Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2537

Click on a sentence to show its analysis
Keep the mouse pointer over a lemma to show its meanings.

nala uvāca / (1.1) Par.?

yathā rājyaṃ pitus te tat tathā mama na saṃśayaḥ / (1.2) Par.?

na tu tatra gamiṣyāmi viṣamasthaḥ kathaṃcana // (1.3) Par.?

kathaṃ samṛddho gatvāhaṃ tava harṣavivardhanaḥ / (2.1) Par.?

paridyūno gamiṣyāmi tava śokavivardhanaḥ // (2.2) Par.?

bṛhadaśva uvāca / (3.1) Par.?

iti bruvan nalo rājā damayantīṃ punaḥ punaḥ / (3.2) Par.?

sāntvayāmāsa kalyāṇīṃ vāsaso 'rdhena saṃvṛtām // (3.3) Par.?

tāv ekavastrasaṃvītāvaṭamānāvitas tataḥ / (4.1) Par.?

kṣutpipāsāpariśrāntau sabhāṃ kāṃcid upeyatuḥ // (4.2) Par.?

tāṃ sabhām upasaṃprāpya tadā sa niṣadhādhipaḥ / (5.1) Par.?

vaidarbhyā sahito rājā niṣasāda mahītale // (5.2) Par.?

sa vai vivastro malino vikacaḥ pāṃsuguṇṭhitaḥ / (6.1) Par.?

damayantyā saha śrāntaḥ suṣvāpa dharaṇītale // (6.2) Par.?

damayantyapi kalyāṇī nidrayāpahṛtā tataḥ / (7.1) Par.?

sahasā duḥkham āsādya sukumārī tapasvinī // (7.2) Par.?

suptāyāṃ damayantyāṃ tu nalo rājā viśāṃ pate / (8.1) Par.?

śokonmathitacittātmā na sma śete yathā purā // (8.2) Par.?

sa tad rājyāpaharaṇaṃ suhṛttyāgaṃ ca sarvaśaḥ / (9.1) Par.?

vane ca taṃ paridhvaṃsaṃ prekṣya cintām upeyivān // (9.2) Par.?

kiṃ nu me syād idaṃ kṛtvā kiṃ nu me syād akurvataḥ / (10.1) Par.?

kiṃ nu me maraṇaṃ śreyaḥ parityāgo janasya vā // (10.2) Par.?

mām iyaṃ hyanuraktedaṃ duḥkham āpnoti matkṛte / (11.1) Par.?

madvihīnā tviyaṃ gacchet kadācit svajanaṃ prati // (11.2) Par.?

mayā niḥsaṃśayaṃ duḥkham iyaṃ prāpsyaty anuttamā / (12.1) Par.?

utsarge saṃśayaḥ syāt tu vindetāpi sukhaṃ kvacit // (12.2) Par.?

sa viniścitya bahudhā vicārya ca punaḥ punaḥ / (13.1) Par.?

utsarge 'manyata śreyo damayantyā narādhipaḥ // (13.2) Par.?

so 'vastratām ātmanaś ca tasyāścāpy ekavastratām / (14.1) Par.?

cintayitvādhyagād rājā vastrārdhasyāvakartanam // (14.2) Par.?

kathaṃ vāso vikarteyaṃ na ca budhyeta me priyā / (15.1) Par.?

cintyaivaṃ naiṣadho rājā sabhāṃ paryacarat tadā // (15.2) Par.?

paridhāvann atha nala itaś cetaś ca bhārata / (16.1) Par.?

āsasāda sabhoddeśe vikośaṃ khaḍgam uttamam // (16.2) Par.?

tenārdhaṃ vāsasaś chittvā nivasya ca paraṃtapaḥ / (17.1) Par.?

suptām utsṛjya vaidarbhīṃ prādravad gatacetanaḥ // (17.2) Par.?

tato nibaddhahṛdayaḥ punar āgamya tāṃ sabhām / (18.1) Par.?

damayantīṃ tathā dṛṣṭvā ruroda niṣadhādhipaḥ // (18.2) Par.?

yāṃ na vāyur na cādityaḥ purā paśyati me priyām / (19.1) Par.?

seyam adya sabhāmadhye śete bhūmāvanāthavat // (19.2) Par.?

iyaṃ vastrāvakartena saṃvītā cāruhāsinī / (20.1) Par.?

unmatteva varārohā kathaṃ buddhvā bhaviṣyati // (20.2) Par.?

katham ekā satī bhaimī mayā virahitā śubhā / (21.1) Par.?

cariṣyati vane ghore mṛgavyālaniṣevite // (21.2) Par.?

gatvā gatvā nalo rājā punar eti sabhāṃ muhuḥ / (22.1) Par.?

ākṛṣyamāṇaḥ kalinā sauhṛdenāpakṛṣyate // (22.2) Par.?

dvidheva hṛdayaṃ tasya duḥkhitasyābhavat tadā / (23.1) Par.?

doleva muhur āyāti yāti caiva sabhāṃ muhuḥ // (23.2) Par.?

so 'pakṛṣṭastu kalinā mohitaḥ prādravan nalaḥ / (24.1) Par.?

suptām utsṛjya tāṃ bhāryāṃ vilapya karuṇaṃ bahu // (24.2) Par.?

naṣṭātmā kalinā spṛṣṭas tat tad vigaṇayan nṛpaḥ / (25.1) Par.?

jagāmaiva vane śūnye bhāryām utsṛjya duḥkhitaḥ // (25.2) Par.?

Duration=0.086992025375366 secs.