UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3209
- Click on a sentence to show its analysis
- Keep the mouse pointer over a lemma to show its meanings.
tatastad dāruṇaṃ karma duṣkaraṃ sāhasāt kṛtam / (1.1)
Par.?
ācacakṣe muneḥ sarvaṃ sūryānugamanaṃ tathā // (1.2)
Par.?
bhagavan vraṇayuktatvāllajjayā cākulendriyaḥ / (2.1)
Par.?
pariśrānto na śaknomi vacanaṃ paribhāṣitum // (2.2)
Par.?
ahaṃ caiva jaṭāyuśca saṃgharṣād darpamohitau / (3.1) Par.?
ākāśaṃ patitau vīrau jighāsantau parākramam // (3.2)
Par.?
kailāsaśikhare baddhvā munīnām agrataḥ paṇam / (4.1)
Par.?
raviḥ syād anuyātavyo yāvad astaṃ mahāgirim // (4.2)
Par.?
athāvāṃ yugapat prāptāvapaśyāva mahītale / (5.1)
Par.?
rathacakrapramāṇāni nagarāṇi pṛthak pṛthak // (5.2)
Par.?
kvacid vāditraghoṣāṃśca brahmaghoṣāṃśca śuśruva / (6.1)
Par.?
gāyantīścāṅganā bahvīḥ paśyāvo raktavāsasaḥ // (6.2)
Par.?
tūrṇam utpatya cākāśam ādityapatham āsthitau / (7.1)
Par.?
āvām ālokayāvastad vanaṃ śādvalasaṃsthitam // (7.2)
Par.?
upalair iva saṃchannā dṛśyate bhūḥ śiloccayaiḥ / (8.1)
Par.?
āpagābhiśca saṃvītā sūtrair iva vasuṃdharā // (8.2)
Par.?
himavāṃścaiva vindhyaśca meruśca sumahān nagaḥ / (9.1)
Par.?
bhūtale saṃprakāśante nāgā iva jalāśaye // (9.2)
Par.?
tīvrasvedaśca khedaśca bhayaṃ cāsīt tadāvayoḥ / (10.1)
Par.?
samāviśata mohaśca mohānmūrchā ca dāruṇā // (10.2)
Par.?
na dig vijñāyate yāmyā nāgneyā na ca vāruṇī / (11.1)
Par.?
yugānte niyato loko hato dagdha ivāgninā // (11.2)
Par.?
yatnena mahatā bhūyo raviḥ samavalokitaḥ / (12.1)
Par.?
tulyaḥ pṛthvīpramāṇena bhāskaraḥ pratibhāti nau // (12.2)
Par.?
jaṭāyur mām anāpṛcchya nipapāta mahīṃ tataḥ / (13.1)
Par.?
taṃ dṛṣṭvā tūrṇam ākāśād ātmānaṃ muktavān aham // (13.2)
Par.?
pakṣibhyāṃ ca mayā gupto jaṭāyur na pradahyata / (14.1)
Par.?
pramādāt tatra nirdagdhaḥ patan vāyupathād aham // (14.2)
Par.?
āśaṅke taṃ nipatitaṃ janasthāne jaṭāyuṣam / (15.1)
Par.?
ahaṃ tu patito vindhye dagdhapakṣo jaḍīkṛtaḥ // (15.2)
Par.?
rājyena hīno bhrātrā ca pakṣābhyāṃ vikrameṇa ca / (16.1)
Par.?
sarvathā martum evecchan patiṣye śikharād gireḥ // (16.2)
Par.?
Duration=0.099750995635986 secs.