Texts

pravargyavaty uttareṇa samrāḍāsandīṃ gatvā paścāt tiṣṭhann adhvaryupreṣitas tyagnāyir iti gāyet // (1) Par.?

padāya padāya stobhet // (2) Par.?

nidhanāyaiva staubhīṃ vācaṃ visṛjet // (3) Par.?

upagrahaprabhṛtīni svarayantam upeyur ye gharma upayuktāḥ syuḥ // (4) Par.?

patnī ca // (5) Par.?

evaṃ madhye // (6) Par.?

prāpya cāhavanīyāyatanam // (7) Par.?

pariṣicyamāne 'pa upaspṛśya vārṣāharam // (8) Par.?

iṣṭāhotrīyaṃ pariṣikte // (9) Par.?

tasya sarve nidhanamupeyuḥ // (10) Par.?

dvīpaṃ ced gharmapātrāṇi hareyuḥ saṃtatāny eva gāyennākāṅkṣetpariṣecanam // (11) Par.?

śyaitaṃ pratyāvrajan // (12) Par.?

tṛce vaikasyāṃ vā yajamāno nidhanamanūpeyāt // (13) Par.?

pūrvayā dvārā prapadyottareṇāgnīngatvā paścādgārhapatyasya tiṣṭhan mahāvīrāyatanaṃ prekṣamāṇo vāmadevyaṃ gāyediti dhānañjayyaḥ // (14) Par.?

śyaitāntānīti śāṇḍilyaḥ // (15) Par.?

gaṇaḥ sāmānyuttarāṇi // (16) Par.?

ābhirūpyāt kartavyānītyeke // (17) Par.?

na vā kuryāt // (18) Par.?

sve vā yajñe kuryādityeke // (19) Par.?

yathākāmī vā // (20) Par.?

dīkṣaṇīyāyāṃ tārkṣyasāmanī gāyet tyam ū ṣv ity ete // (21) Par.?

prāyaṇīyāyāṃ pravadbhārgavaṃ // (22) Par.?

udayanīyāyām udvat // (23) Par.?

ātithyāyāṃ gāyatrīsāmauśanam // (24) Par.?

añjanti gharmaṃ tatra śārṅgam // (25) Par.?

rajatajātarūpe upadadhati tacchukracandre // (26) Par.?

abhīndhate tad gharmasya tanvau // (27) Par.?

rucitaṃ prāhus tad gharmasya vā rocanamindrasya veti // (28) Par.?

dhenumupasṛjanti taddhenu // (29) Par.?

tasya devatāsu sopāyaṃ stobham āhared anupāyaṃ pādāyābhyasyed uttamaṃ pādaṃ pañcanidhanavaditi gautamaḥ // (30) Par.?

samasyetpadadevate iti śāṇḍilyaḥ // (31) Par.?

nottamaṃ pādaṃ punarabhyasyediti vārṣagaṇyaḥ // (32) Par.?

śeṣaṃ yathā marutāṃ bhūtau tathā samāpayet // (33) Par.?

paya āharanti tatpayaḥ // (34) Par.?

āsiñcanti tat sindhuṣāmā tvā viśantvindava iti // (35) Par.?

śaphābhyāṃ parigṛhṇanti tadvasiṣṭhasya śaphāviti // (36) Par.?

hriyamāṇe vratapakṣau // (37) Par.?

hute 'śvinorvrate ahorātrayorvā // (38) Par.?

rauhiṇābhyāṃ puroḍāśābhyāṃ caranti tad rājanarauhiṇake // (39) Par.?

parigharmyaṃ samrāḍāsandyāṃ samāropayanti tad ārūḍhavad āṅgirasam ita eta iti svarṇidhanaṃ // (40) Par.?

agniṃ praṇayanti tatrāgnervratam // (41) Par.?

agnīṣomau tatrobhayorvrate // (42) Par.?

sutyāyāṃ yajñasārathi prāk prātaranuvākopākaraṇādāgnīdhrīye 'har ahaḥ // (43) Par.?

satre satrasyarddhi // (44) Par.?

ukṣā ced anubandhya aukṣṇorandhre // (45) Par.?

ṛṣabha ārṣabham // (46) Par.?

unnate traikakubham // (47) Par.?

vaśāyāṃ vāśam // (48) Par.?

aja ājigaṃ // (49) Par.?

meṣa aurṇāyavam // (50) Par.?

payasyāyāṃ svāraṃ payonidhanam // (51) Par.?

udavasānīyāyāmudvaṃśīyam // (52) Par.?

upakramya samāpayed ā krator apavargāt // (53) Par.?