UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1080
- Click on a sentence to show its analysis
- Keep the mouse pointer over a lemma to show its meanings.
punaḥ prāpte vasante tu pūrṇaḥ saṃvatsaro 'bhavat / (1.1)
Par.?
abhivādya vasiṣṭhaṃ ca nyāyataḥ pratipūjya ca // (1.2)
Par.?
abravīt praśritaṃ vākyaṃ prasavārthaṃ dvijottamam / (2.1)
Par.?
yajño me kriyatāṃ vipra yathoktaṃ munipuṃgava // (2.2)
Par.?
yathā na vighnaḥ kriyate yajñāṅgeṣu vidhīyatām / (3.1)
Par.?
bhavān snigdhaḥ suhṛn mahyaṃ guruś ca paramo bhavān // (3.2)
Par.?
voḍhavyo bhavatā caiva bhāro yajñasya codyataḥ / (4.1)
Par.?
tatheti ca sa rājānam abravīd dvijasattamaḥ // (4.2)
Par.?
kariṣye sarvam evaitad bhavatā yat samarthitam / (5.1)
Par.?
tato 'bravīd dvijān vṛddhān yajñakarmasu niṣṭhitān // (5.2)
Par.?
sthāpatye niṣṭhitāṃś caiva vṛddhān paramadhārmikān / (6.1)
Par.?
karmāntikāñ śilpakārān vardhakīn khanakān api // (6.2)
Par.?
gaṇakāñ śilpinaś caiva tathaiva naṭanartakān / (7.1)
Par.?
tathā śucīñ śāstravidaḥ puruṣān subahuśrutān // (7.2)
Par.?
yajñakarma samīhantāṃ bhavanto rājaśāsanāt / (8.1)
Par.?
iṣṭakā bahusāhasrī śīghram ānīyatām iti // (8.2)
Par.?
aupakāryāḥ kriyantāṃ ca rājñāṃ bahuguṇānvitāḥ / (9.1)
Par.?
brāhmaṇāvasathāś caiva kartavyāḥ śataśaḥ śubhāḥ // (9.2)
Par.?
bhakṣyānnapānair bahubhiḥ samupetāḥ suniṣṭhitāḥ / (10.1)
Par.?
tathā paurajanasyāpi kartavyā bahuvistarāḥ // (10.2)
Par.?
āvāsā bahubhakṣyā vai sarvakāmair upasthitāḥ / (11.1)
Par.?
tathā jānapadasyāpi janasya bahuśobhanam // (11.2)
Par.?
dātavyam annaṃ vidhivat satkṛtya na tu līlayā / (12.1)
Par.?
sarvavarṇā yathā pūjāṃ prāpnuvanti susatkṛtāḥ // (12.2)
Par.?
na cāvajñā prayoktavyā kāmakrodhavaśād api / (13.1)
Par.?
yajñakarmasu ye 'vyagrāḥ puruṣāḥ śilpinas tathā // (13.2)
Par.?
teṣām api viśeṣeṇa pūjā kāryā yathākramam / (14.1) Par.?
yathā sarvaṃ suvihitaṃ na kiṃcit parihīyate // (14.2)
Par.?
tathā bhavantaḥ kurvantu prītisnigdhena cetasā / (15.1)
Par.?
tataḥ sarve samāgamya vasiṣṭham idam abruvan // (15.2)
Par.?
yathoktaṃ tat kariṣyāmo na kiṃcit parihāsyate / (16.1)
Par.?
tataḥ sumantram āhūya vasiṣṭho vākyam abravīt // (16.2)
Par.?
nimantrayasva nṛpatīn pṛthivyāṃ ye ca dhārmikāḥ / (17.1)
Par.?
brāhmaṇān kṣatriyān vaiśyāñ śūdrāṃś caiva sahasraśaḥ // (17.2)
Par.?
samānayasva satkṛtya sarvadeśeṣu mānavān / (18.1)
Par.?
