām // (5) Par.?
āyutaṃ gandharvāṇām // (6) Par.?
svayaṃvilīnam ādityasya // (7) Par.?
naitad devatrā na manuṣyatrā yan navanītam // (8) Par.?
naiṣa devatrā na manuṣyatrā yo dīkṣitaḥ // (9) Par.?
pracyuto 'smāl lokāt // (10) Par.?
aprāpto 'mum // (11) Par.?
yan navanītenābhyaṅkte samṛddhyai // (12) Par.?
vāsaḥ paridhatte // (13) Par.?
agnes tūṣaḥ // (14) Par.?
pitṝṇāṃ nīviḥ // (15) Par.?
oṣadhīnāṃ praghātaḥ // (16) Par.?
vāyor vātapāḥ // (17) Par.?
viśveṣāṃ devānām otavaś ca tantavaś ca // (18) Par.?
nakṣatrāṇām atīrokāḥ // (19) Par.?
sarvadevatyaṃ vāsaḥ // (20) Par.?
sarvadevatyo dīkṣitaḥ // (21) Par.?
sarvābhir evainaṃ devatābhis samardhayati // (22) Par.?
āṅkte // (23) Par.?
indraṃ vai vṛtraṃ jaghnivāṃsaṃ rakṣāṃsy asacanta // (24) Par.?
tāny añjanagiriṇāntaradhatta // (25) Par.?
rakṣāṃsy etaṃ sacante yo dīkṣate // (26) Par.?
bhavati hi // (27) Par.?
yad āṅkte rakṣasām antarhityai // (28) Par.?
indro vai vṛtram ahan // (29) Par.?
tasya cakṣuḥ parāpatat // (30) Par.?
tat trikakubhaṃ prāviśat // (31) Par.?
yad āṅkte tasyaiva cakṣuṣo 'varuddhyai // (32) Par.?
dvir dakṣiṇam āṅkte sakṛt savyam // (33) Par.?
trivṛd yajñaḥ // (34) Par.?
mukhata eva yajñam ālabhate // (35) Par.?
trir dakṣiṇam āṅkte dvis savyam // (36) Par.?
pāṅkto yajñaḥ // (37) Par.?
yajñam evāvarunddhe // (38) Par.?
dakṣiṇaṃ pūrvam āṅkte // (39) Par.?
savyaṃ hi pūrvaṃ manuṣyā āñjate vyāvṛttyai // (40) Par.?
yajuṣāṅkte // (41) Par.?
ayajuṣā hi manuṣyā āñjate vyāvṛttyai // (42) Par.?
parācīnam ānakti // (43) Par.?
na nidhāvati // (44) Par.?
ācaparācaṃ hi manuṣyā āñjate vyāvṛttyai // (45) Par.?
iṣīkayāṅkte // (46) Par.?
śalalyā hi manuṣyā āñjate vyāvṛttyai // (47) Par.?
satūlā bhavati // (48) Par.?
maitrī vai satūlā // (49) Par.?
vāruṇī pariśīrṇā // (50) Par.?
maitro dīkṣitaḥ // (51) Par.?
samṛddhyai // (52) Par.?
ūnam iva vā etac chidram iva yac cakṣuḥ // (53) Par.?
yad āṅkte tad evāpūrayaty acchidratvāya // (54) Par.?
pāvayati // (55) Par.?
indro vai vṛtram ahan // (56) Par.?
tam apsv evādhyahan // (57) Par.?
tāsāṃ yā yajñiyā medhyā āsan tā udakrāman // (58) Par.?
tā oṣadhayo 'bhavan // (59) Par.?
yat tejas te darbhāḥ // (60) Par.?
tasmāt te pavitram // (61) Par.?
tasmād darbhair apaḥ punanti // (62) Par.?
yad darbhapiñjūlaiḥ pāvayati // (63) Par.?
apām evainam oṣadhīnāṃ tejasā pāvayati // (64) Par.?
dvābhyāṃ pāvayati // (65) Par.?
dve satyaṃ cānṛtaṃ ca // (66) Par.?
satyenaivāsyānṛtaṃ pāvayati // (67) Par.?
dvau prāṇaś cāpānaś ca // (68) Par.?
tribhiḥ pāvayati // (69) Par.?
triṣatyā hi devāḥ // (70) Par.?
atho trayo hi prāṇāḥ prāṇo vyāno 'pānaḥ // (71) Par.?
tān eva yajamāne dadhāti // (72) Par.?
pañcabhiḥ pāvayati // (73) Par.?
pāṅktaḥ puruṣaḥ // (74) Par.?
yāvān evāsyātmā taṃ pāvayati // (75) Par.?
saptabhiḥ pāvayati // (76) Par.?
sapta vai chandāṃsi // (77) Par.?
chandobhir evainaṃ pāvayati // (78) Par.?
navabhiḥ pāvayati // (79) Par.?
nava prāṇāḥ // (80) Par.?
prāṇair evainaṃ pāvayati // (81) Par.?
ekaviṃśatyā pāvayati // (82) Par.?
ekaviṃśo vai puruṣo daśa hastyā aṅgulayo daśa padyā ātmaikaviṃśaḥ // (83) Par.?
yāvān evāsyātmā taṃ pāvayati // (84) Par.?
citpatis tvā punātv iti // (85) Par.?
brahma vai citpatiḥ // (86) Par.?
brahmaṇaivainaṃ pāvayati // (87) Par.?
vākpatis tvā punātv iti // (88) Par.?
sa hi pāvayitā // (89) Par.?
devas tvā savitā punātv iti // (90) Par.?
savitṛprasūta evainaṃ devatābhiḥ pāvayati // (91) Par.?
acchidreṇa pavitreṇeti // (92) Par.?
acchambaṭkāram evainaṃ pāvayati // (93) Par.?
sūryasya raśmibhir iti // (94) Par.?
ādityasyaivainaṃ tanvā pāvayati // (95) Par.?
tasya te pavitraprate pavitreṇeti // (96) Par.?
yajño vai pavitrapatiḥ // (97) Par.?
yajñāyaivaitat punīte // (98) Par.?
yasmai kaṃ pune tac chakeyam iti // (99) Par.?
yajñaṃ śakeyam ity evaitad āha // (100) Par.?
anvañcaṃ pāvayati // (101) Par.?
anvaṅ vai puruṣaṃ prāṇaḥ // (102) Par.?
yadā vai prāṇas tiryaṅ bhavaty atha pramīyate // (103) Par.?
yat tiryañcaṃ pāvayet tiryañcam asya prāṇaṃ kuryāt pramīyeta // (104) Par.?
anvātmam evāsya prāṇaṃ karoti // (105) Par.?
bahiṣ pāvayati // (106) Par.?
manuṣyaloka evainaṃ pāvayitvā pūtaṃ devalokaṃ praṇayati // (107) Par.?
Duration=0.50100517272949 secs.