Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): fire sacrifice, offering ājya, homa, āhuti
Show parallels Show headlines
Use dependency labeler
Chapter id: 13481
- Click on a sentence to show its analysis
- Keep the mouse pointer over a lemma to show its meanings.
pūrvam ājyam aparaḥ sthālīpākaḥ // (1) Par.?
paryukṣya sthālīpāka ājyam ānīya mekṣaṇenopaghātaṃ hotum evopakramate // (2) Par.?
yady u vā upastīrṇābhighāritaṃ juhuṣed ājyabhāgāv eva prathamau juhuyāt // (3) Par.?
caturgṛhītam ājyaṃ gṛhītvā pañcāvattaṃ tu bhṛgūṇām agnaye svāhety uttarataḥ somāya svāheti dakṣiṇataḥ prākśo juhuyāt // (4) Par.?
atha haviṣa upastīryāvadyati // (5) Par.?
madhyāt pūrvārdhāc caturavattī ced bhavati madhyāt pūrvārdhāt paścārdhād iti pañcāvattī ced bhavati // (6) Par.?
abhighārayaty avadānāni // (7) Par.?
pratyanakty avadānasthānāny ayātayāmatāyai // (8) Par.?
agnaye svāheti madhye juhuyāt // (9) Par.?
sakṛd vā trir vaitenaiva kalpena // (10) Par.?
atha sviṣṭakṛta upastīryāvadyaty uttarārdhapūrvārdhāt sakṛd eva bhūyiṣṭhaṃ dvir abhighārayet // (11) Par.?
yady u pañcāvattī syād dvir upastīryāvadāya dvir abhighārayet // (12) Par.?
na pratyanakty avadānasthānaṃ yātayāmatāyai // (13) Par.?
agnaye sviṣṭakṛte svāhety uttarārdhapūrvārdhe juhuyāt // (14) Par.?
mahāvyāhṛtibhir ājyenābhijuhuyāt // (15) Par.?
prāk sviṣṭakṛta āvāpaḥ // (16) Par.?
gaṇeṣv ekaṃ parisamūhanam idhmo barhiḥ paryukṣaṇam ājyam ājyabhāgau ca // (17) Par.?
sarvebhyaḥ samavadāya sakṛd eva sauviṣṭakṛtaṃ juhoti // (18) Par.?
hutvaitan mekṣaṇam anupraharet // (19) Par.?
prakṣālya vainenoddhṛtya bhuñjīta // (20) Par.?
na sruvam anuprahared ity eka āhuḥ // (21) Par.?
āgneya evānāhitāgner ubhayor darśapūrṇamāsayoḥ sthālīpākaḥ syāt // (22) Par.?
āgneyo vāgnīṣomīyo vāhitāgneḥ paurṇamāsyām // (23) Par.?
aindro vaindrāgno vā māhendro vāmāvāsyāyām // (24) Par.?
api vāhitāgner apy ubhayor darśapūrṇamāsayor āgneya eva syāt // (25) Par.?
samidham ādhāyānuparyukṣya yajñavāstu karoti // (26) Par.?
tata eva barhiṣaḥ kuśamuṣṭim ādāyājye vā haviṣi vā trir avadadhyād agrāṇi madhyāni mūlānīty aktaṃ rihāṇā vyantu vaya iti // (27) Par.?
athainam adbhir abhyukṣyāgnāv apyarjayed yaḥ paśūnām adhipatī rudras tanticaro vṛṣā paśūn asmākaṃ mā hiṃsīr etad astu hutaṃ tava svāheti // (28) Par.?
etad yajñavāstv ity ācakṣate // (29) Par.?
Duration=0.073929071426392 secs.