mithilādhipatiṃ śūraṃ janakaṃ satyavikramam // (18.2)
Par.?
niṣṭhitaṃ sarvaśāstreṣu tathā vedeṣu niṣṭhitam / (19.1)
Par.?
tam ānaya mahābhāgaṃ svayam eva susatkṛtam / (19.2)
Par.?
pūrvasambandhinaṃ jñātvā tataḥ pūrvaṃ bravīmi te // (19.3)
Par.?
tathā kāśipatiṃ snigdhaṃ satataṃ priyavādinam / (20.1)
Par.?
sadvṛttaṃ devasaṃkāśaṃ svayam evānayasva ha // (20.2)
Par.?
tathā kekayarājānaṃ vṛddhaṃ paramadhārmikam / (21.1)
Par.?
śvaśuraṃ rājasiṃhasya saputraṃ tam ihānaya // (21.2)
Par.?
aṅgeśvaraṃ mahābhāgaṃ romapādaṃ susatkṛtam / (22.1)
Par.?
vayasyaṃ rājasiṃhasya tam ānaya yaśasvinam // (22.2)
Par.?
prācīnān sindhusauvīrān saurāṣṭreyāṃś ca pārthivān / (23.1)
Par.?
dākṣiṇātyān narendrāṃś ca samastān ānayasva ha // (23.2)
Par.?
santi snigdhāś ca ye cānye rājānaḥ pṛthivītale / (24.1)
Par.?
tān ānaya yathākṣipraṃ sānugān sahabāndhavān // (24.2)
Par.?
vasiṣṭhavākyaṃ tac chrutvā sumantras tvaritas tadā / (25.1)
Par.?
vyādiśat puruṣāṃs tatra rājñām ānayane śubhān // (25.2)
Par.?
svayam eva hi dharmātmā prayayau muniśāsanāt / (26.1)
Par.?
sumantras tvarito bhūtvā samānetuṃ mahīkṣitaḥ // (26.2)
Par.?
te ca karmāntikāḥ sarve vasiṣṭhāya ca dhīmate / (27.1)
Par.?
sarvaṃ nivedayanti sma yajñe yad upakalpitam // (27.2)
Par.?
tataḥ prīto dvijaśreṣṭhas tān sarvān punar abravīt / (28.1)
Par.?
avajñayā na dātavyaṃ kasyacil līlayāpi vā / (28.2)
Par.?
avajñayā kṛtaṃ hanyād dātāraṃ nātra saṃśayaḥ // (28.3)
Par.?
tataḥ kaiścid ahorātrair upayātā mahīkṣitaḥ / (29.1)
Par.?
bahūni ratnāny ādāya rājño daśarathasya ha // (29.2)
Par.?
tato vasiṣṭhaḥ suprīto rājānam idam abravīt / (30.1)
Par.?
upayātā naravyāghra rājānas tava śāsanāt // (30.2)
Par.?
mayāpi satkṛtāḥ sarve yathārhaṃ rājasattamāḥ / (31.1)
Par.?
yajñiyaṃ ca kṛtaṃ rājan puruṣaiḥ susamāhitaiḥ // (31.2)
Par.?
niryātu ca bhavān yaṣṭuṃ yajñāyatanam antikāt / (32.1)
Par.?
sarvakāmair upahṛtair upetaṃ vai samantataḥ // (32.2)
Par.?
tathā vasiṣṭhavacanād ṛṣyaśṛṅgasya cobhayoḥ / (33.1)
Par.?
śubhe divasanakṣatre niryāto jagatīpatiḥ // (33.2)
Par.?
tato vasiṣṭhapramukhāḥ sarva eva dvijottamāḥ / (34.1)
Par.?
ṛṣyaśṛṅgaṃ puraskṛtya yajñakarmārabhaṃs tadā // (34.2)
Par.?
Duration=0.10572099685669 secs.