UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3705
- Click on a sentence to show its analysis
- Keep the mouse pointer over a lemma to show its meanings.
athātaśchedyarogapratiṣedhaṃ vyākhyāsyāmaḥ // (1)
Par.?
yathovāca bhagavān dhanvantariḥ // (2)
Par.?
snigdhaṃ bhuktavato hyannam upaviṣṭasya yatnataḥ / (3.1)
Par.?
saṃroṣayettu nayanaṃ bhiṣak cūrṇaistu lāvaṇaiḥ // (3.2)
Par.?
tataḥ saṃroṣitaṃ tūrṇaṃ susvinnaṃ parighaṭṭitam / (4.1)
Par.?
arma yatra valījātaṃ tatraitallagayedbhiṣak // (4.2) Par.?
apāṅgaṃ prekṣamāṇasya baḍiśena samāhitaḥ / (5.1)
Par.?
mucuṇḍyādāya medhāvī sūcīsūtreṇa vā punaḥ // (5.2)
Par.?
na cotthāpayatā kṣipraṃ kāryamabhyunnataṃ tu tat / (6.1)
Par.?
śastrābādhabhayāccāsya vartmanī grāhayeddṛḍham // (6.2)
Par.?
tataḥ praśithilībhūtaṃ tribhireva vilambitam / (7.1)
Par.?
ullikhanmaṇḍalāgreṇa tīkṣṇena pariśodhayet // (7.2)
Par.?
vimuktaṃ sarvataścāpi kṛṣṇācchuklācca maṇḍalāt / (8.1)
Par.?
nītvā kanīnakopāntaṃ chindyānnātikanīnakam // (8.2)
Par.?
caturbhāgasthite māṃse nākṣi vyāpattimṛcchati / (9.1)
Par.?
kanīnakavadhādasraṃ nāḍī vāpyupajāyate // (9.2)
Par.?
hīnacchedāt punarvṛddhiṃ śīghramevādhigacchati / (10.1)
Par.?
arma yajjālavadvyāpi tadapyunmārjya lambitam // (10.2)
Par.?
chindyādvakreṇa śastreṇa vartmaśuklāntam āśritam / (11.1)
Par.?
pratisāraṇam akṣṇos tu tataḥ kāryamanantaram // (11.2)
Par.?
yāvanālasya cūrṇena trikaṭor lavaṇasya ca / (12.1)
Par.?
svedayitvā tataḥ paścādbadhnīyāt kuśalo bhiṣak // (12.2)
Par.?
doṣartubalakālajñaḥ snehaṃ dattvā yathāhitam / (13.1)
Par.?
vraṇavat saṃvidhānaṃ tu tasya kuryādataḥ param // (13.2)
Par.?
tryahānmuktvā karasvedaṃ dattvā śodhanamācaret / (14.1)
Par.?
karañjabījāmalakamadhukaiḥ sādhitaṃ payaḥ // (14.2)
Par.?
hitamāścyotanaṃ śūle dvirahnaḥ kṣaudrasaṃyutam / (15.1)
Par.?
madhukotpalakiñjalkadūrvākalkaiśca mūrdhani // (15.2)
Par.?
pralepaḥ saghṛtaḥ śītaḥ kṣīrapiṣṭaḥ praśasyate / (16.1)
Par.?
lekhyāñjanairapaharedarmaśeṣaṃ bhavedyadi // (16.2)
Par.?
arma cālpaṃ dadhinibhaṃ nīlaṃ raktamathāpi vā / (17.1)
Par.?
dhūsaraṃ tanu yaccāpi śukravattadupācaret // (17.2)
Par.?
carmābhaṃ bahulaṃ yattu snāyumāṃsaghanāvṛtam / (18.1)
Par.?
chedyam eva tadarma syāt kṛṣṇamaṇḍalagaṃ ca yat // (18.2)
Par.?
viśuddhavarṇamakliṣṭaṃ kriyāsvakṣi gataklamam / (19.1)
Par.?
chinne 'rmaṇi bhavet samyag yathāsvam anupadravam // (19.2)
Par.?
sirājāle sirā yāstu kaṭhināstāśca buddhimān / (20.1)
Par.?
ullikhenmaṇḍalāgreṇa baḍiśenāvalambitāḥ // (20.2)
Par.?
sirāsu piḍakā jātā yā na sidhyanti bheṣajaiḥ / (21.1)
Par.?
armavanmaṇḍalāgreṇa tāsāṃ chedanamiṣyate // (21.2)
Par.?
rogayoścaitayoḥ kāryamarmoktaṃ pratisāraṇam / (22.1)
Par.?
vidhiścāpi yathādoṣaṃ lekhanadravyasaṃbhṛtaḥ // (22.2)
Par.?
sandhau saṃsvedya śastreṇa parvaṇīkāṃ vicakṣaṇaḥ / (23.1)
Par.?
uttare ca tribhāge ca baḍiśenāvalambitām // (23.2)
Par.?
chindyāttato 'rdhamagre syādaśrunāḍī hyato 'nyathā / (24.1)
Par.?
pratisāraṇamatrāpi saindhavakṣaudramiṣyate // (24.2)
Par.?
lekhanīyāni cūrṇāni vyādhiśeṣasya bheṣajam / (25.1)
Par.?
śaṅkhaṃ samudraphenaṃ ca maṇḍūkīṃ ca samudrajām // (25.2)
Par.?
sphaṭikaṃ kuruvindaṃ ca pravālāśmantakaṃ tathā / (26.1)
Par.?
vaidūryaṃ pulakaṃ muktām ayas tāmrarajāṃsi ca // (26.2)
Par.?
samabhāgāni sampiṣya sārdhaṃ srotoñjanena tu / (27.1)
Par.?
cūrṇāñjanaṃ kārayitvā bhājane meṣaśṛṅgaje // (27.2)
Par.?
saṃsthāpyobhayataḥ kālamañjayet satataṃ budhaḥ / (28.1)
Par.?
armāṇi piḍakāṃ hanyāt sirājālāni tena vai // (28.2)
Par.?
arśastathā yacca nāmnā śuṣkārśo 'rbudam eva ca / (29.1)
Par.?
abhyantaraṃ vartmaśayā vidhānaṃ teṣu vakṣyate // (29.2)
Par.?
vartmopasvedya nirbhujya sūcyotkṣipya prayatnataḥ / (30.1)
Par.?
maṇḍalāgreṇa tīkṣṇena mūle bhindyādbhiṣagvaraḥ // (30.2)
Par.?
tataḥ saindhavakāsīsakṛṣṇābhiḥ pratisārayet / (31.1)
Par.?
sthite ca rudhire vartma dahet samyak śalākayā // (31.2)
Par.?
kṣāreṇāvalikheccāpi vyādhiśeṣo bhavedyadi / (32.1)
Par.?
tīkṣṇairubhayatobhāgaistato doṣamadhikṣipet // (32.2)
Par.?
vitarecca yathādoṣamabhiṣyandakriyāvidhim / (33.1)
Par.?
śastrakarmaṇyuparate māsaṃ ca syāt suyantritaḥ // (33.2)
Par.?
Duration=0.12095904350281 secs.