Texts

atha rātryāṃ vyatītāyām avasuptam anantaram / (1.1) Par.?

prabodhayāmāsa śanair lakṣmaṇaṃ raghunandanaḥ // (1.2) Par.?

saumitre śṛṇu vanyānāṃ valgu vyāharatāṃ svanam / (2.1) Par.?

sampratiṣṭhāmahe kālaḥ prasthānasya paraṃtapa // (2.2) Par.?

sa suptaḥ samaye bhrātrā lakṣmaṇaḥ pratibodhitaḥ / (3.1) Par.?

jahau nidrāṃ ca tandrīṃ ca prasaktaṃ ca pathi śramam // (3.2) Par.?

tata utthāya te sarve spṛṣṭvā nadyāḥ śivaṃ jalam / (4.1) Par.?

panthānam ṛṣiṇoddiṣṭaṃ citrakūṭasya taṃ yayuḥ // (4.2) Par.?

tataḥ samprasthitaḥ kāle rāmaḥ saumitriṇā saha / (5.1) Par.?

sītāṃ kamalapattrākṣīm idaṃ vacanam abravīt // (5.2) Par.?

ādīptān iva vaidehi sarvataḥ puṣpitān nagān / (6.1) Par.?

svaiḥ puṣpaiḥ kiṃśukān paśya mālinaḥ śiśirātyaye // (6.2) Par.?

paśya bhallātakān phullān narair anupasevitān / (7.1) Par.?

phalapattrair avanatān nūnaṃ śakṣyāmi jīvitum // (7.2) Par.?

paśya droṇapramāṇāni lambamānāni lakṣmaṇa / (8.1) Par.?

madhūni madhukārībhiḥ saṃbhṛtāni nage nage // (8.2) Par.?

eṣa krośati natyūhas taṃ śikhī pratikūjati / (9.1) Par.?

ramaṇīye vanoddeśe puṣpasaṃstarasaṃkaṭe // (9.2) Par.?

mātaṃgayūthānusṛtaṃ pakṣisaṃghānunāditam / (10.1) Par.?

citrakūṭam imaṃ paśya pravṛddhaśikharaṃ girim // (10.2) Par.?

tatas tau pādacāreṇa gacchantau saha sītayā / (11.1) Par.?

ramyam āsedatuḥ śailaṃ citrakūṭaṃ manoramam // (11.2) Par.?

taṃ tu parvatam āsādya nānāpakṣigaṇāyutam / (12.1) Par.?

ayaṃ vāso bhavet tāvad atra saumya ramemahi // (12.2) Par.?

lakṣmaṇānaya dārūṇi dṛḍhāni ca varāṇi ca / (13.1) Par.?

kuruṣvāvasathaṃ saumya vāse me 'bhirataṃ manaḥ // (13.2) Par.?

tasya tadvacanaṃ śrutvā saumitrir vividhān drumān / (14.1) Par.?

ājahāra tataś cakre parṇaśālām ariṃdamaḥ // (14.2) Par.?

śuśrūṣamāṇam ekāgram idaṃ vacanam abravīt / (15.1) Par.?

aiṇeyaṃ māṃsam āhṛtya śālāṃ yakṣyāmahe vayam // (15.2) Par.?

sa lakṣmaṇaḥ kṛṣṇamṛgaṃ hatvā medhyaṃ pratāpavān / (16.1) Par.?

atha cikṣepa saumitriḥ samiddhe jātavedasi // (16.2) Par.?

taṃ tu pakvaṃ samājñāya niṣṭaptaṃ chinnaśoṇitam / (17.1) Par.?

lakṣmaṇaḥ puruṣavyāghram atha rāghavam abravīt // (17.2) Par.?

ayaṃ kṛṣṇaḥ samāptāṅgaḥ śṛtaḥ kṛṣṇamṛgo yathā / (18.1) Par.?

devatā devasaṃkāśa yajasva kuśalo hy asi // (18.2) Par.?

rāmaḥ snātvā tu niyato guṇavāñ japyakovidaḥ / (19.1) Par.?

pāpasaṃśamanaṃ rāmaś cakāra balim uttamam // (19.2) Par.?

tāṃ vṛkṣaparṇacchadanāṃ manojñāṃ yathāpradeśaṃ sukṛtāṃ nivātām / (20.1) Par.?

vāsāya sarve viviśuḥ sametāḥ sabhāṃ yathā devagaṇāḥ sudharmām // (20.2) Par.?

anekanānāmṛgapakṣisaṃkule vicitrapuṣpastabakair drumair yute / (21.1) Par.?

vanottame vyālamṛgānunādite tathā vijahruḥ susukhaṃ jitendriyāḥ // (21.2) Par.?

suramyam āsādya tu citrakūṭaṃ nadīṃ ca tāṃ mālyavatīṃ sutīrthām / (22.1) Par.?

nananda hṛṣṭo mṛgapakṣijuṣṭāṃ jahau ca duḥkhaṃ puravipravāsāt // (22.2) Par.?