Texts

vaiśaṃpāyana uvāca / (1.1) Par.?

mārkaṇḍeyam ṛṣayaḥ pāṇḍavāśca paryapṛcchan / (1.2) Par.?

asti kaścid bhavataścirajātatara iti // (1.3) Par.?

sa tān uvāca / (2.1) Par.?

asti khalu rājarṣir indradyumno nāma kṣīṇapuṇyastridivāt pracyutaḥ / (2.2) Par.?

kīrtiste vyucchinneti / (2.3) Par.?

sa mām upātiṣṭhat / (2.4) Par.?

atha pratyabhijānāti māṃ bhavān iti // (2.5) Par.?

tam aham abruvam / (3.1) Par.?

na vayaṃ rāsāyanikāḥ śarīropatāpenātmanaḥ samārabhāmahe 'rthānām anuṣṭhānam // (3.2) Par.?

asti khalu himavati prākārakarṇo nāmolūkaḥ / (4.1) Par.?

sa bhavantaṃ yadi jānīyāt / (4.2) Par.?

prakṛṣṭe cādhvani himavān / (4.3) Par.?

tatrāsau prativasatīti // (4.4) Par.?

sa mām aśvo bhūtvā tatrāvahad yatra babhūvolūkaḥ // (5.1) Par.?

athainaṃ sa rājarṣiḥ paryapṛcchat / (6.1) Par.?

pratyabhijānāti māṃ bhavān iti // (6.2) Par.?

sa muhūrtaṃ dhyātvābravīd enam / (7.1) Par.?

nābhijāne bhavantam iti // (7.2) Par.?

sa evam ukto rājarṣir indradyumnaḥ punastam ulūkam abravīt / (8.1) Par.?

asti kaścid bhavataścirajātatara iti // (8.2) Par.?

sa evam ukto 'bravīd enam / (9.1) Par.?

asti khalvindradyumnasaro nāma / (9.2) Par.?

tasminnāḍījaṅgho nāma bakaḥ prativasati / (9.3) Par.?

so 'smattaścirajātataraḥ / (9.4) Par.?

taṃ pṛccheti // (9.5) Par.?

tata indradyumno māṃ colūkaṃ cādāya tat saro 'gacchad yatrāsau nāḍījaṅgho nāma bako babhūva // (10.1) Par.?

so 'smābhiḥ pṛṣṭaḥ / (11.1) Par.?

bhavān indradyumnaṃ rājānaṃ pratyabhijānātīti // (11.2) Par.?

sa evam ukto 'bravīnmuhūrtaṃ dhyātvā / (12.1) Par.?

nābhijānāmyaham indradyumnaṃ rājānam iti // (12.2) Par.?

tataḥ so 'smābhiḥ pṛṣṭaḥ / (13.1) Par.?

asti kaścid anyo bhavataścirajātatara iti // (13.2) Par.?

sa no 'bravīd asti khalvihaiva sarasyakūpāro nāma kacchapaḥ prativasati / (14.1) Par.?

sa mattaścirajātatara iti / (14.2) Par.?

sa yadi kathaṃcid abhijānīyād imaṃ rājānaṃ tam akūpāraṃ pṛcchāma iti // (14.3) Par.?

tataḥ sa bakastam akūpāraṃ kacchapaṃ vijñāpayāmāsa / (15.1) Par.?

astyasmākam abhipretaṃ bhavantaṃ kaṃcid artham abhipraṣṭum / (15.2) Par.?

sādhvāgamyatāṃ tāvad iti // (15.3) Par.?

etacchrutvā sa kacchapastasmāt sarasa utthāyābhyagacchad yatra tiṣṭhāmo vayaṃ tasya sarasastīre // (16.1) Par.?

āgataṃ cainaṃ vayam apṛcchāma / (17.1) Par.?

bhavān indradyumnaṃ rājānam abhijānātīti // (17.2) Par.?

sa muhūrtaṃ dhyātvā bāṣpapūrṇanayana udvignahṛdayo vepamāno visaṃjñakalpaḥ prāñjalir abravīt / (18.1) Par.?

kim aham enaṃ na pratyabhijānāmi / (18.2) Par.?

ahaṃ hyanena sahasrakṛtvaḥ pūrvam agnicitiṣūpahitapūrvaḥ / (18.3) Par.?

saraścedam asya dakṣiṇādattābhir gobhir atikramamāṇābhiḥ kṛtam / (18.4) Par.?

atra cāhaṃ prativasāmīti // (18.5) Par.?

athaitat kacchapenodāhṛtaṃ śrutvā samanantaraṃ devalokād devarathaḥ prādurāsīt // (19.1) Par.?

vācaścāśrūyantendradyumnaṃ prati / (20.1) Par.?

prastutaste svargaḥ / (20.2) Par.?

yathocitaṃ sthānam abhipadyasva / (20.3) Par.?

kīrtimān asi / (20.4) Par.?

avyagro yāhīti // (20.5) Par.?

divaṃ spṛśati bhūmiṃ ca śabdaḥ puṇyasya karmaṇaḥ / (21.1) Par.?

yāvat sa śabdo bhavati tāvat puruṣa ucyate // (21.2) Par.?

akīrtiḥ kīrtyate yasya loke bhūtasya kasyacit / (22.1) Par.?

patatyevādhamāṃllokān yāvacchabdaḥ sa kīrtyate // (22.2) Par.?

tasmāt kalyāṇavṛttaḥ syād atyantāya naro bhuvi / (23.1) Par.?

vihāya vṛttaṃ pāpiṣṭhaṃ dharmam evābhisaṃśrayet // (23.2) Par.?

ityetacchrutvā sa rājābravīt / (24.1) Par.?

tiṣṭha tāvad yāvad idānīm imau vṛddhau yathāsthānaṃ pratipādayāmīti // (24.2) Par.?

sa māṃ prākārakarṇaṃ colūkaṃ yathocite sthāne pratipādya tenaiva yānena saṃsiddho yathocitaṃ sthānaṃ pratipannaḥ // (25.1) Par.?

etanmayānubhūtaṃ cirajīvinā dṛṣṭam iti pāṇḍavān uvāca mārkaṇḍeyaḥ // (26.1) Par.?

pāṇḍavāścocuḥ prītāḥ / (27.1) Par.?

sādhu / (27.2) Par.?

śobhanaṃ kṛtaṃ bhavatā rājānam indradyumnaṃ svargalokāccyutaṃ sve sthāne svarge punaḥ pratipādayateti // (27.3) Par.?

athainān abravīd asau / (28.1) Par.?

nanu devakīputreṇāpi kṛṣṇena narake majjamāno rājarṣir nṛgastasmāt kṛcchrāt samuddhṛtya punaḥ svargaṃ pratipādita iti // (28.2) Par.?