Texts

gālava uvāca / (1.1) Par.?

mahāvīryo mahīpālaḥ kāśīnām īśvaraḥ prabhuḥ / (1.2) Par.?

divodāsa iti khyāto bhaimasenir narādhipaḥ // (1.3) Par.?

tatra gacchāvahe bhadre śanair āgaccha mā śucaḥ / (2.1) Par.?

dhārmikaḥ saṃyame yuktaḥ satyaścaiva janeśvaraḥ // (2.2) Par.?

nārada uvāca / (3.1) Par.?

tam upāgamya sa munir nyāyatastena satkṛtaḥ / (3.2) Par.?

gālavaḥ prasavasyārthe taṃ nṛpaṃ pratyacodayat // (3.3) Par.?

divodāsa uvāca / (4.1) Par.?

śrutam etanmayā pūrvaṃ kim uktvā vistaraṃ dvija / (4.2) Par.?

kāṅkṣito hi mayaiṣo 'rthaḥ śrutvaitad dvijasattama // (4.3) Par.?

etacca me bahumataṃ yad utsṛjya narādhipān / (5.1) Par.?

mām evam upayāto 'si bhāvi caitad asaṃśayam // (5.2) Par.?

sa eva vibhavo 'smākam aśvānām api gālava / (6.1) Par.?

aham apyekam evāsyāṃ janayiṣyāmi pārthivam // (6.2) Par.?

nārada uvāca / (7.1) Par.?

tathetyuktvā dvijaśreṣṭhaḥ prādāt kanyāṃ mahīpateḥ / (7.2) Par.?

vidhipūrvaṃ ca tāṃ rājā kanyāṃ pratigṛhītavān // (7.3) Par.?

reme sa tasyāṃ rājarṣiḥ prabhāvatyāṃ yathā raviḥ / (8.1) Par.?

svāhāyāṃ ca yathā vahnir yathā śacyāṃ sa vāsavaḥ // (8.2) Par.?

yathā candraśca rohiṇyāṃ yathā dhūmorṇayā yamaḥ / (9.1) Par.?

varuṇaśca yathā gauryāṃ yathā carddhyāṃ dhaneśvaraḥ // (9.2) Par.?

yathā nārāyaṇo lakṣmyāṃ jāhnavyāṃ ca yathodadhiḥ / (10.1) Par.?

yathā rudraśca rudrāṇyāṃ yathā vedyāṃ pitāmahaḥ // (10.2) Par.?

adṛśyantyāṃ ca vāsiṣṭho vasiṣṭhaścākṣamālayā / (11.1) Par.?

cyavanaśca sukanyāyāṃ pulastyaḥ saṃdhyayā yathā // (11.2) Par.?

agastyaścāpi vaidarbhyāṃ sāvitryāṃ satyavān yathā / (12.1) Par.?

yathā bhṛguḥ pulomāyām adityāṃ kaśyapo yathā // (12.2) Par.?

reṇukāyāṃ yathārcīko haimavatyāṃ ca kauśikaḥ / (13.1) Par.?

bṛhaspatiśca tārāyāṃ śukraśca śataparvayā // (13.2) Par.?

yathā bhūmyāṃ bhūmipatir urvaśyāṃ ca purūravāḥ / (14.1) Par.?

ṛcīkaḥ satyavatyāṃ ca sarasvatyāṃ yathā manuḥ // (14.2) Par.?

tathā tu ramamāṇasya divodāsasya bhūpateḥ / (15.1) Par.?

mādhavī janayāmāsa putram ekaṃ pratardanam // (15.2) Par.?

athājagāma bhagavān divodāsaṃ sa gālavaḥ / (16.1) Par.?

samaye samanuprāpte vacanaṃ cedam abravīt // (16.2) Par.?

niryātayatu me kanyāṃ bhavāṃstiṣṭhantu vājinaḥ / (17.1) Par.?

yāvad anyatra gacchāmi śulkārthaṃ pṛthivīpate // (17.2) Par.?

divodāso 'tha dharmātmā samaye gālavasya tām / (18.1) Par.?

kanyāṃ niryātayāmāsa sthitaḥ satye mahīpatiḥ // (18.2) Par.?