Texts

Help

Select a text:
Bibliography

Select a chapter:
(no revisions)

Associated topic(s): Sunda and Upasunda

Show parallels Show headlines
Use dependency labeler

Chapter id: 3266

Click on a sentence to show its analysis
Keep the mouse pointer over a lemma to show its meanings.

nārada uvāca / (1.1) Par.?

utsave vṛttamātre tu trailokyākāṅkṣiṇāvubhau / (1.2) Par.?

mantrayitvā tataḥ senāṃ tāvājñāpayatāṃ tadā // (1.3) Par.?

suhṛdbhir abhyanujñātau daityavṛddhaiśca mantribhiḥ / (2.1) Par.?

kṛtvā prāsthānikaṃ rātrau maghāsu yayatustadā // (2.2) Par.?

gadāpaṭṭiśadhāriṇyā śūlamudgarahastayā / (3.1) Par.?

prasthitau sahadharmiṇyā mahatyā daityasenayā // (3.2) Par.?

maṅgalaiḥ stutibhiścāpi vijayapratisaṃhitaiḥ / (4.1) Par.?

cāraṇaiḥ stūyamānau tu jagmatuḥ parayā mudā // (4.2) Par.?

tāvantarikṣam utpatya daityau kāmagamāvubhau / (5.1) Par.?

devānām eva bhavanaṃ jagmatur yuddhadurmadau // (5.2) Par.?

tayor āgamanaṃ jñātvā varadānaṃ ca tat prabhoḥ / (6.1) Par.?

hitvā triviṣṭapaṃ jagmur brahmalokaṃ tataḥ surāḥ // (6.2) Par.?

tāvindralokaṃ nirjitya yakṣarakṣogaṇāṃstathā / (7.1) Par.?

khecarāṇyapi bhūtāni jigyatustīvravikramau // (7.2) Par.?

antarbhūmigatān nāgāñ jitvā tau ca mahāsurau / (8.1) Par.?

samudravāsinaḥ sarvān mlecchajātīn vijigyatuḥ // (8.2) Par.?

tataḥ sarvāṃ mahīṃ jetum ārabdhāvugraśāsanau / (9.1) Par.?

sainikāṃśca samāhūya sutīkṣṇāṃ vācam ūcatuḥ // (9.2) Par.?

rājarṣayo mahāyajñair havyakavyair dvijātayaḥ / (10.1) Par.?

tejo balaṃ ca devānāṃ vardhayanti śriyaṃ tathā // (10.2) Par.?

teṣām evaṃ pravṛddhānāṃ sarveṣām asuradviṣām / (11.1) Par.?

sambhūya sarvair asmābhiḥ kāryaḥ sarvātmanā vadhaḥ // (11.2) Par.?

evaṃ sarvān samādiśya pūrvatīre mahodadheḥ / (12.1) Par.?

krūrāṃ matiṃ samāsthāya jagmatuḥ sarvatomukham // (12.2) Par.?

yajñair yajante ye kecid yājayanti ca ye dvijāḥ / (13.1) Par.?

tān sarvān prasabhaṃ dṛṣṭvā balinau jaghnatustadā // (13.2) Par.?

āśrameṣvagnihotrāṇi ṛṣīṇāṃ bhāvitātmanām / (14.1) Par.?

gṛhītvā prakṣipanty apsu viśrabdhāḥ sainikāstayoḥ // (14.2) Par.?

tapodhanaiśca ye śāpāḥ kruddhair uktā mahātmabhiḥ / (15.1) Par.?

nākrāmanti tayoste 'pi varadānena jṛmbhatoḥ // (15.2) Par.?

nākrāmanti yadā śāpā bāṇā muktāḥ śilāsviva / (16.1) Par.?

niyamāṃstadā parityajya vyadravanta dvijātayaḥ // (16.2) Par.?

pṛthivyāṃ ye tapaḥsiddhā dāntāḥ śamaparāyaṇāḥ / (17.1) Par.?

tayor bhayād dudruvuste vainateyād ivoragāḥ // (17.2) Par.?

mathitair āśramair bhagnair vikīrṇakalaśasruvaiḥ / (18.1) Par.?

śūnyam āsījjagat sarvaṃ kāleneva hataṃ yathā // (18.2) Par.?

rājarṣibhir adṛśyadbhir ṛṣibhiśca mahāsurau / (19.1) Par.?

ubhau viniścayaṃ kṛtvā vikurvāte vadhaiṣiṇau // (19.2) Par.?

prabhinnakaraṭau mattau bhūtvā kuñjararūpiṇau / (20.1) Par.?

saṃlīnān api durgeṣu ninyatur yamasādanam // (20.2) Par.?

siṃhau bhūtvā punar vyāghrau punaścāntarhitāvubhau / (21.1) Par.?

taistair upāyaistau krūrāv ṛṣīn dṛṣṭvā nijaghnatuḥ // (21.2) Par.?

nivṛttayajñasvādhyāyā praṇaṣṭanṛpatidvijā / (22.1) Par.?

utsannotsavayajñā ca babhūva vasudhā tadā // (22.2) Par.?

hāhābhūtā bhayārtā ca nivṛttavipaṇāpaṇā / (23.1) Par.?

nivṛttadevakāryā ca puṇyodvāhavivarjitā // (23.2) Par.?

nivṛttakṛṣigorakṣā vidhvastanagarāśramā / (24.1) Par.?

asthikaṅkālasaṃkīrṇā bhūr babhūvogradarśanā // (24.2) Par.?

nivṛttapitṛkāryaṃ ca nirvaṣaṭkāramaṅgalam / (25.1) Par.?

jagat pratibhayākāraṃ duṣprekṣyam abhavat tadā // (25.2) Par.?

candrādityau grahāstārā nakṣatrāṇi divaukasaḥ / (26.1) Par.?

jagmur viṣādaṃ tat karma dṛṣṭvā sundopasundayoḥ // (26.2) Par.?

evaṃ sarvā diśo daityau jitvā krūreṇa karmaṇā / (27.1) Par.?

niḥsapatnau kurukṣetre niveśam abhicakratuḥ // (27.2) Par.?

Duration=0.10593199729919 secs.