Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 590

Click on a sentence to show its analysis
Keep the mouse pointer over a lemma to show its meanings.

janmādyasya yato 'nvayāditarataś cārtheṣv abhijñaḥ svarāṭ / (1.1) Par.?

tene brahma hṛdā ya ādikavaye muhyanti yat sūrayaḥ / (1.2) Par.?

tejovārimṛdāṃ yathā vinimayo yatra trisargo 'mṛṣā / (1.3) Par.?

dhāmnā svena sadā nirastakuhakaṃ satyaṃ paraṃ dhīmahi // (1.4) Par.?

dharmaḥ projjhitakaitavo 'tra paramo nirmatsarāṇāṃ satām / (2.1) Par.?

vedyaṃ vāstavam atra vastu śivadaṃ tāpatrayonmūlanam / (2.2) Par.?

śrīmadbhāgavate mahāmunikṛte kiṃ vā parair īśvaraḥ / (2.3) Par.?

sadyo hṛdy avarudhyate 'tra kṛtibhiḥ śuśrūṣubhis tatkṣaṇāt // (2.4) Par.?

nigamakalpatarorgalitaṃ phalam / (3.1) Par.?

śukamukhād amṛtadravasaṃyutam / (3.2) Par.?

pibata bhāgavataṃ rasam ālayam / (3.3) Par.?

muhuraho rasikā bhuvi bhāvukāḥ // (3.4) Par.?

naimiṣe 'nimiṣakṣetre īśayaḥ śaunakādayaḥ / (4.1) Par.?

sattraṃ svargāya lokāya sahasrasamam āsata // (4.2) Par.?

ta ekadā tu munayaḥ prātarhutahutāgnayaḥ / (5.1) Par.?

satkṛtaṃ sūtam āsīnaṃ papracchur idam ādarāt // (5.2) Par.?

ṛṣaya ūcuḥ / (6.1) Par.?

tvayā khalu purāṇāni setihāsāni cānagha / (6.2) Par.?

ākhyātāny apy adhītāni dharmaśāstrāṇi yāny uta // (6.3) Par.?

yāni vedavidāṃ śreṣṭho bhagavān bādarāyaṇaḥ / (7.1) Par.?

anye ca munayaḥ sūta parāvaravido viduḥ // (7.2) Par.?

vettha tvaṃ saumya tat sarvaṃ tattvatas tadanugrahāt / (8.1) Par.?

brūyuḥ snigdhasya śiṣyasya guravo guhyam apyuta // (8.2) Par.?

tatra tatrāñjasāyuṣman bhavatā yadviniścitam / (9.1) Par.?

puṃsām ekāntataḥ śreyastan naḥ śaṃsitum arhasi // (9.2) Par.?

prāyeṇālpāyuṣaḥ sabhya kalāv asmin yuge janāḥ / (10.1) Par.?

mandāḥ sumandamatayo mandabhāgyā hy upadrutāḥ // (10.2) Par.?

bhūrīṇi bhūrikarmāṇi śrotavyāni vibhāgaśaḥ / (11.1) Par.?

ataḥ sādho 'tra yat sāraṃ samuddhṛtya manīṣayā / (11.2) Par.?

brūhi bhadrāya bhūtānāṃ yenātmā suprasīdati // (11.3) Par.?

sūta jānāsi bhadraṃ te bhagavān sātvatāṃ patiḥ / (12.1) Par.?

devakyāṃ vasudevasya jāto yasya cikīrṣayā // (12.2) Par.?

tan naḥ śuśrūṣamāṇānām arhasy aṅgānuvarṇitum / (13.1) Par.?

yasyāvatāro bhūtānāṃ kṣemāya ca bhavāya ca // (13.2) Par.?

āpannaḥ saṃsṛtiṃ ghorāṃ yan nāma vivaśo gṛṇan / (14.1) Par.?

tataḥ sadyo vimucyeta yadbibheti svayaṃ bhayam // (14.2) Par.?

yatpādasaṃśrayāḥ sūta munayaḥ praśamāyanāḥ / (15.1) Par.?

sadyaḥ punanty upaspṛṣṭāḥ svardhunyāpo 'nusevayā // (15.2) Par.?

ko vā bhagavatastasya puṇyaślokeḍyakarmaṇaḥ / (16.1) Par.?

śuddhikāmo na śṛṇuyādyaśaḥ kalimalāpaham // (16.2) Par.?

tasya karmāṇyudārāṇi parigītāni sūribhiḥ / (17.1) Par.?

brūhi naḥ śraddadhānānāṃ līlayā dadhataḥ kalāḥ // (17.2) Par.?

athākhyāhi harerdhīmann avatārakathāḥ śubhāḥ / (18.1) Par.?

īlā vidadhataḥ svairam īśvarasyātmamāyayā // (18.2) Par.?

vayaṃ tu na vitṛpyāma uttamaślokavikrame / (19.1) Par.?

yacchṛṇvatāṃ rasajñānāṃ svādu svādu pade pade // (19.2) Par.?

kṛtavān kila karmāṇi saha rāmeṇa keśavaḥ / (20.1) Par.?

atimartyāni bhagavān gūḍhaḥ kapaṭamānuṣaḥ // (20.2) Par.?

kalim āgatam ājñāya kṣetre 'smin vaiṣṇave vayam / (21.1) Par.?

āsīnā dīrghasattreṇa kathāyāṃ sakṣaṇā hareḥ // (21.2) Par.?

tvaṃ naḥ saṃdarśito dhātrā dustaraṃ nistitīrṣatām / (22.1) Par.?

kaliṃ sattvaharaṃ puṃsāṃ karṇadhāra ivārṇavam // (22.2) Par.?

brūhi yogeśvare kṛṣṇe brahmaṇye dharmavarmaṇi / (23.1) Par.?

svāṃ kāṣṭhām adhunopete dharmaḥ kaṃ śaraṇaṃ gataḥ // (23.2) Par.?

Duration=0.24657702445984 secs.