Texts

dhṛtarāṣṭra uvāca / (1.1) Par.?

yathaiva pāṇḍavāḥ sarve parākrāntā jigīṣavaḥ / (1.2) Par.?

tathaivābhisarāsteṣāṃ tyaktātmāno jaye dhṛtāḥ // (1.3) Par.?

tvam eva hi parākrāntān ācakṣīthāḥ parānmama / (2.1) Par.?

pāñcālān kekayānmatsyānmāgadhān vatsabhūmipān // (2.2) Par.?

yaśca sendrān imāṃllokān icchan kuryād vaśe balī / (3.1) Par.?

sa śreṣṭho jagataḥ kṛṣṇaḥ pāṇḍavānāṃ jaye dhṛtaḥ // (3.2) Par.?

samastām arjunād vidyāṃ sātyakiḥ kṣipram āptavān / (4.1) Par.?

śaineyaḥ samare sthātā bījavat pravapañ śarān // (4.2) Par.?

dhṛṣṭadyumnaśca pāñcālyaḥ krūrakarmā mahārathaḥ / (5.1) Par.?

māmakeṣu raṇaṃ kartā baleṣu paramāstravit // (5.2) Par.?

yudhiṣṭhirasya ca krodhād arjunasya ca vikramāt / (6.1) Par.?

yamābhyāṃ bhīmasenācca bhayaṃ me tāta jāyate // (6.2) Par.?

amānuṣaṃ manuṣyendrair jālaṃ vitatam antarā / (7.1) Par.?

mama senāṃ haniṣyanti tataḥ krośāmi saṃjaya // (7.2) Par.?

darśanīyo manasvī ca lakṣmīvān brahmavarcasī / (8.1) Par.?

medhāvī sukṛtaprajño dharmātmā pāṇḍunandanaḥ // (8.2) Par.?

mitrāmātyaiḥ susampannaḥ sampanno yojyayojakaiḥ / (9.1) Par.?

bhrātṛbhiḥ śvaśuraiḥ putrair upapanno mahārathaiḥ // (9.2) Par.?

dhṛtyā ca puruṣavyāghro naibhṛtyena ca pāṇḍavaḥ / (10.1) Par.?

anṛśaṃso vadānyaśca hrīmān satyaparākramaḥ // (10.2) Par.?

bahuśrutaḥ kṛtātmā ca vṛddhasevī jitendriyaḥ / (11.1) Par.?

taṃ sarvaguṇasampannaṃ samiddham iva pāvakam // (11.2) Par.?

tapantam iva ko mandaḥ patiṣyati pataṃgavat / (12.1) Par.?

pāṇḍavāgnim anāvāryaṃ mumūrṣur mūḍhacetanaḥ // (12.2) Par.?

tanur uccaḥ śikhī rājā śuddhajāmbūnadaprabhaḥ / (13.1) Par.?

mandānāṃ mama putrāṇāṃ yuddhenāntaṃ kariṣyati // (13.2) Par.?

tair ayuddhaṃ sādhu manye kuravastannibodhata / (14.1) Par.?

yuddhe vināśaḥ kṛtsnasya kulasya bhavitā dhruvam // (14.2) Par.?

eṣā me paramā śāntir yayā śāmyati me manaḥ / (15.1) Par.?

yadi tvayuddham iṣṭaṃ vo vayaṃ śāntyai yatāmahe // (15.2) Par.?

na tu naḥ śikṣamāṇānām upekṣeta yudhiṣṭhiraḥ / (16.1) Par.?

jugupsati hyadharmeṇa mām evoddiśya kāraṇam // (16.2) Par.?